ນໂມ ຕສ຺ສ ຠຄວໂຕ ອຣຫໂຕ ສມ຺ມາສມ຺ພຸທ຺ຘສ຺ສ

ຂຸທ຺ທກນິກາເຍ

ປຏິສມ຺ຠິທາມຄ຺ຄປາຬິ

໑. ມຫາວຄ຺ໂຄ

ມາຕິກາ

໑. ໂສຕາວຘາເນ ປຎ຺ຎາ ສຸຕມເຍ ຎາຓໍ.

໒. ສຸຕ຺ວານ ສໍວເຣ ປຎ຺ຎາ ສີລມເຍ ຎາຓໍ.

໓. ສໍວຣິຕ຺ວາ ສມາທຫເນ ປຎ຺ຎາ ສມາຘິຠາວນາມເຍ ຎາຓໍ.

໔. ປຈ຺ຈຍປຣິຄ຺ຄເຫ ປຎ຺ຎາ ຘມ຺ມຏ຺ຐິຕິຎາຓໍ.

໕. ອຕີຕານາຄຕປຈ຺ຈຸປ຺ປນ຺ນານໍ ຘມ຺ມານໍ ສງ຺ຂິປິຕ຺ວາ ວວຕ຺ຖາເນ ປຎ຺ຎາ ສມ຺ມສເນ ຎາຓໍ.

໖. ປຈ຺ຈຸປ຺ປນ຺ນານໍ ຘມ຺ມານໍ ວິປຣິຓາມານຸປສ຺ສເນ ປຎ຺ຎາ ອຸທຍພ຺ພຍານຸປສ຺ສເນ ຎາຓໍ.

໗. ອາຣມ຺ມຓໍ ປຏິສງ຺ຂາ ຠງ຺ຄານຸປສ຺ສເນ ປຎ຺ຎາ ວິປສ຺ສເນ ຎາຓໍ.

໘. ຠຍຕຸປຏ຺ຐາເນ ປຎ຺ຎາ ອາທີນເວ ຎາຓໍ.

໙. ມຸຎ຺ຈິຕຸກມ຺ຍຕາປຏິສງ຺ຂາສນ຺ຕິຏ຺ຐນາ ປຎ຺ຎາ ສງ຺ຂາຣຸເປກ຺ຂາສຸ ຎາຓໍ.

໑໐. ພຫິທ຺ຘາ ວຸຏ຺ຐານວິວຏ຺ຏເນ ປຎ຺ຎາ ໂຄຕ຺ຣຠຸຎາຓໍ.

໑໑. ທຸຠໂຕ ວຸຏ຺ຐານວິວຏ຺ຏເນ ປຎ຺ຎາ ມຄ຺ເຄ ຎາຓໍ.

໑໒. ປໂຍຄປ຺ປຏິປ຺ປສ຺ສທ຺ຘິ ປຎ຺ຎາ ຜເລ ຎາຓໍ.

໑໓. ຉິນ຺ນວຏຸມານຸປສ຺ສເນ [ຉິນ຺ນມນຸປສ຺ສເນ (ສ຺ຍາ.), ຉິນ຺ນວຏ຺ຏມນຸປສ຺ສເນ (ສີ. ອຏ຺ຐ.)] ປຎ຺ຎາ ວິມຸຕ຺ຕິຎາຓໍ.

໑໔. ຕທາ ສມຸທາຄເຕ [ສມຸປາຄເຕ (ສ຺ຍາ.)] ຘມ຺ເມ ປສ຺ສເນ ປຎ຺ຎາ ປຈ຺ຈເວກ຺ຂເຓ ຎາຓໍ.

໑໕. ອຊ຺ຌຕ຺ຕວວຕ຺ຖາເນ ປຎ຺ຎາ ວຕ຺ຖຸນານຕ຺ເຕ ຎາຓໍ.

໑໖. ພຫິທ຺ຘາວວຕ຺ຖາເນ ປຎ຺ຎາ ໂຄຈຣນານຕ຺ເຕ ຎາຓໍ.

໑໗. ຈຣິຍາວວຕ຺ຖາເນ ປຎ຺ຎາ ຈຣິຍານານຕ຺ເຕ ຎາຓໍ.

໑໘. ຈຕຸຘມ຺ມວວຕ຺ຖາເນ ປຎ຺ຎາ ຠູມິນານຕ຺ເຕ ຎາຓໍ.

໑໙. ນວຘມ຺ມວວຕ຺ຖາເນ ປຎ຺ຎາ ຘມ຺ມນານຕ຺ເຕ ຎາຓໍ.

໒໐. ອຠິຎ຺ຎາປຎ຺ຎາ ຎາຕຏ຺ເຐ ຎາຓໍ.

໒໑. ປຣິຎ຺ຎາປຎ຺ຎາ ຕີຣຓຏ຺ເຐ ຎາຓໍ.

໒໒. ປຫາເນ ປຎ຺ຎາ ປຣິຈ຺ຈາຄຏ຺ເຐ ຎາຓໍ.

໒໓. ຠາວນາປຎ຺ຎາ ເອກຣສຏ຺ເຐ ຎາຓໍ.

໒໔. ສຈ຺ຉິກິຣິຍາປຎ຺ຎາ ຜສ຺ສນຏ຺ເຐ [ຜຸສນຏ຺ເຐ (ກ.)] ຎາຓໍ.

໒໕. ອຕ຺ຖນານຕ຺ເຕ ປຎ຺ຎາ ອຕ຺ຖປຏິສມ຺ຠິເທ ຎາຓໍ.

໒໖. ຘມ຺ມນານຕ຺ເຕ ປຎ຺ຎາ ຘມ຺ມປຏິສມ຺ຠິເທ ຎາຓໍ.

໒໗. ນິຣຸຕ຺ຕິນານຕ຺ເຕ ປຎ຺ຎາ ນິຣຸຕ຺ຕິປຏິສມ຺ຠິເທ ຎາຓໍ.

໒໘. ປຏິຠານນານຕ຺ເຕ ປຎ຺ຎາ [ປຏິຠາຓນານຕ຺ເຕ (ສ຺ຍາ.)] ປຏິຠານປຏິສມ຺ຠິເທ ຎາຓໍ.

໒໙. ວິຫາຣນານຕ຺ເຕ ປຎ຺ຎາ ວິຫາຣຏ຺ເຐ ຎາຓໍ.

໓໐. ສມາປຕ຺ຕິນານຕ຺ເຕ ປຎ຺ຎາ ສມາປຕ຺ຕຏ຺ເຐ ຎາຓໍ.

໓໑. ວິຫາຣສມາປຕ຺ຕິນານຕ຺ເຕ ປຎ຺ຎາ ວິຫາຣສມາປຕ຺ຕຏ຺ເຐ ຎາຓໍ.

໓໒. ອວິກ຺ເຂປປຣິສຸທ຺ຘຕ຺ຕາ ອາສວສມຸຈ຺ເຉເທ ປຎ຺ຎາ ອານນ຺ຕຣິກສມາຘິມ຺ຫິ ຎາຓໍ.

໓໓. ທສ຺ສນາຘິປເຕຍ຺ຍໍ ສນ຺ໂຕ ຈ ວິຫາຣາຘິຄໂມ ປຓີຕາຘິມຸຕ຺ຕຕາ ປຎ຺ຎາ ອຣຓວິຫາເຣ ຎາຓໍ.

໓໔. ທ຺ວີຫິ ພເລຫິ ສມນ຺ນາຄຕຕ຺ຕາ ຕໂຍ ຈ ສງ຺ຂາຣານໍ ປຏິປ຺ປສ຺ສທ຺ຘິຍາ ໂສຬສຫິ ຎາຓຈຣິຍາຫິ ນວຫິ ສມາຘິຈຣິຍາຫິ ວສິຠາວຕາ ປຎ຺ຎາ ນິໂຣຘສມາປຕ຺ຕິຍາ ຎາຓໍ.

໓໕. ສມ຺ປຊານສ຺ສ ປວຕ຺ຕປຣິຍາທາເນ ປຎ຺ຎາ ປຣິນິພ຺ພາເນ ຎາຓໍ.

໓໖. ສພ຺ພຘມ຺ມານໍ ສມ຺ມາ ສມຸຈ຺ເຉເທ ນິໂຣເຘ ຈ ອນຸປຏ຺ຐານຕາ ປຎ຺ຎາ ສມສີສຏ຺ເຐ ຎາຓໍ.

໓໗. ປຸຖຸນານຕ຺ຕເຕຊປຣິຍາທາເນ ປຎ຺ຎາ ສລ຺ເລຂຏ຺ເຐ ຎາຓໍ.

໓໘. ອສລ຺ລີນຕ຺ຕປຫິຕຕ຺ຕປຄ຺ຄຫຏ຺ເຐ ປຎ຺ຎາ ວີຣິຍາຣມ຺ເຠ ຎາຓໍ.

໓໙. ນານາຘມ຺ມປ຺ປກາສນຕາ ປຎ຺ຎາ ອຕ຺ຖສນ຺ທສ຺ສເນ ຎາຓໍ.

໔໐. ສພ຺ພຘມ຺ມານໍ ເອກສງ຺ຄຫຕານານຕ຺ເຕກຕ຺ຕປຏິເວເຘ ປຎ຺ຎາ ທສ຺ສນວິສຸທ຺ຘິຎາຓໍ.

໔໑. ວິທິຕຕ຺ຕາ ປຎ຺ຎາ ຂນ຺ຕິຎາຓໍ.

໔໒. ຜຸຏ຺ຐຕ຺ຕາ ປຎ຺ຎາ ປຣິໂຍຄາຫເຓ [ປຣິໂຍຄາຫເນ (ສ຺ຍາ.)] ຎາຓໍ.

໔໓. ສໂມທຫເນ ປຎ຺ຎາ ປເທສວິຫາເຣ ຎາຓໍ.

໔໔. ອຘິປຕຕ຺ຕາ ປຎ຺ຎາ ສຎ຺ຎາວິວຏ຺ເຏ ຎາຓໍ.

໔໕. ນານຕ຺ເຕ ປຎ຺ຎາ ເຈໂຕວິວຏ຺ເຏ ຎາຓໍ.

໔໖. ອຘິຏ຺ຐາເນ ປຎ຺ຎາ ຈິຕ຺ຕວິວຏ຺ເຏ ຎາຓໍ.

໔໗. ສຸຎ຺ຎເຕ ປຎ຺ຎາ ຎາຓວິວຏ຺ເຏ ຎາຓໍ.

໔໘. ໂວສຄ຺ເຄ [ໂວສ຺ສຄ຺ເຄ (ພຫູສຸ)] ປຎ຺ຎາ ວິໂມກ຺ຂວິວຏ຺ເຏ ຎາຓໍ.

໔໙. ຕຖຏ຺ເຐ ປຎ຺ຎາ ສຈ຺ຈວິວຏ຺ເຏ ຎາຓໍ.

໕໐. ກາຍມ຺ປິ ຈິຕ຺ຕມ຺ປິ ເອກວວຕ຺ຖານຕາ ສຸຂສຎ຺ຎຎ຺ຈ ລຫຸສຎ຺ຎຎ຺ຈ ອຘິຏ຺ຐານວເສນ ອິຊ຺ຌນຏ຺ເຐ ປຎ຺ຎາ ອິທ຺ຘິວິເຘ ຎາຓໍ.

໕໑. ວິຕກ຺ກວິປ຺ຜາຣວເສນ ນານຕ຺ເຕກຕ຺ຕສທ຺ທນິມິຕ຺ຕານໍ ປຣິໂຍຄາຫເຓ ປຎ຺ຎາ ໂສຕຘາຕຸວິສຸທ຺ຘິຎາຓໍ.

໕໒. ຕິຓ຺ຓນ຺ນໍ ຈິຕ຺ຕານໍ ວິປ຺ຜາຣຕ຺ຕາ ອິນ຺ທ຺ຣິຍານໍ ປສາທວເສນ ນານຕ຺ເຕກຕ຺ຕວິຎ຺ຎາຓຈຣິຍາ ປຣິໂຍຄາຫເຓ ປຎ຺ຎາ ເຈໂຕປຣິຍຎາຓໍ.

໕໓. ປຈ຺ຈຍປ຺ປວຕ຺ຕານໍ ຘມ຺ມານໍ ນານຕ຺ເຕກຕ຺ຕກມ຺ມວິປ຺ຜາຣວເສນ ປຣິໂຍຄາຫເຓ ປຎ຺ຎາ ປຸພ຺ເພນິວາສານຸສ຺ສຕິຎາຓໍ.

໕໔. ໂອຠາສວເສນ ນານຕ຺ເຕກຕ຺ຕຣູປນິມິຕ຺ຕານໍ ທສ຺ສນຏ຺ເຐ ປຎ຺ຎາ ທິພ຺ພຈກ຺ຂຸຎາຓໍ.

໕໕. ຈຕຸສຏ຺ຐິຍາ ອາກາເຣຫິ ຕິຓ຺ຓນ຺ນໍ ອິນ຺ທ຺ຣິຍານໍ ວສີຠາວຕາ ປຎ຺ຎາ ອາສວານໍ ຂເຍ ຎາຓໍ.

໕໖. ປຣິຎ຺ຎຏ຺ເຐ ປຎ຺ຎາ ທຸກ຺ເຂ ຎາຓໍ.

໕໗. ປຫານຏ຺ເຐ ປຎ຺ຎາ ສມຸທເຍ ຎາຓໍ.

໕໘. ສຈ຺ຉິກິຣິຍຏ຺ເຐ ປຎ຺ຎາ ນິໂຣເຘ ຎາຓໍ.

໕໙. ຠາວນຏ຺ເຐ ປຎ຺ຎາ ມຄ຺ເຄ ຎາຓໍ.

໖໐. ທຸກ຺ເຂ ຎາຓໍ.

໖໑. ທຸກ຺ຂສມຸທເຍ ຎາຓໍ.

໖໒. ທຸກ຺ຂນິໂຣເຘ ຎາຓໍ.

໖໓. ທຸກ຺ຂນິໂຣຘຄາມິນິຍາ ປຏິປທາຍ ຎາຓໍ.

໖໔. ອຕ຺ຖປຏິສມ຺ຠິເທ ຎາຓໍ.

໖໕. ຘມ຺ມປຏິສມ຺ຠິເທ ຎາຓໍ.

໖໖. ນິຣຸຕ຺ຕິປຏິສມ຺ຠິເທ ຎາຓໍ.

໖໗. ປຏິຠານປຏິສມ຺ຠິເທ ຎາຓໍ.

໖໘. ອິນ຺ທ຺ຣິຍປໂຣປຣິຍຕ຺ເຕ ຎາຓໍ.

໖໙. ສຕ຺ຕານໍ ອາສຍານຸສເຍ ຎາຓໍ.

໗໐. ຍມກປາຏິຫີເຣ ຎາຓໍ.

໗໑. ມຫາກຣຸຓາສມາປຕ຺ຕິຍາ ຎາຓໍ.

໗໒. ສພ຺ພຎ຺ຎຸຕຎາຓໍ.

໗໓. ອນາວຣຓຎາຓໍ.

ອິມານິ ເຕສຕ຺ຕຕິ ຎາຓານິ. ອິເມສໍ ເຕສຕ຺ຕຕິຍາ ຎາຓານໍ ສຕ຺ຕສຏ຺ຐິ ຎາຓານິ ສາວກສາຘາຣຓານິ; ຉ ຎາຓານິ ອສາຘາຣຓານິ ສາວເກຫິ.

ມາຕິກາ ນິຏ຺ຐິຕາ.

໑. ຎາຓກຖາ

໑. ສຸຕມຍຎາຓນິທ຺ເທໂສ

໑. ກຖໍ ໂສຕາວຘາເນ ປຎ຺ຎາ ສຸຕມເຍ ຎາຓໍ?

‘‘ອິເມ ຘມ຺ມາ ອຠິຎ຺ເຎຍ຺ຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ປຣິຎ຺ເຎຍ຺ຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ປຫາຕພ຺ພາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ຠາເວຕພ຺ພາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ສຈ຺ຉິກາຕພ຺ພາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ຫານຠາຄິຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ຐິຕິຠາຄິຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ວິເສສຠາຄິຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິເມ ຘມ຺ມາ ນິພ຺ເພຘຠາຄິຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ສພ຺ເພ ສງ຺ຂາຣາ ອນິຈ຺ຈາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ສພ຺ເພ ສງ຺ຂາຣາ ທຸກ຺ຂາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ສພ຺ເພ ຘມ຺ມາ ອນຕ຺ຕາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິທໍ ທຸກ຺ຂໍ ອຣິຍສຈ຺ຈ’’ນ຺ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິທໍ ທຸກ຺ຂສມຸທຍໍ [ທຸກ຺ຂສມຸທໂຍ (ສ຺ຍາ.)] ອຣິຍສຈ຺ຈ’’ນ຺ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິທໍ ທຸກ຺ຂນິໂຣຘໍ [ທຸກ຺ຂນິໂຣໂຘ (ສ຺ຍາ.) ອຏ຺ຐກຖາ ໂອໂລເກຕພ຺ພາ] ອຣິຍສຈ຺ຈ’’ນ຺ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

‘‘ອິທໍ ທຸກ຺ຂນິໂຣຘຄາມິນີ ປຏິປທາ ອຣິຍສຈ຺ຈ’’ນ຺ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ.

໒. ກຖໍ ‘‘ອິເມ ຘມ຺ມາ ອຠິຎ຺ເຎຍ຺ຍາ’’ຕິ ໂສຕາວຘານໍ, ຕໍປຊານນາ ປຎ຺ຎາ ສຸຕມເຍ ຎາຓໍ?

ເອໂກ ຘມ຺ໂມ ອຠິຎ຺ເຎຍ຺ໂຍ – ສພ຺ເພ ສຕ຺ຕາ ອາຫາຣຏ຺ຐິຕິກາ. ທ຺ເວ ຘມ຺ມາ ອຠິຎ຺ເຎຍ຺ຍາ – ທ຺ເວ ຘາຕຸໂຍ. ຕໂຍ ຘມ຺ມາ ອຠິຎ຺ເຎຍ຺ຍາ – ຕິສ຺ໂສ ຘາຕຸໂຍ. ຈຕ຺ຕາໂຣ ຘມ຺ມາ ອຠິຎ຺ເຎຍ຺ຍາ – ຈຕ຺ຕາຣິ ອຣິຍສຈ຺ຈານິ. ປຎ຺ຈ ຘມ຺ມາ ອຠິຎ຺ເຎຍ຺ຍາ – ປຎ຺ຈ ວິມຸຕ຺ຕາຍຕນານິ. ຉ ຘມ຺ມາ ອຠິຎ຺ເຎຍ຺ຍາ – ຉ ອນຸຕ຺ຕຣິຍານິ. ສຕ຺ຕ ຘມ຺ມາ ອຠິຎ຺ເຎຍ຺ຍາ – ສຕ຺ຕ ນິທ຺ທສວຕ຺ຖູນິ. ອຏ຺ຐ ຘມ຺ມາ ອຠິຎ຺ເຎຍ຺ຍາ – ອຏ຺ຐ ອຠິຠາຍຕນານິ. ນວ ຘມ຺ມາ ອຠິຎ຺ເຎຍ຺ຍາ – ນວ ອນຸປຸພ຺ພວິຫາຣາ. ທສ ຘມ຺ມາ ອຠິຎ຺ເຎຍ຺ຍາ – ທສ ນິຊ຺ຊຣວຕ຺ຖູນິ.

໓. ‘‘ສພ຺ພໍ, ຠິກ຺ຂເວ, ອຠິຎ຺ເຎຍ຺ຍໍ. ກິຎ຺ຈ, ຠິກ຺ຂເວ, ສພ຺ພໍ ອຠິຎ຺ເຎຍ຺ຍໍ? ຈກ຺ຂຸ [ຈກ຺ຂຸໍ (ສ຺ຍາ. ກ.)], ຠິກ຺ຂເວ, ອຠິຎ຺ເຎຍ຺ຍໍ; ຣູປາ ອຠິຎ຺ເຎຍ຺ຍາ; ຈກ຺ຂຸວິຎ຺ຎາຓໍ ອຠິຎ຺ເຎຍ຺ຍໍ; ຈກ຺ຂຸສມ຺ຜສ຺ໂສ ອຠິຎ຺ເຎຍ຺ໂຍ; ຍມ຺ປິທໍ [ຍມິທໍ (ກ.) ສໍ. ນິ. ໔.໕໒ ປສ຺ສິຕພ຺ໂພ] ຈກ຺ຂຸສມ຺ຜສ຺ສປຈ຺ຈຍາ ອຸປ຺ປຊ຺ຊຕິ ເວທຍິຕໍ ສຸຂໍ ວາ ທຸກ຺ຂໍ ວາ ອທຸກ຺ຂມສຸຂໍ ວາ, ຕມ຺ປິ ອຠິຎ຺ເຎຍ຺ຍໍ. ໂສຕໍ ອຠິຎ຺ເຎຍ຺ຍໍ; ສທ຺ທາ ອຠິຎ຺ເຎຍ຺ຍາ…ເປ… ຆານໍ ອຠິຎ຺ເຎຍ຺ຍໍ; ຄນ຺ຘາ ອຠິຎ຺ເຎຍ຺ຍາ… ຊິວ຺ຫາ ອຠິຎ຺ເຎຍ຺ຍາ; ຣສາ ອຠິຎ຺ເຎຍ຺ຍາ… ກາໂຍ ອຠິຎ຺ເຎຍ຺ໂຍ; ໂຜຏ຺ຐພ຺ພາ ອຠິຎ຺ເຎຍ຺ຍາ… ມໂນ ອຠິຎ຺ເຎຍ຺ໂຍ; ຘມ຺ມາ ອຠິຎ຺ເຎຍ຺ຍາ; ມໂນວິຎ຺ຎາຓໍ ອຠິຎ຺ເຎຍ຺ຍໍ, ມໂນສມ຺ຜສ຺ໂສ ອຠິຎ຺ເຎຍ຺ໂຍ; ຍມ຺ປິທໍ ມໂນສມ຺ຜສ຺ສປຈ຺ຈຍາ ອຸປ຺ປຊ຺ຊຕິ ເວທຍິຕໍ ສຸຂໍ ວາ ທຸກ຺ຂໍ ວາ ອທຸກ຺ຂມສຸຂໍ ວາ, ຕມ຺ປິ ອຠິຎ຺ເຎຍ຺ຍໍ.’’

ຣູປໍ ອຠິຎ຺ເຎຍ຺ຍໍ; ເວທນາ ອຠິຎ຺ເຎຍ຺ຍາ; ສຎ຺ຎາ ອຠິຎ຺ເຎຍ຺ຍາ; ສງ຺ຂາຣາ ອຠິຎ຺ເຎຍ຺ຍາ; ວິຎ຺ຎາຓໍ ອຠິຎ຺ເຎຍ຺ຍໍ.

ຈກ຺ຂຸ ອຠິຎ຺ເຎຍ຺ຍໍ; ໂສຕໍ ອຠິຎ຺ເຎຍ຺ຍໍ; ຆານໍ ອຠິຎ຺ເຎຍ຺ຍໍ; ຊິວ຺ຫາ ອຠິຎ຺ເຎຍ຺ຍາ; ກາໂຍ ອຠິຎ຺ເຎຍ຺ໂຍ; ມໂນ ອຠິຎ຺ເຎຍ຺ໂຍ. ຣູປາ ອຠິຎ຺ເຎຍ຺ຍາ; ສທ຺ທາ ອຠິຎ຺ເຎຍ຺ຍາ; ຄນ຺ຘາ ອຠິຎ຺ເຎຍ຺ຍາ; ຣສາ ອຠິຎ຺ເຎຍ຺ຍາ; ໂຜຏ຺ຐພ຺ພາ ອຠິຎ຺ເຎຍ຺ຍາ; ຘມ຺ມາ ອຠິຎ຺ເຎຍ຺ຍາ. ຈກ຺ຂຸວິຎ຺ຎາຓໍ ອຠິຎ຺ເຎຍ຺ຍໍ; ໂສຕວິຎ຺ຎາຓໍ ອຠິຎ຺ເຎຍ຺ຍໍ; ຆານວິຎ຺ຎາຓໍ ອຠິຎ຺ເຎຍ຺ຍໍ; ຊິວ຺ຫາວິຎ຺ຎາຓໍ ອຠິຎ຺ເຎຍ຺ຍໍ; ກາຍວິຎ຺ຎາຓໍ ອຠິຎ຺ເຎຍ຺ຍໍ; ມໂນວິຎ຺ຎາຓໍ ອຠິຎ຺ເຎຍ຺ຍໍ. ຈກ຺ຂຸສມ຺ຜສ຺ໂສ ອຠິຎ຺ເຎຍ຺ໂຍ; ໂສຕສມ຺ຜສ຺ໂສ ອຠິຎ຺ເຎຍ຺ໂຍ; ຆານສມ຺ຜສ຺ໂສ ອຠິຎ຺ເຎຍ຺ໂຍ; ຊິວ຺ຫາສມ຺ຜສ຺ໂສ ອຠິຎ຺ເຎຍ຺ໂຍ; ກາຍສມ຺ຜສ຺ໂສ ອຠິຎ຺ເຎຍ຺ໂຍ; ມໂນສມ຺ຜສ຺ໂສ ອຠິຎ຺ເຎຍ຺ໂຍ; ຈກ຺ຂຸສມ຺ຜສ຺ສຊາ ເວທນາ ອຠິຎ຺ເຎຍ຺ຍາ; ໂສຕສມ຺ຜສ຺ສຊາ ເວທນາ ອຠິຎ຺ເຎຍ຺ຍາ; ຆານສມ຺ຜສ຺ສຊາ ເວທນາ ອຠິຎ຺ເຎຍ຺ຍາ; ຊິວ຺ຫາສມ຺ຜສ຺ສຊາ ເວທນາ ອຠິຎ຺ເຎຍ຺ຍາ; ກາຍສມ຺ຜສ຺ສຊາ ເວທນາ ອຠິຎ຺ເຎຍ຺ຍາ; ມໂນສມ຺ຜສ຺ສຊາ ເວທນາ ອຠິຎ຺ເຎຍ຺ຍາ. ຣູປສຎ຺ຎາ ອຠິຎ຺ເຎຍ຺ຍາ; ສທ຺ທສຎ຺ຎາ ອຠິຎ຺ເຎຍ຺ຍາ; ຄນ຺ຘສຎ຺ຎາ ອຠິຎ຺ເຎຍ຺ຍາ; ຣສສຎ຺ຎາ ອຠິຎ຺ເຎຍ຺ຍາ; ໂຜຏ຺ຐພ຺ພສຎ຺ຎາ ອຠິຎ຺ເຎຍ຺ຍາ; ຘມ຺ມສຎ຺ຎາ ອຠິຎ຺ເຎຍ຺ຍາ. ຣູປສຎ຺ເຈຕນາ ອຠິຎ຺ເຎຍ຺ຍາ; ສທ຺ທສຎ຺ເຈຕນາ ອຠິຎ຺ເຎຍ຺ຍາ; ຄນ຺ຘສຎ຺ເຈຕນາ ອຠິຎ຺ເຎຍ຺ຍາ; ຣສສຎ຺ເຈຕນາ ອຠິຎ຺ເຎຍ຺ຍາ; ໂຜຏ຺ຐພ຺ພສຎ຺ເຈຕນາ ອຠິຎ຺ເຎຍ຺ຍາ; ຘມ຺ມສຎ຺ເຈຕນາ ອຠິຎ຺ເຎຍ຺ຍາ. ຣູປຕຓ຺ຫາ ອຠິຎ຺ເຎຍ຺ຍາ; ສທ຺ທຕຓ຺ຫາ ອຠິຎ຺ເຎຍ຺ຍາ; ຄນ຺ຘຕຓ຺ຫາ ອຠິຎ຺ເຎຍ຺ຍາ; ຣສຕຓ຺ຫາ ອຠິຎ຺ເຎຍ຺ຍາ; ໂຜຏ຺ຐພ຺ພຕຓ຺ຫາ ອຠິຎ຺ເຎຍ຺ຍາ; ຘມ຺ມຕຓ຺ຫາ ອຠິຎ຺ເຎຍ຺ຍາ. ຣູປວິຕກ຺ໂກ ອຠິຎ຺ເຎຍ຺ໂຍ; ສທ຺ທວິຕກ຺ໂກ ອຠິຎ຺ເຎຍ຺ໂຍ; ຄນ຺ຘວິຕກ຺ໂກ ອຠິຎ຺ເຎຍ຺ໂຍ; ຣສວິຕກ຺ໂກ ອຠິຎ຺ເຎຍ຺ໂຍ; ໂຜຏ຺ຐພ຺ພວິຕກ຺ໂກ ອຠິຎ຺ເຎຍ຺ໂຍ; ຘມ຺ມວິຕກ຺ໂກ ອຠິຎ຺ເຎຍ຺ໂຍ. ຣູປວິຈາໂຣ ອຠິຎ຺ເຎຍ຺ໂຍ; ສທ຺ທວິຈາໂຣ ອຠິຎ຺ເຎຍ຺ໂຍ; ຄນ຺ຘວິຈາໂຣ ອຠິຎ຺ເຎຍ຺ໂຍ; ຣສວິຈາໂຣ ອຠິຎ຺ເຎຍ຺ໂຍ; ໂຜຏ຺ຐພ຺ພວິຈາໂຣ ອຠິຎ຺ເຎຍ຺ໂຍ; ຘມ຺ມວິຈາໂຣ ອຠິຎ຺ເຎຍ຺ໂຍ.

໔. ປຖວີຘາຕຸ ອຠິຎ຺ເຎຍ຺ຍາ; ອາໂປຘາຕຸ ອຠິຎ຺ເຎຍ຺ຍາ; ເຕໂຊຘາຕຸ ອຠິຎ຺ເຎຍ຺ຍາ; ວາໂຍຘາຕຸ ອຠິຎ຺ເຎຍ຺ຍາ; ອາກາສຘາຕຸ ອຠິຎ຺ເຎຍ຺ຍາ; ວິຎ຺ຎາຓຘາຕຸ ອຠິຎ຺ເຎຍ຺ຍາ.

ປຖວີກສິຓໍ ອຠິຎ຺ເຎຍ຺ຍໍ; ອາໂປກສິຓໍ ອຠິຎ຺ເຎຍ຺ຍໍ; ເຕໂຊກສິຓໍ ອຠິຎ຺ເຎຍ຺ຍໍ; ວາໂຍກສິຓໍ ອຠິຎ຺ເຎຍ຺ຍໍ; ນີລກສິຓໍ ອຠິຎ຺ເຎຍ຺ຍໍ; ປີຕກສິຓໍ ອຠິຎ຺ເຎຍ຺ຍໍ; ໂລຫິຕກສິຓໍ ອຠິຎ຺ເຎຍ຺ຍໍ; ໂອທາຕກສິຓໍ ອຠິຎ຺ເຎຍ຺ຍໍ; ອາກາສກສິຓໍ ອຠິຎ຺ເຎຍ຺ຍໍ; ວິຎ຺ຎາຓກສິຓໍ ອຠິຎ຺ເຎຍ຺ຍໍ.

ເກສາ ອຠິຎ຺ເຎຍ຺ຍາ; ໂລມາ ອຠິຎ຺ເຎຍ຺ຍາ; ນຂາ ອຠິຎ຺ເຎຍ຺ຍາ; ທນ຺ຕາ ອຠິຎ຺ເຎຍ຺ຍາ; ຕໂຈ ອຠິຎ຺ເຎຍ຺ໂຍ, ມໍສໍ ອຠິຎ຺ເຎຍ຺ຍໍ; ນ຺ຫາຣູ [ນຫາຣູ (ສ຺ຍາ.)] ອຠິຎ຺ເຎຍ຺ຍາ; ອຏ຺ຐີ ອຠິຎ຺ເຎຍ຺ຍາ; ອຏ຺ຐິມິຎ຺ຊາ ອຠິຎ຺ເຎຍ຺ຍາ [ອຏ຺ຐິມຎ຺ຊໍ ອຠິຎ຺ເຎຍ຺ຍໍ (ສ຺ຍາ. ກ.)]; ວກ຺ກໍ ອຠິຎ຺ເຎຍ຺ຍໍ; ຫທຍໍ ອຠິຎ຺ເຎຍ຺ຍໍ; ຍກນໍ ອຠິຎ຺ເຎຍ຺ຍໍ; ກິໂລມກໍ ອຠິຎ຺ເຎຍ຺ຍໍ; ປິຫກໍ ອຠິຎ຺ເຎຍ຺ຍໍ; ປປ຺ຜາສໍ ອຠິຎ຺ເຎຍ຺ຍໍ; ອນ຺ຕໍ ອຠິຎ຺ເຎຍ຺ຍໍ ອນ຺ຕຄຸຓໍ ອຠິຎ຺ເຎຍ຺ຍໍ; ອຸທຣິຍໍ ອຠິຎ຺ເຎຍ຺ຍໍ; ກຣີສໍ ອຠິຎ຺ເຎຍ຺ຍໍ; ປິຕ຺ຕໍ ອຠິຎ຺ເຎຍ຺ຍໍ; ເສມ຺ຫໍ ອຠິຎ຺ເຎຍ຺ຍໍ; ປຸພ຺ໂພ ອຠິຎ຺ເຎຍ຺ໂຍ; ໂລຫິຕໍ ອຠິຎ຺ເຎຍ຺ຍໍ; ເສໂທ ອຠິຎ຺ເຎຍ຺ໂຍ; ເມໂທ ອຠິຎ຺ເຎຍ຺ໂຍ; ອສ຺ສຸ ອຠິຎ຺ເຎຍ຺ຍໍ; ວສາ ອຠິຎ຺ເຎຍ຺ຍາ; ເຂໂຬ ອຠິຎ຺ເຎຍ຺ໂຍ; ສິງ຺ຆາຓິກາ ອຠິຎ຺ເຎຍ຺ຍາ; ລສິກາ ອຠິຎ຺ເຎຍ຺ຍາ; ມຸຕ຺ຕໍ ອຠິຎ຺ເຎຍ຺ຍໍ; ມຕ຺ຖລຸງ຺ຄໍ ອຠິຎ຺ເຎຍ຺ຍໍ.

ຈກ຺ຂາຍຕນໍ ອຠິຎ຺ເຎຍ຺ຍໍ; ຣູປາຍຕນໍ ອຠິຎ຺ເຎຍ຺ຍໍ. ໂສຕາຍຕນໍ ອຠິຎ຺ເຎຍ຺ຍໍ; ສທ຺ທາຍຕນໍ ອຠິຎ຺ເຎຍ຺ຍໍ. ຆານາຍຕນໍ ອຠິຎ຺ເຎຍ຺ຍໍ; ຄນ຺ຘາຍຕນໍ ອຠິຎ຺ເຎຍ຺ຍໍ. ຊິວ຺ຫາຍຕນໍ ອຠິຎ຺ເຎຍ຺ຍໍ; ຣສາຍຕນໍ ອຠິຎ຺ເຎຍ຺ຍໍ. ກາຍາຍຕນໍ ອຠິຎ຺ເຎຍ຺ຍໍ; ໂຜຏ຺ຐພ຺ພາຍຕນໍ ອຠິຎ຺ເຎຍ຺ຍໍ. ມນາຍຕນໍ ອຠິຎ຺ເຎຍ຺ຍໍ; ຘມ຺ມາຍຕນໍ ອຠິຎ຺ເຎຍ຺ຍໍ.

ຈກ຺ຂຸຘາຕຸ ອຠິຎ຺ເຎຍ຺ຍາ; ຣູປຘາຕຸ ອຠິຎ຺ເຎຍ຺ຍາ; ຈກ຺ຂຸວິຎ຺ຎາຓຘາຕຸ ອຠິຎ຺ເຎຍ຺ຍາ. ໂສຕຘາຕຸ ອຠິຎ຺ເຎຍ຺ຍາ; ສທ຺ທຘາຕຸ ອຠິຎ຺ເຎຍ຺ຍາ; ໂສຕວິຎ຺ຎາຓຘາຕຸ ອຠິຎ຺ເຎຍ຺ຍາ. ຆານຘາຕຸ ອຠິຎ຺ເຎຍ຺ຍາ; ຄນ຺ຘຘາຕຸ ອຠິຎ຺ເຎຍ຺ຍາ; ຆານວິຎ຺ຎາຓຘາຕຸ ອຠິຎ຺ເຎຍ຺ຍາ. ຊິວ຺ຫາຘາຕຸ ອຠິຎ຺ເຎຍ຺ຍາ; ຣສຘາຕຸ ອຠິຎ຺ເຎຍ຺ຍາ; ຊິວ຺ຫາວິຎ຺ຎາຓຘາຕຸ ອຠິຎ຺ເຎຍ຺ຍາ. ກາຍຘາຕຸ ອຠິຎ຺ເຎຍ຺ຍາ; ໂຜຏ຺ຐພ຺ພຘາຕຸ ອຠິຎ຺ເຎຍ຺ຍາ; ກາຍວິຎ຺ຎາຓຘາຕຸ ອຠິຎ຺ເຎຍ຺ຍາ. ມໂນຘາຕຸ ອຠິຎ຺ເຎຍ຺ຍາ; ຘມ຺ມຘາຕຸ ອຠິຎ຺ເຎຍ຺ຍາ; ມໂນວິຎ຺ຎາຓຘາຕຸ ອຠິຎ຺ເຎຍ຺ຍາ.

ຈກ຺ຂຸນ຺ທ຺ຣິຍໍ ອຠິຎ຺ເຎຍ຺ຍໍ; ໂສຕິນ຺ທ຺ຣິຍໍ ອຠິຎ຺ເຎຍ຺ຍໍ; ຆານິນ຺ທ຺ຣິຍໍ ອຠິຎ຺ເຎຍ຺ຍໍ; ຊິວ຺ຫິນ຺ທ຺ຣິຍໍ ອຠິຎ຺ເຎຍ຺ຍໍ; ກາຍິນ຺ທ຺ຣິຍໍ ອຠິຎ຺ເຎຍ຺ຍໍ; ມນິນ຺ທ຺ຣິຍໍ ອຠິຎ຺ເຎຍ຺ຍໍ; ຊີວິຕິນ຺ທ຺ຣິຍໍ ອຠິຎ຺ເຎຍ຺ຍໍ; ອິຕ຺ຖິນ຺ທ຺ຣິຍໍ ອຠິຎ຺ເຎຍ຺ຍໍ; ປຸຣິສິນ຺ທ຺ຣິຍໍ ອຠິຎ຺ເຎຍ຺ຍໍ; ສຸຂິນ຺ທ຺ຣິຍໍ ອຠິຎ຺ເຎຍ຺ຍໍ; ທຸກ຺ຂິນ຺ທ຺ຣິຍໍ ອຠິຎ຺ເຎຍ຺ຍໍ; ໂສມນສ຺ສິນ຺ທ຺ຣິຍໍ ອຠິຎ຺ເຎຍ຺ຍໍ; ໂທມນສ຺ສິນ຺ທ຺ຣິຍໍ ອຠິຎ຺ເຎຍ຺ຍໍ; ອຸເປກ຺ຂິນ຺ທ຺ຣິຍໍ ອຠິຎ຺ເຎຍ຺ຍໍ; ສທ຺ຘິນ຺ທ຺ຣິຍໍ ອຠິຎ຺ເຎຍ຺ຍໍ; ວີຣິຍິນ຺ທ຺ຣິຍໍ [ວິຣິຍິນ຺ທ຺ຣິຍໍ (ສ຺ຍາ.)] ອຠິຎ຺ເຎຍ຺ຍໍ; ສຕິນ຺ທ຺ຣິຍໍ ອຠິຎ຺ເຎຍ຺ຍໍ; ສມາຘິນ຺ທ຺ຣິຍໍ ອຠິຎ຺ເຎຍ຺ຍໍ; ປຎ຺ຎິນ຺ທ຺ຣິຍໍ ອຠິຎ຺ເຎຍ຺ຍໍ; ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ອຠິຎ຺ເຎຍ຺ຍໍ; ອຎ຺ຎິນ຺ທ຺ຣິຍໍ ອຠິຎ຺ເຎຍ຺ຍໍ; ອຎ຺ຎາຕາວິນ຺ທ຺ຣິຍໍ ອຠິຎ຺ເຎຍ຺ຍໍ.

໕. ກາມຘາຕຸ ອຠິຎ຺ເຎຍ຺ຍາ; ຣູປຘາຕຸ ອຠິຎ຺ເຎຍ຺ຍາ; ອຣູປຘາຕຸ ອຠິຎ຺ເຎຍ຺ຍາ. ກາມຠໂວ ອຠິຎ຺ເຎຍ຺ໂຍ; ຣູປຠໂວ ອຠິຎ຺ເຎຍ຺ໂຍ; ອຣູປຠໂວ ອຠິຎ຺ເຎຍ຺ໂຍ. ສຎ຺ຎາຠໂວ ອຠິຎ຺ເຎຍ຺ໂຍ; ອສຎ຺ຎາຠໂວ ອຠິຎ຺ເຎຍ຺ໂຍ; ເນວສຎ຺ຎານາສຎ຺ຎາຠໂວ ອຠິຎ຺ເຎຍ຺ໂຍ. ເອກໂວກາຣຠໂວ ອຠິຎ຺ເຎຍ຺ໂຍ; ຈຕຸໂວກາຣຠໂວ ອຠິຎ຺ເຎຍ຺ໂຍ; ປຎ຺ຈໂວກາຣຠໂວ ອຠິຎ຺ເຎຍ຺ໂຍ.

໖. ປຐມໍ ຌານໍ [ປຐມຊ຺ຌານໍ (ສ຺ຍາ.) ເອວມີທິເສສຸ ຐາເນສຸ] ອຠິຎ຺ເຎຍ຺ຍໍ; ທຸຕິຍໍ ຌານໍ ອຠິຎ຺ເຎຍ຺ຍໍ; ຕຕິຍໍ ຌານໍ ອຠິຎ຺ເຎຍ຺ຍໍ; ຈຕຸຕ຺ຖໍ ຌານໍ ອຠິຎ຺ເຎຍ຺ຍໍ. ເມຕ຺ຕາເຈໂຕວິມຸຕ຺ຕິ ອຠິຎ຺ເຎຍ຺ຍາ; ກຣຸຓາເຈໂຕວິມຸຕ຺ຕິ ອຠິຎ຺ເຎຍ຺ຍາ; ມຸທິຕາເຈໂຕວິມຸຕ຺ຕິ ອຠິຎ຺ເຎຍ຺ຍາ; ອຸເປກ຺ຂາເຈໂຕວິມຸຕ຺ຕິ ອຠິຎ຺ເຎຍ຺ຍາ. ອາກາສານຎ຺ຈາຍຕນສມາປຕ຺ຕິ ອຠິຎ຺ເຎຍ຺ຍາ; ວິຎ຺ຎາຓຎ຺ຈາຍຕນສມາປຕ຺ຕິ ອຠິຎ຺ເຎຍ຺ຍາ; ອາກິຎ຺ຈຎ຺ຎາຍຕນສມາປຕ຺ຕິ ອຠິຎ຺ເຎຍ຺ຍາ; ເນວສຎ຺ຎານາສຎ຺ຎາຍຕນສມາປຕ຺ຕິ ອຠິຎ຺ເຎຍ຺ຍາ.

ອວິຊ຺ຊາ ອຠິຎ຺ເຎຍ຺ຍາ; ສງ຺ຂາຣາ ອຠິຎ຺ເຎຍ຺ຍາ; ວິຎ຺ຎາຓໍ ອຠິຎ຺ເຎຍ຺ຍໍ; ນາມຣູປໍ ອຠິຎ຺ເຎຍ຺ຍໍ; ສຬາຍຕນໍ ອຠິຎ຺ເຎຍ຺ຍໍ; ຜສ຺ໂສ ອຠິຎ຺ເຎຍ຺ໂຍ; ເວທນາ ອຠິຎ຺ເຎຍ຺ຍາ; ຕຓ຺ຫາ ອຠິຎ຺ເຎຍ຺ຍາ; ອຸປາທານໍ ອຠິຎ຺ເຎຍ຺ຍໍ; ຠໂວ ອຠິຎ຺ເຎຍ຺ໂຍ; ຊາຕິ ອຠິຎ຺ເຎຍ຺ຍາ; ຊຣາມຣຓໍ ອຠິຎ຺ເຎຍ຺ຍໍ.

໗. ທຸກ຺ຂໍ ອຠິຎ຺ເຎຍ຺ຍໍ; ທຸກ຺ຂສມຸທໂຍ ອຠິຎ຺ເຎຍ຺ໂຍ; ທຸກ຺ຂນິໂຣໂຘ ອຠິຎ຺ເຎຍ຺ໂຍ; ທຸກ຺ຂນິໂຣຘຄາມິນີ ປຏິປທາ ອຠິຎ຺ເຎຍ຺ຍາ. ຣູປໍ ອຠິຎ຺ເຎຍ຺ຍໍ; ຣູປສມຸທໂຍ ອຠິຎ຺ເຎຍ຺ໂຍ; ຣູປນິໂຣໂຘ ອຠິຎ຺ເຎຍ຺ໂຍ; ຣູປນິໂຣຘຄາມິນີ ປຏິປທາ ອຠິຎ຺ເຎຍ຺ຍາ. ເວທນາ ອຠິຎ຺ເຎຍ຺ຍາ…ເປ… ສຎ຺ຎາ ອຠິຎ຺ເຎຍ຺ຍາ…ເປ… ສງ຺ຂາຣາ ອຠິຎ຺ເຎຍ຺ຍາ…ເປ… ວິຎ຺ຎາຓໍ ອຠິຎ຺ເຎຍ຺ຍໍ. ຈກ຺ຂຸ ອຠິຎ຺ເຎຍ຺ຍໍ…ເປ… ຊຣາມຣຓໍ ອຠິຎ຺ເຎຍ຺ຍໍ; ຊຣາມຣຓສມຸທໂຍ ອຠິຎ຺ເຎຍ຺ໂຍ; ຊຣາມຣຓນິໂຣໂຘ ອຠິຎ຺ເຎຍ຺ໂຍ; ຊຣາມຣຓນິໂຣຘຄາມິນີ ປຏິປທາ ອຠິຎ຺ເຎຍ຺ຍາ.

ທຸກ຺ຂສ຺ສ ປຣິຎ຺ຎຏ຺ໂຐ ອຠິຎ຺ເຎຍ຺ໂຍ; ທຸກ຺ຂສມຸທຍສ຺ສ ປຫານຏ຺ໂຐ ອຠິຎ຺ເຎຍ຺ໂຍ; ທຸກ຺ຂນິໂຣຘສ຺ສ ສຈ຺ຉິກິຣິຍຏ຺ໂຐ ອຠິຎ຺ເຎຍ຺ໂຍ; ທຸກ຺ຂນິໂຣຘຄາມິນິຍາ ປຏິປທາຍ ຠາວນຏ຺ໂຐ ອຠິຎ຺ເຎຍ຺ໂຍ. ຣູປສ຺ສ ປຣິຎ຺ຎຏ຺ໂຐ ອຠິຎ຺ເຎຍ຺ໂຍ; ຣູປສມຸທຍສ຺ສ ປຫານຏ຺ໂຐ ອຠິຎ຺ເຎຍ຺ໂຍ; ຣູປນິໂຣຘສ຺ສ ສຈ຺ຉິກິຣິຍຏ຺ໂຐ ອຠິຎ຺ເຎຍ຺ໂຍ; ຣູປນິໂຣຘຄາມິນິຍາ ປຏິປທາຍ ຠາວນຏ຺ໂຐ ອຠິຎ຺ເຎຍ຺ໂຍ. ເວທນາຍ…ເປ… ສຎ຺ຎາຍ… ສງ຺ຂາຣານໍ… ວິຎ຺ຎາຓສ຺ສ… ຈກ຺ຂຸສ຺ສ…ເປ… ຊຣາມຣຓສ຺ສ ປຣິຎ຺ຎຏ຺ໂຐ ອຠິຎ຺ເຎຍ຺ໂຍ; ຊຣາມຣຓສມຸທຍສ຺ສ ປຫານຏ຺ໂຐ ອຠິຎ຺ເຎຍ຺ໂຍ; ຊຣາມຣຓນິໂຣຘສ຺ສ ສຈ຺ຉິກິຣິຍຏ຺ໂຐ ອຠິຎ຺ເຎຍ຺ໂຍ; ຊຣາມຣຓນິໂຣຘຄາມິນິຍາ ປຏິປທາຍ ຠາວນຏ຺ໂຐ ອຠິຎ຺ເຎຍ຺ໂຍ.

ທຸກ຺ຂສ຺ສ ປຣິຎ຺ຎາປຏິເວຘຏ຺ໂຐ ອຠິຎ຺ເຎຍ຺ໂຍ; ທຸກ຺ຂສມຸທຍສ຺ສ ປຫານປຏິເວຘຏ຺ໂຐ ອຠິຎ຺ເຎຍ຺ໂຍ; ທຸກ຺ຂນິໂຣຘສ຺ສ ສຈ຺ຉິກິຣິຍາປຏິເວຘຏ຺ໂຐ ອຠິຎ຺ເຎຍ຺ໂຍ; ທຸກ຺ຂນິໂຣຘຄາມິນິຍາ ປຏິປທາຍ ຠາວນາປຏິເວຘຏ຺ໂຐ ອຠິຎ຺ເຎຍ຺ໂຍ. ຣູປສ຺ສ ປຣິຎ຺ຎາປຏິເວຘຏ຺ໂຐ ອຠິຎ຺ເຎຍ຺ໂຍ; ຣູປສມຸທຍສ຺ສ ປຫານປຏິເວຘຏ຺ໂຐ ອຠິຎ຺ເຎຍ຺ໂຍ; ຣູປນິໂຣຘສ຺ສ ສຈ຺ຉິກິຣິຍາປຏິເວຘຏ຺ໂຐ ອຠິຎ຺ເຎຍ຺ໂຍ; ຣູປນິໂຣຘຄາມິນິຍາ ປຏິປທາຍ ຠາວນາປຏິເວຘຏ຺ໂຐ ອຠິຎ຺ເຎຍ຺ໂຍ. ເວທນາຍ…ເປ… ສຎ຺ຎາຍ… ສງ຺ຂາຣານໍ… ວິຎ຺ຎາຓສ຺ສ… ຈກ຺ຂຸສ຺ສ…ເປ… ຊຣາມຣຓສ຺ສ ປຣິຎ຺ຎາປຏິເວຘຏ຺ໂຐ ອຠິຎ຺ເຎຍ຺ໂຍ; ຊຣາມຣຓສມຸທຍສ຺ສ ປຫານປຏິເວຘຏ຺ໂຐ ອຠິຎ຺ເຎຍ຺ໂຍ; ຊຣາມຣຓນິໂຣຘສ຺ສ ສຈ຺ຉິກິຣິຍາປຏິເວຘຏ຺ໂຐ ອຠິຎ຺ເຎຍ຺ໂຍ; ຊຣາມຣຓນິໂຣຘຄາມິນິຍາ ປຏິປທາຍ ຠາວນາປຏິເວຘຏ຺ໂຐ ອຠິຎ຺ເຎຍ຺ໂຍ.

໘. ທຸກ຺ຂໍ ອຠິຎ຺ເຎຍ຺ຍໍ; ທຸກ຺ຂສມຸທໂຍ ອຠິຎ຺ເຎຍ຺ໂຍ; ທຸກ຺ຂນິໂຣໂຘ ອຠິຎ຺ເຎຍ຺ໂຍ; ທຸກ຺ຂສ຺ສ ສມຸທຍນິໂຣໂຘ ອຠິຎ຺ເຎຍ຺ໂຍ; ທຸກ຺ຂສ຺ສ ຉນ຺ທຣາຄນິໂຣໂຘ ອຠິຎ຺ເຎຍ຺ໂຍ; ທຸກ຺ຂສ຺ສ ອສ຺ສາໂທ ອຠິຎ຺ເຎຍ຺ໂຍ; ທຸກ຺ຂສ຺ສ ອາທີນໂວ ອຠິຎ຺ເຎຍ຺ໂຍ; ທຸກ຺ຂສ຺ສ ນິສ຺ສຣຓໍ ອຠິຎ຺ເຎຍ຺ຍໍ. ຣູປໍ ອຠິຎ຺ເຎຍ຺ຍໍ; ຣູປສມຸທໂຍ ອຠິຎ຺ເຎຍ຺ໂຍ; ຣູປນິໂຣໂຘ ອຠິຎ຺ເຎຍ຺ໂຍ; ຣູປສ຺ສ ສມຸທຍນິໂຣໂຘ ອຠິຎ຺ເຎຍ຺ໂຍ; ຣູປສ຺ສ ຉນ຺ທຣາຄນິໂຣໂຘ ອຠິຎ຺ເຎຍ຺ໂຍ; ຣູປສ຺ສ ອສ຺ສາໂທ ອຠິຎ຺ເຎຍ຺ໂຍ; ຣູປສ຺ສ ອາທີນໂວ ອຠິຎ຺ເຎຍ຺ໂຍ; ຣູປສ຺ສ ນິສ຺ສຣຓໍ ອຠິຎ຺ເຎຍ຺ຍໍ. ເວທນາ ອຠິຎ຺ເຎຍ຺ຍາ…ເປ… ສຎ຺ຎາ ອຠິຎ຺ເຎຍ຺ຍາ… ສງ຺ຂາຣາ ອຠິຎ຺ເຎຍ຺ຍາ… ວິຎ຺ຎາຓໍ ອຠິຎ຺ເຎຍ຺ຍໍ… ຈກ຺ຂຸ ອຠິຎ຺ເຎຍ຺ຍໍ…ເປ… ຊຣາມຣຓໍ ອຠິຎ຺ເຎຍ຺ຍໍ; ຊຣາມຣຓສມຸທໂຍ ອຠິຎ຺ເຎຍ຺ໂຍ; ຊຣາມຣຓນິໂຣໂຘ ອຠິຎ຺ເຎຍ຺ໂຍ; ຊຣາມຣຓສ຺ສ ສມຸທຍນິໂຣໂຘ ອຠິຎ຺ເຎຍ຺ໂຍ; ຊຣາມຣຓສ຺ສ ຉນ຺ທຣາຄນິໂຣໂຘ ອຠິຎ຺ເຎຍ຺ໂຍ; ຊຣາມຣຓສ຺ສ ອສ຺ສາໂທ ອຠິຎ຺ເຎຍ຺ໂຍ; ຊຣາມຣຓສ຺ສ ອາທີນໂວ ອຠິຎ຺ເຎຍ຺ໂຍ; ຊຣາມຣຓສ຺ສ ນິສ຺ສຣຓໍ ອຠິຎ຺ເຎຍ຺ຍໍ.

ທຸກ຺ຂໍ ອຠິຎ຺ເຎຍ຺ຍໍ; ທຸກ຺ຂສມຸທໂຍ ອຠິຎ຺ເຎຍ຺ໂຍ; ທຸກ຺ຂນິໂຣໂຘ ອຠິຎ຺ເຎຍ຺ໂຍ; ທຸກ຺ຂນິໂຣຘຄາມິນີ ປຏິປທາ ອຠິຎ຺ເຎຍ຺ຍາ; ທຸກ຺ຂສ຺ສ ອສ຺ສາໂທ ອຠິຎ຺ເຎຍ຺ໂຍ; ທຸກ຺ຂສ຺ສ ອາທີນໂວ ອຠິຎ຺ເຎຍ຺ໂຍ; ທຸກ຺ຂສ຺ສ ນິສ຺ສຣຓໍ ອຠິຎ຺ເຎຍ຺ຍໍ. ຣູປໍ ອຠິຎ຺ເຎຍ຺ຍໍ; ຣູປສມຸທໂຍ ອຠິຎ຺ເຎຍ຺ໂຍ; ຣູປນິໂຣໂຘ ອຠິຎ຺ເຎຍ຺ໂຍ; ຣູປນິໂຣຘຄາມິນີ ປຏິປທາ ອຠິຎ຺ເຎຍ຺ຍາ; ຣູປສ຺ສ ອສ຺ສາໂທ ອຠິຎ຺ເຎຍ຺ໂຍ; ຣູປສ຺ສ ອາທີນໂວ ອຠິຎ຺ເຎຍ຺ໂຍ; ຣູປສ຺ສ ນິສ຺ສຣຓໍ ອຠິຎ຺ເຎຍ຺ຍໍ. ເວທນາ ອຠິຎ຺ເຎຍ຺ຍາ…ເປ… ສຎ຺ຎາ ອຠິຎ຺ເຎຍ຺ຍາ… ສງ຺ຂາຣາ ອຠິຎ຺ເຎຍ຺ຍາ… ວິຎ຺ຎາຓໍ ອຠິຎ຺ເຎຍ຺ຍໍ… ຈກ຺ຂຸ ອຠິຎ຺ເຎຍ຺ຍໍ…ເປ… ຊຣາມຣຓໍ ອຠິຎ຺ເຎຍ຺ຍໍ; ຊຣາມຣຓສມຸທໂຍ ອຠິຎ຺ເຎຍ຺ໂຍ; ຊຣາມຣຓນິໂຣໂຘ ອຠິຎ຺ເຎຍ຺ໂຍ; ຊຣາມຣຓນິໂຣຘຄາມິນີ ປຏິປທາ ອຠິຎ຺ເຎຍ຺ຍາ; ຊຣາມຣຓສ຺ສ ອສ຺ສາໂທ ອຠິຎ຺ເຎຍ຺ໂຍ; ຊຣາມຣຓສ຺ສ ອາທີນໂວ ອຠິຎ຺ເຎຍ຺ໂຍ; ຊຣາມຣຓສ຺ສ ນິສ຺ສຣຓໍ ອຠິຎ຺ເຎຍ຺ຍໍ.

໙. ອນິຈ຺ຈານຸປສ຺ສນາ ອຠິຎ຺ເຎຍ຺ຍາ; ທຸກ຺ຂານຸປສ຺ສນາ ອຠິຎ຺ເຎຍ຺ຍາ; ອນຕ຺ຕານຸປສ຺ສນາ ອຠິຎ຺ເຎຍ຺ຍາ; ນິພ຺ພິທານຸປສ຺ສນາ ອຠິຎ຺ເຎຍ຺ຍາ; ວິຣາຄານຸປສ຺ສນາ ອຠິຎ຺ເຎຍ຺ຍາ; ນິໂຣຘານຸປສ຺ສນາ ອຠິຎ຺ເຎຍ຺ຍາ; ປຏິນິສ຺ສຄ຺ຄານຸປສ຺ສນາ ອຠິຎ຺ເຎຍ຺ຍາ. ຣູເປ ອນິຈ຺ຈານຸປສ຺ສນາ ອຠິຎ຺ເຎຍ຺ຍາ; ຣູເປ ທຸກ຺ຂານຸປສ຺ສນາ ອຠິຎ຺ເຎຍ຺ຍາ; ຣູເປ ອນຕ຺ຕານຸປສ຺ສນາ ອຠິຎ຺ເຎຍ຺ຍາ; ຣູເປ ນິພ຺ພິທານຸປສ຺ສນາ ອຠິຎ຺ເຎຍ຺ຍາ; ຣູເປ ວິຣາຄານຸປສ຺ສນາ ອຠິຎ຺ເຎຍ຺ຍາ; ຣູເປ ນິໂຣຘານຸປສ຺ສນາ ອຠິຎ຺ເຎຍ຺ຍາ; ຣູເປ ປຏິນິສ຺ສຄ຺ຄານຸປສ຺ສນາ ອຠິຎ຺ເຎຍ຺ຍາ. ເວທນາຍ…ເປ… ສຎ຺ຎາຍ… ສງ຺ຂາເຣສຸ… ວິຎ຺ຎາເຓ… ຈກ຺ຂຸສ຺ມິໍ…ເປ… ຊຣາມຣເຓ ອນິຈ຺ຈານຸປສ຺ສນາ ອຠິຎ຺ເຎຍ຺ຍາ; ຊຣາມຣເຓ ທຸກ຺ຂານຸປສ຺ສນາ ອຠິຎ຺ເຎຍ຺ຍາ; ຊຣາມຣເຓ ອນຕ຺ຕານຸປສ຺ສນາ ອຠິຎ຺ເຎຍ຺ຍາ; ຊຣາມຣເຓ ນິພ຺ພິທານຸປສ຺ສນາ ອຠິຎ຺ເຎຍ຺ຍາ; ຊຣາມຣເຓ ວິຣາຄານຸປສ຺ສນາ ອຠິຎ຺ເຎຍ຺ຍາ; ຊຣາມຣເຓ ນິໂຣຘານຸປສ຺ສນາ ອຠິຎ຺ເຎຍ຺ຍາ; ຊຣາມຣເຓ ປຏິນິສ຺ສຄ຺ຄານຸປສ຺ສນາ ອຠິຎ຺ເຎຍ຺ຍາ.

໑໐. ອຸປ຺ປາໂທ ອຠິຎ຺ເຎຍ຺ໂຍ; ປວຕ຺ຕໍ ອຠິຎ຺ເຎຍ຺ຍໍ; ນິມິຕ຺ຕໍ ອຠິຎ຺ເຎຍ຺ຍໍ; ອາຍູຫນາ [ອາຍຸຫນາ (ສ຺ຍາ.) ເອວມຸປຣິປິ] ອຠິຎ຺ເຎຍ຺ຍາ; ປຏິສນ຺ຘິ ອຠິຎ຺ເຎຍ຺ຍາ; ຄຕິ ອຠິຎ຺ເຎຍ຺ຍາ; ນິພ຺ພຕ຺ຕິ ອຠິຎ຺ເຎຍ຺ຍາ; ອຸປປຕ຺ຕິ ອຠິຎ຺ເຎຍ຺ຍາ; ຊາຕິ ອຠິຎ຺ເຎຍ຺ຍາ; ຊຣາ ອຠິຎ຺ເຎຍ຺ຍາ; ພ຺ຍາຘິ ອຠິຎ຺ເຎຍ຺ໂຍ, ມຣຓໍ ອຠິຎ຺ເຎຍ຺ຍໍ; ໂສໂກ ອຠິຎ຺ເຎຍ຺ໂຍ; ປຣິເທໂວ ອຠິຎ຺ເຎຍ຺ໂຍ; ອຸປາຍາໂສ ອຠິຎ຺ເຎຍ຺ໂຍ.

ອນຸປ຺ປາໂທ ອຠິຎ຺ເຎຍ຺ໂຍ; ອປ຺ປວຕ຺ຕໍ ອຠິຎ຺ເຎຍ຺ຍໍ; ອນິມິຕ຺ຕໍ ອຠິຎ຺ເຎຍ຺ຍໍ; ອນາຍູຫນາ [ອນາຍຸຫນາ (ສ຺ຍາ.) ເອວມຸປຣິປິ] ອຠິຎ຺ເຎຍ຺ຍາ; ອປ຺ປຏິສນ຺ຘິ ອຠິຎ຺ເຎຍ຺ຍາ; ອຄຕິ ອຠິຎ຺ເຎຍ຺ຍາ; ອນິພ຺ພຕ຺ຕິ ອຠິຎ຺ເຎຍ຺ຍາ; ອນຸປປຕ຺ຕິ ອຠິຎ຺ເຎຍ຺ຍາ; ອຊາຕິ ອຠິຎ຺ເຎຍ຺ຍາ; ອຊຣາ ອຠິຎ຺ເຎຍ຺ຍາ; ອພ຺ຍາຘິ ອຠິຎ຺ເຎຍ຺ໂຍ; ອມຕໍ ອຠິຎ຺ເຎຍ຺ຍໍ; ອໂສໂກ ອຠິຎ຺ເຎຍ຺ໂຍ; ອປຣິເທໂວ ອຠິຎ຺ເຎຍ຺ໂຍ; ອນຸປາຍາໂສ ອຠິຎ຺ເຎຍ຺ໂຍ.

ອຸປ຺ປາໂທ ອຠິຎ຺ເຎຍ຺ໂຍ; ອນຸປ຺ປາໂທ ອຠິຎ຺ເຎຍ຺ໂຍ; ປວຕ຺ຕໍ ອຠິຎ຺ເຎຍ຺ຍໍ; ອປ຺ປວຕ຺ຕໍ ອຠິຎ຺ເຎຍ຺ຍໍ. ນິມິຕ຺ຕໍ ອຠິຎ຺ເຎຍ຺ຍໍ; ອນິມິຕ຺ຕໍ ອຠິຎ຺ເຎຍ຺ຍໍ. ອາຍູຫນາ ອຠິຎ຺ເຎຍ຺ຍາ; ອນາຍູຫນາ ອຠິຎ຺ເຎຍ຺ຍາ. ປຏິສນ຺ຘິ ອຠິຎ຺ເຎຍ຺ຍາ; ອປ຺ປຏິສນ຺ຘິ ອຠິຎ຺ເຎຍ຺ຍາ. ຄຕິ ອຠິຎ຺ເຎຍ຺ຍາ; ອຄຕິ ອຠິຎ຺ເຎຍ຺ຍາ. ນິພ຺ພຕ຺ຕິ ອຠິຎ຺ເຎຍ຺ຍາ; ອນິພ຺ພຕ຺ຕິ ອຠິຎ຺ເຎຍ຺ຍາ. ອຸປປຕ຺ຕິ ອຠິຎ຺ເຎຍ຺ຍາ; ອນຸປປຕ຺ຕິ ອຠິຎ຺ເຎຍ຺ຍາ. ຊາຕິ ອຠິຎ຺ເຎຍ຺ຍາ; ອຊາຕິ ອຠິຎ຺ເຎຍ຺ຍາ. ຊຣາ ອຠິຎ຺ເຎຍ຺ຍາ; ອຊຣາ ອຠິຎ຺ເຎຍ຺ຍາ. ພ຺ຍາຘິ ອຠິຎ຺ເຎຍ຺ໂຍ; ອພ຺ຍາຘິ ອຠິຎ຺ເຎຍ຺ໂຍ. ມຣຓໍ ອຠິຎ຺ເຎຍ຺ຍໍ; ອມຕໍ ອຠິຎ຺ເຎຍ຺ຍໍ. ໂສໂກ ອຠິຎ຺ເຎຍ຺ໂຍ; ອໂສໂກ ອຠິຎ຺ເຎຍ຺ໂຍ. ປຣິເທໂວ ອຠິຎ຺ເຎຍ຺ໂຍ; ອປຣິເທໂວ ອຠິຎ຺ເຎຍ຺ໂຍ. ອຸປາຍາໂສ ອຠິຎ຺ເຎຍ຺ໂຍ; ອນຸປາຍາໂສ ອຠິຎ຺ເຎຍ຺ໂຍ.

ອຸປ຺ປາໂທ ທຸກ຺ຂນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ທຸກ຺ຂນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ທຸກ຺ຂນ຺ຕິ ອຠິຎ຺ເຎຍ຺ຍໍ. ອາຍູຫນາ ທຸກ຺ຂນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ທຸກ຺ຂນ຺ຕິ ອຠິຎ຺ເຎຍ຺ຍໍ. ຄຕິ ທຸກ຺ຂນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ທຸກ຺ຂນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ທຸກ຺ຂນ຺ຕິ ອຠິຎ຺ເຎຍ຺ຍໍ. ຊາຕິ ທຸກ຺ຂນ຺ຕິ ອຠິຎ຺ເຎຍ຺ຍໍ. ຊຣາ ທຸກ຺ຂນ຺ຕິ ອຠິຎ຺ເຎຍ຺ຍໍ. ພ຺ຍາຘິ ທຸກ຺ຂນ຺ຕິ ອຠິຎ຺ເຎຍ຺ຍໍ. ມຣຓໍ ທຸກ຺ຂນ຺ຕິ ອຠິຎ຺ເຎຍ຺ຍໍ. ໂສໂກ ທຸກ຺ຂນ຺ຕິ ອຠິຎ຺ເຎຍ຺ຍໍ. ປຣິເທໂວ ທຸກ຺ຂນ຺ຕິ ອຠິຎ຺ເຎຍ຺ຍໍ. ອຸປາຍາໂສ ທຸກ຺ຂນ຺ຕິ ອຠິຎ຺ເຎຍ຺ຍໍ.

ອນຸປ຺ປາໂທ ສຸຂນ຺ຕິ ອຠິຎ຺ເຎຍ຺ຍໍ. ອປ຺ປວຕ຺ຕໍ ສຸຂນ຺ຕິ ອຠິຎ຺ເຎຍ຺ຍໍ. ອນິມິຕ຺ຕໍ ສຸຂນ຺ຕິ ອຠິຎ຺ເຎຍ຺ຍໍ. ອນາຍູຫນາ ສຸຂນ຺ຕິ ອຠິຎ຺ເຎຍ຺ຍໍ. ອປ຺ປຏິສນ຺ຘິ ສຸຂນ຺ຕິ ອຠິຎ຺ເຎຍ຺ຍໍ. ອຄຕິ ສຸຂນ຺ຕິ ອຠິຎ຺ເຎຍ຺ຍໍ. ອນິພ຺ພຕ຺ຕິ ສຸຂນ຺ຕິ ອຠິຎ຺ເຎຍ຺ຍໍ. ອນຸປປຕ຺ຕິ ສຸຂນ຺ຕິ ອຠິຎ຺ເຎຍ຺ຍໍ. ອຊາຕິ ສຸຂນ຺ຕິ ອຠິຎ຺ເຎຍ຺ຍໍ. ອຊຣາ ສຸຂນ຺ຕິ ອຠິຎ຺ເຎຍ຺ຍໍ. ອພ຺ຍາຘິ ສຸຂນ຺ຕິ ອຠິຎ຺ເຎຍ຺ຍໍ. ອມຕໍ ສຸຂນ຺ຕິ ອຠິຎ຺ເຎຍ຺ຍໍ. ອໂສໂກ ສຸຂນ຺ຕິ ອຠິຎ຺ເຎຍ຺ຍໍ. ອປຣິເທໂວ ສຸຂນ຺ຕິ ອຠິຎ຺ເຎຍ຺ຍໍ. ອນຸປາຍາໂສ ສຸຂນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ທຸກ຺ຂໍ, ອນຸປ຺ປາໂທ ສຸຂນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ທຸກ຺ຂໍ, ອປ຺ປວຕ຺ຕໍ ສຸຂນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ທຸກ຺ຂໍ, ອນິມິຕ຺ຕໍ ສຸຂນ຺ຕິ ອຠິຎ຺ເຎຍ຺ຍໍ. ອາຍູຫນາ ທຸກ຺ຂໍ, ອນາຍູຫນາ ສຸຂນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ທຸກ຺ຂໍ, ອປ຺ປຏິສນ຺ຘິ ສຸຂນ຺ຕິ ອຠິຎ຺ເຎຍ຺ຍໍ. ຄຕິ ທຸກ຺ຂໍ, ອຄຕິ ສຸຂນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ທຸກ຺ຂໍ, ອນິພ຺ພຕ຺ຕິ ສຸຂນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ທຸກ຺ຂໍ, ອນຸປປຕ຺ຕິ ສຸຂນ຺ຕິ ອຠິຎ຺ເຎຍ຺ຍໍ. ຊາຕິ ທຸກ຺ຂໍ, ອຊາຕິ ສຸຂນ຺ຕິ ອຠິຎ຺ເຎຍ຺ຍໍ. ຊຣາ ທຸກ຺ຂໍ, ອຊຣາ ສຸຂນ຺ຕິ ອຠິຎ຺ເຎຍ຺ຍໍ. ພ຺ຍາຘິ ທຸກ຺ຂໍ, ອພ຺ຍາຘິ ສຸຂນ຺ຕິ ອຠິຎ຺ເຎຍ຺ຍໍ. ມຣຓໍ ທຸກ຺ຂໍ, ອມຕໍ ສຸຂນ຺ຕິ ອຠິຎ຺ເຎຍ຺ຍໍ. ໂສໂກ ທຸກ຺ຂໍ, ອໂສໂກ ສຸຂນ຺ຕິ ອຠິຎ຺ເຎຍ຺ຍໍ. ປຣິເທໂວ ທຸກ຺ຂໍ, ອປຣິເທໂວ ສຸຂນ຺ຕິ ອຠິຎ຺ເຎຍ຺ຍໍ. ອຸປາຍາໂສ ທຸກ຺ຂໍ, ອນຸປາຍາໂສ ສຸຂນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ຠຍນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ຠຍນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ຠຍນ຺ຕິ ອຠິຎ຺ເຎຍ຺ຍໍ. ອາຍູຫນາ ຠຍນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ຠຍນ຺ຕິ ອຠິຎ຺ເຎຍ຺ຍໍ. ຄຕິ ຠຍນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ຠຍນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ຠຍນ຺ຕິ ອຠິຎ຺ເຎຍ຺ຍໍ. ຊາຕິ ຠຍນ຺ຕິ ອຠິຎ຺ເຎຍ຺ຍໍ. ຊຣາ ຠຍນ຺ຕິ ອຠິຎ຺ເຎຍ຺ຍໍ. ພ຺ຍາຘິ ຠຍນ຺ຕິ ອຠິຎ຺ເຎຍ຺ຍໍ. ມຣຓໍ ຠຍນ຺ຕິ ອຠິຎ຺ເຎຍ຺ຍໍ. ໂສໂກ ຠຍນ຺ຕິ ອຠິຎ຺ເຎຍ຺ຍໍ. ປຣິເທໂວ ຠຍນ຺ຕິ ອຠິຎ຺ເຎຍ຺ຍໍ. ອຸປາຍາໂສ ຠຍນ຺ຕິ ອຠິຎ຺ເຎຍ຺ຍໍ.

ອນຸປ຺ປາໂທ ເຂມນ຺ຕິ ອຠິຎ຺ເຎຍ຺ຍໍ. ອປ຺ປວຕ຺ຕໍ ເຂມນ຺ຕິ ອຠິຎ຺ເຎຍ຺ຍໍ. ອນິມິຕ຺ຕໍ ເຂມນ຺ຕິ ອຠິຎ຺ເຎຍ຺ຍໍ. ອນາຍູຫນາ ເຂມນ຺ຕິ ອຠິຎ຺ເຎຍ຺ຍໍ. ອປ຺ປຏິສນ຺ຘິ ເຂມນ຺ຕິ ອຠິຎ຺ເຎຍ຺ຍໍ. ອຄຕິ ເຂມນ຺ຕິ ອຠິຎ຺ເຎຍ຺ຍໍ. ອນິພ຺ພຕ຺ຕິ ເຂມນ຺ຕິ ອຠິຎ຺ເຎຍ຺ຍໍ. ອນຸປປຕ຺ຕິ ເຂມນ຺ຕິ ອຠິຎ຺ເຎຍ຺ຍໍ. ອຊາຕິ ເຂມນ຺ຕິ ອຠິຎ຺ເຎຍ຺ຍໍ. ອຊຣາ ເຂມນ຺ຕິ ອຠິຎ຺ເຎຍ຺ຍໍ. ອພ຺ຍາຘິ ເຂມນ຺ຕິ ອຠິຎ຺ເຎຍ຺ຍໍ. ອມຕໍ ເຂມນ຺ຕິ ອຠິຎ຺ເຎຍ຺ຍໍ. ອໂສໂກ ເຂມນ຺ຕິ ອຠິຎ຺ເຎຍ຺ຍໍ. ອປຣິເທໂວ ເຂມນ຺ຕິ ອຠິຎ຺ເຎຍ຺ຍໍ. ອນຸປາຍາໂສ ເຂມນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ຠຍໍ, ອນຸປ຺ປາໂທ ເຂມນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ຠຍໍ, ອປ຺ປວຕ຺ຕໍ ເຂມນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ຠຍໍ, ອນິມິຕ຺ຕໍ ເຂມນ຺ຕິ ອຠິຎ຺ເຎຍ຺ຍໍ. ອາຍູຫນາ ຠຍໍ, ອນາຍູຫນາ ເຂມນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ຠຍໍ, ອປ຺ປຏິສນ຺ຘິ ເຂມນ຺ຕິ ອຠິຎ຺ເຎຍ຺ຍໍ. ຄຕິ ຠຍໍ, ອຄຕິ ເຂມນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ຠຍໍ, ອນິພ຺ພຕ຺ຕິ ເຂມນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ຠຍໍ, ອນຸປປຕ຺ຕິ ເຂມນ຺ຕິ ອຠິຎ຺ເຎຍ຺ຍໍ. ຊາຕິ ຠຍໍ, ອຊາຕິ ເຂມນ຺ຕິ ອຠິຎ຺ເຎຍ຺ຍໍ. ຊຣາ ຠຍໍ, ອຊຣາ ເຂມນ຺ຕິ ອຠິຎ຺ເຎຍ຺ຍໍ. ພ຺ຍາຘິ ຠຍໍ, ອພ຺ຍາຘິ ເຂມນ຺ຕິ ອຠິຎ຺ເຎຍ຺ຍໍ. ມຣຓໍ ຠຍໍ, ອມຕໍ ເຂມນ຺ຕິ ອຠິຎ຺ເຎຍ຺ຍໍ. ໂສໂກ ຠຍໍ, ອໂສໂກ ເຂມນ຺ຕິ ອຠິຎ຺ເຎຍ຺ຍໍ. ປຣິເທໂວ ຠຍໍ, ອປຣິເທໂວ ເຂມນ຺ຕິ ອຠິຎ຺ເຎຍ຺ຍໍ. ອຸປາຍາໂສ ຠຍໍ, ອນຸປາຍາໂສ ເຂມນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ສາມິສນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ສາມິສນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ສາມິສນ຺ຕິ ອຠິຎ຺ເຎຍ຺ຍໍ. ອາຍູຫນາ ສາມິສນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ສາມິສນ຺ຕິ ອຠິຎ຺ເຎຍ຺ຍໍ. ຄຕິ ສາມິສນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ສາມິສນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ສາມິສນ຺ຕິ ອຠິຎ຺ເຎຍ຺ຍໍ. ຊາຕິ ສາມິສນ຺ຕິ ອຠິຎ຺ເຎຍ຺ຍໍ. ຊຣາ ສາມິສນ຺ຕິ ອຠິຎ຺ເຎຍ຺ຍໍ. ພ຺ຍາຘິ ສາມິສນ຺ຕິ ອຠິຎ຺ເຎຍ຺ຍໍ. ມຣຓໍ ສາມິສນ຺ຕິ ອຠິຎ຺ເຎຍ຺ຍໍ. ໂສໂກ ສາມິສນ຺ຕິ ອຠິຎ຺ເຎຍ຺ຍໍ. ປຣິເທໂວ ສາມິສນ຺ຕິ ອຠິຎ຺ເຎຍ຺ຍໍ. ອຸປາຍາໂສ ສາມິສນ຺ຕິ ອຠິຎ຺ເຎຍ຺ຍໍ.

ອນຸປ຺ປາໂທ ນິຣາມິສນ຺ຕິ ອຠິຎ຺ເຎຍ຺ຍໍ. ອປ຺ປວຕ຺ຕໍ ນິຣາມິສນ຺ຕິ ອຠິຎ຺ເຎຍ຺ຍໍ. ອນິມິຕ຺ຕໍ ນິຣາມິສນ຺ຕິ ອຠິຎ຺ເຎຍ຺ຍໍ. ອນາຍູຫນາ ນິຣາມິສນ຺ຕິ ອຠິຎ຺ເຎຍ຺ຍໍ. ອປ຺ປຏິສນ຺ຘິ ນິຣາມິສນ຺ຕິ ອຠິຎ຺ເຎຍ຺ຍໍ. ອຄຕິ ນິຣາມິສນ຺ຕິ ອຠິຎ຺ເຎຍ຺ຍໍ. ອນິພ຺ພຕ຺ຕິ ນິຣາມິສນ຺ຕິ ອຠິຎ຺ເຎຍ຺ຍໍ. ອນຸປປຕ຺ຕິ ນິຣາມິສນ຺ຕິ ອຠິຎ຺ເຎຍ຺ຍໍ. ອຊາຕິ ນິຣາມິສນ຺ຕິ ອຠິຎ຺ເຎຍ຺ຍໍ. ອຊຣາ ນິຣາມິສນ຺ຕິ ອຠິຎ຺ເຎຍ຺ຍໍ. ອພ຺ຍາຘິ ນິຣາມິສນ຺ຕິ ອຠິຎ຺ເຎຍ຺ຍໍ. ອມຕໍ ນິຣາມິສນ຺ຕິ ອຠິຎ຺ເຎຍ຺ຍໍ. ອໂສໂກ ນິຣາມິສນ຺ຕິ ອຠິຎ຺ເຎຍ຺ຍໍ. ອປຣິເທໂວ ນິຣາມິສນ຺ຕິ ອຠິຎ຺ເຎຍ຺ຍໍ. ອນຸປາຍາໂສ ນິຣາມິສນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ສາມິສໍ, ອນຸປ຺ປາໂທ ນິຣາມິສນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ສາມິສໍ, ອປ຺ປວຕ຺ຕໍ ນິຣາມິສນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ສາມິສໍ, ອນິມິຕ຺ຕໍ ນິຣາມິສນ຺ຕິ ອຠິຎ຺ເຎຍ຺ຍໍ. ອາຍູຫນາ ສາມິສໍ, ອນາຍູຫນາ ນິຣາມິສນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ສາມິສໍ, ອປ຺ປຏິສນ຺ຘິ ນິຣາມິສນ຺ຕິ ອຠິຎ຺ເຎຍ຺ຍໍ. ຄຕິ ສາມິສໍ, ອຄຕິ ນິຣາມິສນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ສາມິສໍ, ອນິພ຺ພຕ຺ຕິ ນິຣາມິສນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ສາມິສໍ, ອນຸປປຕ຺ຕິ ນິຣາມິສນ຺ຕິ ອຠິຎ຺ເຎຍ຺ຍໍ. ຊາຕິ ສາມິສໍ, ອຊາຕິ ນິຣາມິສນ຺ຕິ ອຠິຎ຺ເຎຍ຺ຍໍ. ຊຣາ ສາມິສໍ, ອຊຣາ ນິຣາມິສນ຺ຕິ ອຠິຎ຺ເຎຍ຺ຍໍ. ພ຺ຍາຘິ ສາມິສໍ, ອພ຺ຍາຘິ ນິຣາມິສນ຺ຕິ ອຠິຎ຺ເຎຍ຺ຍໍ. ມຣຓໍ ສາມິສໍ, ອມຕໍ ນິຣາມິສນ຺ຕິ ອຠິຎ຺ເຎຍ຺ຍໍ. ໂສໂກ ສາມິສໍ, ອໂສໂກ ນິຣາມິສນ຺ຕິ ອຠິຎ຺ເຎຍ຺ຍໍ. ປຣິເທໂວ ສາມິສໍ, ອປຣິເທໂວ ນິຣາມິສນ຺ຕິ ອຠິຎ຺ເຎຍ຺ຍໍ. ອຸປາຍາໂສ ສາມິສໍ, ອນຸປາຍາໂສ ນິຣາມິສນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ສງ຺ຂາຣາຕິ ອຠິຎ຺ເຎຍ຺ຍໍ. ປວຕ຺ຕໍ ສງ຺ຂາຣາຕິ ອຠິຎ຺ເຎຍ຺ຍໍ. ນິມິຕ຺ຕໍ ສງ຺ຂາຣາຕິ ອຠິຎ຺ເຎຍ຺ຍໍ. ອາຍູຫນາ ສງ຺ຂາຣາຕິ ອຠິຎ຺ເຎຍ຺ຍໍ. ປຏິສນ຺ຘິ ສງ຺ຂາຣາຕິ ອຠິຎ຺ເຎຍ຺ຍໍ. ຄຕິ ສງ຺ຂາຣາຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ສງ຺ຂາຣາຕິ ອຠິຎ຺ເຎຍ຺ຍໍ. ອຸປປຕ຺ຕິ ສງ຺ຂາຣາຕິ ອຠິຎ຺ເຎຍ຺ຍໍ. ຊາຕິ ສງ຺ຂາຣາຕິ ອຠິຎ຺ເຎຍ຺ຍໍ. ຊຣາ ສງ຺ຂາຣາຕິ ອຠິຎ຺ເຎຍ຺ຍໍ. ພ຺ຍາຘິ ສງ຺ຂາຣາຕິ ອຠິຎ຺ເຎຍ຺ຍໍ. ມຣຓໍ ສງ຺ຂາຣາຕິ ອຠິຎ຺ເຎຍ຺ຍໍ. ໂສໂກ ສງ຺ຂາຣາຕິ ອຠິຎ຺ເຎຍ຺ຍໍ. ປຣິເທໂວ ສງ຺ຂາຣາຕິ ອຠິຎ຺ເຎຍ຺ຍໍ. ອຸປາຍາໂສ ສງ຺ຂາຣາຕິ ອຠິຎ຺ເຎຍ຺ຍໍ.

ອນຸປ຺ປາໂທ ນິພ຺ພານນ຺ຕິ ອຠິຎ຺ເຎຍ຺ຍໍ. ອປ຺ປວຕ຺ຕໍ ນິພ຺ພານນ຺ຕິ ອຠິຎ຺ເຎຍ຺ຍໍ. ອນິມິຕ຺ຕໍ ນິພ຺ພານນ຺ຕິ ອຠິຎ຺ເຎຍ຺ຍໍ. ອນາຍູຫນາ ນິພ຺ພານນ຺ຕິ ອຠິຎ຺ເຎຍ຺ຍໍ. ອປ຺ປຏິສນ຺ຘິ ນິພ຺ພານນ຺ຕິ ອຠິຎ຺ເຎຍ຺ຍໍ. ອຄຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ອນິພ຺ພຕ຺ຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ອນຸປປຕ຺ຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ອຊາຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ອຊຣໍ ນິພ຺ພານນ຺ຕິ ອຠິຎ຺ເຎຍ຺ຍໍ. ອພ຺ຍາຘິ ນິພ຺ພານນ຺ຕິ ອຠິຎ຺ເຎຍ຺ຍໍ. ອມຕໍ ນິພ຺ພານນ຺ຕິ ອຠິຎ຺ເຎຍ຺ຍໍ. ອໂສໂກ ນິພ຺ພານນ຺ຕິ ອຠິຎ຺ເຎຍ຺ຍໍ. ອປຣິເທໂວ ນິພ຺ພານນ຺ຕິ ອຠິຎ຺ເຎຍ຺ຍໍ. ອນຸປາຍາໂສ ນິພ຺ພານນ຺ຕິ ອຠິຎ຺ເຎຍ຺ຍໍ.

ອຸປ຺ປາໂທ ສງ຺ຂາຣາ, ອນຸປ຺ປາໂທ ນິພ຺ພານນ຺ຕິ ອຠິຎ຺ເຎຍ຺ຍໍ. ປວຕ຺ຕໍ ສງ຺ຂາຣາ, ອປ຺ປວຕ຺ຕໍ ນິພ຺ພານນ຺ຕິ ອຠິຎ຺ເຎຍ຺ຍໍ. ນິມິຕ຺ຕໍ ສງ຺ຂາຣາ, ອນິມິຕ຺ຕໍ ນິພ຺ພານນ຺ຕິ ອຠິຎ຺ເຎຍ຺ຍໍ. ອາຍູຫນາ ສງ຺ຂາຣາ, ອນາຍູຫນາ ນິພ຺ພານນ຺ຕິ ອຠິຎ຺ເຎຍ຺ຍໍ. ປຏິສນ຺ຘິ ສງ຺ຂາຣາ, ອປ຺ປຏິສນ຺ຘິ ນິພ຺ພານນ຺ຕິ ອຠິຎ຺ເຎຍ຺ຍໍ. ຄຕິ ສງ຺ຂາຣາ, ອຄຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ນິພ຺ພຕ຺ຕິ ສງ຺ຂາຣາ, ອນິພ຺ພຕ຺ຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ອຸປປຕ຺ຕິ ສງ຺ຂາຣາ, ອນຸປປຕ຺ຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ຊາຕິ ສງ຺ຂາຣາ, ອຊາຕິ ນິພ຺ພານນ຺ຕິ ອຠິຎ຺ເຎຍ຺ຍໍ. ຊຣາ ສງ຺ຂາຣາ, ອຊຣາ ນິພ຺ພານນ຺ຕິ ອຠິຎ຺ເຎຍ຺ຍໍ. ພ຺ຍາຘິ ສງ຺ຂາຣາ, ອພ຺ຍາຘິ ນິພ຺ພານ’’ນ຺ຕິ ອຠິຎ຺ເຎຍ຺ຍໍ. ມຣຓໍ ສງ຺ຂາຣາ, ອມຕໍ ນິພ຺ພານນ຺ຕິ ອຠິຎ຺ເຎຍ຺ຍໍ. ໂສໂກ ສງ຺ຂາຣາ, ອໂສໂກ ນິພ຺ພານນ຺ຕິ ອຠິຎ຺ເຎຍ຺ຍໍ. ປຣິເທໂວ ສງ຺ຂາຣາ, ອປຣິເທໂວ ນິພ຺ພານນ຺ຕິ ອຠິຎ຺ເຎຍ຺ຍໍ. ອຸປາຍາໂສ ສງ຺ຂາຣາ, ອນຸປາຍາໂສ ນິພ຺ພານນ຺ຕິ ອຠິຎ຺ເຎຍ຺ຍໍ.

ປຐມຠາຓວາໂຣ.

໑໑. ປຣິຄ຺ຄຫຏ຺ໂຐ ອຠິຎ຺ເຎຍ຺ໂຍ; ປຣິວາຣຏ຺ໂຐ ອຠິຎ຺ເຎຍ຺ໂຍ; ປຣິປູຣຏ຺ໂຐ [ປຣິປູຣຓຏ຺ໂຐ (ກ.), ປຣິປູຣິຏ຺ໂຐ (ສີ. ອຏ຺ຐ.)] ອຠິຎ຺ເຎຍ຺ໂຍ; ເອກຄ຺ຄຏ຺ໂຐ ອຠິຎ຺ເຎຍ຺ໂຍ; ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ອວິສາຣຏ຺ໂຐ ອຠິຎ຺ເຎຍ຺ໂຍ; ອນາວິລຏ຺ໂຐ ອຠິຎ຺ເຎຍ຺ໂຍ; ອນິຎ຺ຊນຏ຺ໂຐ ອຠິຎ຺ເຎຍ຺ໂຍ; ເອກຕ຺ຕຸປຏ຺ຐານວເສນ ຈິຕ຺ຕສ຺ສ ຐິຕຏ຺ໂຐ ອຠິຎ຺ເຎຍ຺ໂຍ; ອາຣມ຺ມຓຏ຺ໂຐ ອຠິຎ຺ເຎຍ຺ໂຍ; ໂຄຈຣຏ຺ໂຐ ອຠິຎ຺ເຎຍ຺ໂຍ; ປຫານຏ຺ໂຐ ອຠິຎ຺ເຎຍ຺ໂຍ; ປຣິຈ຺ຈາຄຏ຺ໂຐ ອຠິຎ຺ເຎຍ຺ໂຍ; ວຸຏ຺ຐານຏ຺ໂຐ ອຠິຎ຺ເຎຍ຺ໂຍ; ວິວຏ຺ຏນຏ຺ໂຐ [ນິວຕ຺ຕນຏ຺ໂຐ (ກ.)] ອຠິຎ຺ເຎຍ຺ໂຍ; ສນ຺ຕຏ຺ໂຐ ອຠິຎ຺ເຎຍ຺ໂຍ; ປຓີຕຏ຺ໂຐ ອຠິຎ຺ເຎຍ຺ໂຍ; ວິມຸຕ຺ຕຏ຺ໂຐ ອຠິຎ຺ເຎຍ຺ໂຍ; ອນາສວຏ຺ໂຐ ອຠິຎ຺ເຎຍ຺ໂຍ; ຕຣຓຏ຺ໂຐ ອຠິຎ຺ເຎຍ຺ໂຍ; ອນິມິຕ຺ຕຏ຺ໂຐ ອຠິຎ຺ເຎຍ຺ໂຍ; ອປ຺ປຓິຫິຕຏ຺ໂຐ ອຠິຎ຺ເຎຍ຺ໂຍ; ສຸຎ຺ຎຕຏ຺ໂຐ ອຠິຎ຺ເຎຍ຺ໂຍ; ເອກຣສຏ຺ໂຐ ອຠິຎ຺ເຎຍ຺ໂຍ; ອນຕິວຕ຺ຕນຏ຺ໂຐ ອຠິຎ຺ເຎຍ຺ໂຍ; ຍຸຄນທ຺ຘຏ຺ໂຐ [ຍຸຄນນ຺ຘນຏ຺ໂຐ (ກ.)] ອຠິຎ຺ເຎຍ຺ໂຍ; ນິຍ຺ຍານຏ຺ໂຐ ອຠິຎ຺ເຎຍ຺ໂຍ; ເຫຕຸຏ຺ໂຐ [ເຫຕຏ຺ໂຐ (ສ຺ຍາ.)] ອຠິຎ຺ເຎຍ຺ໂຍ; ທສ຺ສນຏ຺ໂຐ ອຠິຎ຺ເຎຍ຺ໂຍ; ອາຘິປເຕຍ຺ຍຏ຺ໂຐ ອຠິຎ຺ເຎຍ຺ໂຍ.

໑໒. ສມຖສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ວິປສ຺ສນາຍ ອນຸປສ຺ສນຏ຺ໂຐ ອຠິຎ຺ເຎຍ຺ໂຍ; ສມຖວິປສ຺ສນານໍ ເອກຣສຏ຺ໂຐ ອຠິຎ຺ເຎຍ຺ໂຍ; ຍຸຄນທ຺ຘສ຺ສ ອນຕິວຕ຺ຕນຏ຺ໂຐ ອຠິຎ຺ເຎຍ຺ໂຍ; ສິກ຺ຂາຍ ສມາທານຏ຺ໂຐ ອຠິຎ຺ເຎຍ຺ໂຍ; ອາຣມ຺ມຓສ຺ສ ໂຄຈຣຏ຺ໂຐ ອຠິຎ຺ເຎຍ຺ໂຍ; ລີນສ຺ສ ຈິຕ຺ຕສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ອຸທ຺ຘຕສ຺ສ ຈິຕ຺ຕສ຺ສ ນິຄ຺ຄຫຏ຺ໂຐ ອຠິຎ຺ເຎຍ຺ໂຍ; ອຸໂຠວິສຸທ຺ຘານໍ ອຊ຺ຌຸເປກ຺ຂນຏ຺ໂຐ ອຠິຎ຺ເຎຍ຺ໂຍ; ວິເສສາຘິຄມຏ຺ໂຐ ອຠິຎ຺ເຎຍ຺ໂຍ; ອຸຕ຺ຕຣິ ປຏິເວຘຏ຺ໂຐ ອຠິຎ຺ເຎຍ຺ໂຍ; ສຈ຺ຈາຠິສມຍຏ຺ໂຐ ອຠິຎ຺ເຎຍ຺ໂຍ; ນິໂຣເຘ ປຕິຏ຺ຐາປກຏ຺ໂຐ ອຠິຎ຺ເຎຍ຺ໂຍ.

ສທ຺ຘິນ຺ທ຺ຣິຍສ຺ສ ອຘິໂມກ຺ຂຏ຺ໂຐ ອຠິຎ຺ເຎຍ຺ໂຍ; ວີຣິຍິນ຺ທ຺ຣິຍສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ສຕິນ຺ທ຺ຣິຍສ຺ສ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ສມາຘິນ຺ທ຺ຣິຍສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ປຎ຺ຎິນ຺ທ຺ຣິຍສ຺ສ ທສ຺ສນຏ຺ໂຐ ອຠິຎ຺ເຎຍ຺ໂຍ.

ສທ຺ຘາພລສ຺ສ ອສ຺ສທ຺ຘິເຍ ອກມ຺ປິຍຏ຺ໂຐ ອຠິຎ຺ເຎຍ຺ໂຍ; ວີຣິຍພລສ຺ສ ໂກສຊ຺ເຊ ອກມ຺ປິຍຏ຺ໂຐ ອຠິຎ຺ເຎຍ຺ໂຍ; ສຕິພລສ຺ສ ປມາເທ ອກມ຺ປິຍຏ຺ໂຐ ອຠິຎ຺ເຎຍ຺ໂຍ; ສມາຘິພລສ຺ສ ອຸທ຺ຘຈ຺ເຈ ອກມ຺ປິຍຏ຺ໂຐ ອຠິຎ຺ເຎຍ຺ໂຍ; ປຎ຺ຎາພລສ຺ສ ອວິຊ຺ຊາຍ ອກມ຺ປິຍຏ຺ໂຐ ອຠິຎ຺ເຎຍ຺ໂຍ.

ສຕິສມ຺ໂພຊ຺ຌງ຺ຄສ຺ສ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ຘມ຺ມວິຈຍສມ຺ໂພຊ຺ຌງ຺ຄສ຺ສ ປວິຈຍຏ຺ໂຐ ອຠິຎ຺ເຎຍ຺ໂຍ; ວີຣິຍສມ຺ໂພຊ຺ຌງ຺ຄສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ປີຕິສມ຺ໂພຊ຺ຌງ຺ຄສ຺ສ ຜຣຓຏ຺ໂຐ ອຠິຎ຺ເຎຍ຺ໂຍ; ປສ຺ສທ຺ຘິສມ຺ໂພຊ຺ຌງ຺ຄສ຺ສ ອຸປສມຏ຺ໂຐ ອຠິຎ຺ເຎຍ຺ໂຍ; ສມາຘິສມ຺ໂພຊ຺ຌງ຺ຄສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ອຸເປກ຺ຂາສມ຺ໂພຊ຺ຌງ຺ຄສ຺ສ ປຏິສງ຺ຂານຏ຺ໂຐ ອຠິຎ຺ເຎຍ຺ໂຍ.

ສມ຺ມາທິຏ຺ຐິຍາ ທສ຺ສນຏ຺ໂຐ ອຠິຎ຺ເຎຍ຺ໂຍ; ສມ຺ມາສງ຺ກປ຺ປສ຺ສ ອຠິນິໂຣປນຏ຺ໂຐ ອຠິຎ຺ເຎຍ຺ໂຍ; ສມ຺ມາວາຈາຍ ປຣິຄ຺ຄຫຏ຺ໂຐ ອຠິຎ຺ເຎຍ຺ໂຍ; ສມ຺ມາກມ຺ມນ຺ຕສ຺ສ ສມຸຏ຺ຐານຏ຺ໂຐ ອຠິຎ຺ເຎຍ຺ໂຍ; ສມ຺ມາອາຊີວສ຺ສ ໂວທານຏ຺ໂຐ ອຠິຎ຺ເຎຍ຺ໂຍ; ສມ຺ມາວາຍາມສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ສມ຺ມາສຕິຍາ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ສມ຺ມາສມາຘິສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ.

໑໓. ອິນ຺ທ຺ຣິຍານໍ ອາຘິປເຕຍ຺ຍຏ຺ໂຐ ອຠິຎ຺ເຎຍ຺ໂຍ; ພລານໍ ອກມ຺ປິຍຏ຺ໂຐ ອຠິຎ຺ເຎຍ຺ໂຍ; ໂພຊ຺ຌງ຺ຄານໍ ນິຍ຺ຍານຏ຺ໂຐ ອຠິຎ຺ເຎຍ຺ໂຍ; ມຄ຺ຄສ຺ສ ເຫຕຸຏ຺ໂຐ ອຠິຎ຺ເຎຍ຺ໂຍ; ສຕິປຏ຺ຐານານໍ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ສມ຺ມປ຺ປຘານານໍ ປທຫນຏ຺ໂຐ ອຠິຎ຺ເຎຍ຺ໂຍ; ອິທ຺ຘິປາທານໍ ອິຊ຺ຌນຏ຺ໂຐ ອຠິຎ຺ເຎຍ຺ໂຍ; ສຈ຺ຈານໍ ຕຖຏ຺ໂຐ ອຠິຎ຺ເຎຍ຺ໂຍ; ປໂຍຄານໍ [ມຄ຺ຄານໍ (ສພ຺ພຕ຺ຖ) ອຏ຺ຐກຖາ ປສ຺ສິຕພ຺ພາ] ປຏິປ຺ປສ຺ສທ຺ຘຏ຺ໂຐ ອຠິຎ຺ເຎຍ຺ໂຍ; ຜລານໍ ສຈ຺ຉິກິຣິຍຏ຺ໂຐ ອຠິຎ຺ເຎຍ຺ໂຍ.

ວິຕກ຺ກສ຺ສ ອຠິນິໂຣປນຏ຺ໂຐ ອຠິຎ຺ເຎຍ຺ໂຍ; ວິຈາຣສ຺ສ ອຸປວິຈາຣຏ຺ໂຐ ອຠິຎ຺ເຎຍ຺ໂຍ; ປີຕິຍາ ຜຣຓຏ຺ໂຐ ອຠິຎ຺ເຎຍ຺ໂຍ; ສຸຂສ຺ສ ອຠິສນ຺ທນຏ຺ໂຐ ອຠິຎ຺ເຎຍ຺ໂຍ. ຈິຕ຺ຕສ຺ສ ເອກຄ຺ຄຏ຺ໂຐ ອຠິຎ຺ເຎຍ຺ໂຍ. ອາວຊ຺ຊນຏ຺ໂຐ ອຠິຎ຺ເຎຍ຺ໂຍ; ວິຊານນຏ຺ໂຐ ອຠິຎ຺ເຎຍ຺ໂຍ; ປຊານນຏ຺ໂຐ ອຠິຎ຺ເຎຍ຺ໂຍ; ສຎ຺ຊານນຏ຺ໂຐ ອຠິຎ຺ເຎຍ຺ໂຍ; ເອໂກທຏ຺ໂຐ ອຠິຎ຺ເຎຍ຺ໂຍ. ອຠິຎ຺ຎາຍ ຎາຕຏ຺ໂຐ ອຠິຎ຺ເຎຍ຺ໂຍ; ປຣິຎ຺ຎາຍ ຕີຣຓຏ຺ໂຐ ອຠິຎ຺ເຎຍ຺ໂຍ; ປຫານສ຺ສ ປຣິຈ຺ຈາຄຏ຺ໂຐ ອຠິຎ຺ເຎຍ຺ໂຍ; ຠາວນາຍ ເອກຣສຏ຺ໂຐ ອຠິຎ຺ເຎຍ຺ໂຍ; ສຈ຺ຉິກິຣິຍາຍ ຜສ຺ສນຏ຺ໂຐ ອຠິຎ຺ເຎຍ຺ໂຍ; ຂນ຺ຘານໍ ຂນ຺ຘຏ຺ໂຐ ອຠິຎ຺ເຎຍ຺ໂຍ; ຘາຕູນໍ ຘາຕຸຏ຺ໂຐ [ຘາຕຏ຺ໂຐ (ສ຺ຍາ.)] ອຠິຎ຺ເຎຍ຺ໂຍ; ອາຍຕນານໍ ອາຍຕນຏ຺ໂຐ ອຠິຎ຺ເຎຍ຺ໂຍ; ສງ຺ຂຕານໍ ສງ຺ຂຕຏ຺ໂຐ ອຠິຎ຺ເຎຍ຺ໂຍ; ອສງ຺ຂຕສ຺ສ ອສງ຺ຂຕຏ຺ໂຐ ອຠິຎ຺ເຎຍ຺ໂຍ.

໑໔. ຈິຕ຺ຕຏ຺ໂຐ ອຠິຎ຺ເຎຍ຺ໂຍ; ຈິຕ຺ຕານນ຺ຕຣິຍຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ວຸຏ຺ຐານຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ວິວຏ຺ຏນຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ເຫຕຸຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ປຈ຺ຈຍຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ວຕ຺ຖຸຏ຺ໂຐ [ວຕ຺ຖຏ຺ໂຐ (ສ຺ຍາ.)] ອຠິຎ຺ເຎຍ຺ໂຍ; ຈິຕ຺ຕສ຺ສ ຠູມຏ຺ໂຐ [ຠຸມ຺ມຏ຺ໂຐ (ສ຺ຍາ. ສີ. ອຏ຺ຐ.) (ເອກຕ຺ເຕ ອຸປນິພນ຺ຘນຏ຺ໂຐ ອຠິຎ຺ເຎຍ຺ໂຍ) (ກ.) ອຏ຺ຐກຖາ ປສ຺ສິຕພ຺ພາ] ອຠິຎ຺ເຎຍ຺ໂຍ; ຈິຕ຺ຕສ຺ສ ອາຣມ຺ມຓຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ໂຄຈຣຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ຈຣິຍຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ຄຕຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ອຠິນີຫາຣຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ນິຍ຺ຍານຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ນິສ຺ສຣຓຏ຺ໂຐ ອຠິຎ຺ເຎຍ຺ໂຍ.

໑໕. ເອກຕ຺ເຕ ອາວຊ຺ຊນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ວິຊານນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຊານນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສຎ຺ຊານນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ເອກທຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອຸປນິພນ຺ຘຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປກ຺ຂນ຺ທນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປສີທນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສນ຺ຕິຏ຺ຐນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ວິມຸຈ຺ຈນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ‘‘ເອຕໍ ສນ຺ຕ’’ນ຺ຕິ ປສ຺ສນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ຍານີກຕຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ວຕ຺ຖຸກຕຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອນຸຏ຺ຐິຕຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຣິຈິຕຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສຸສມາຣທ຺ຘຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຣິຄ຺ຄຫຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຣິວາຣຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຣິປູຣຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສໂມຘານຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອຘິຏ຺ຐານຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອາເສວນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ຠາວນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ພຫຸລີກມ຺ມຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສຸສມຸຄ຺ຄຕຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສຸວິມຸຕ຺ຕຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ພຸຊ຺ຌນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອນຸພຸຊ຺ຌນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຏິພຸຊ຺ຌນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສມ຺ພຸຊ຺ຌນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ໂພຘນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອນຸໂພຘນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຏິໂພຘນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສມ຺ໂພຘນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ໂພຘິປກ຺ຂິຍຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອນຸໂພຘິປກ຺ຂິຍຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຏິໂພຘິປກ຺ຂິຍຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສມ຺ໂພຘິປກ຺ຂິຍຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ໂຊຕນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອຸຊ຺ໂຊຕນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ອນຸໂຊຕນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ປຏິໂຊຕນຏ຺ໂຐ ອຠິຎ຺ເຎຍ຺ໂຍ; ເອກຕ຺ເຕ ສຎ຺ໂຊຕນຏ຺ໂຐ ອຠິຎ຺ເຎຍ຺ໂຍ.

໑໖. ປຕາປນຏ຺ໂຐ [ປກາສນຏ຺ໂຐ (ກ.)] ອຠິຎ຺ເຎຍ຺ໂຍ; ວິໂຣຈນຏ຺ໂຐ ອຠິຎ຺ເຎຍ຺ໂຍ; ກິເລສານໍ ສນ຺ຕາປນຏ຺ໂຐ ອຠິຎ຺ເຎຍ຺ໂຍ; ອມລຏ຺ໂຐ ອຠິຎ຺ເຎຍ຺ໂຍ; ວິມລຏ຺ໂຐ ອຠິຎ຺ເຎຍ຺ໂຍ; ນິມ຺ມລຏ຺ໂຐ ອຠິຎ຺ເຎຍ຺ໂຍ; ສມຏ຺ໂຐ ອຠິຎ຺ເຎຍ຺ໂຍ; ສມຍຏ຺ໂຐ ອຠິຎ຺ເຎຍ຺ໂຍ; ວິເວກຏ຺ໂຐ ອຠິຎ຺ເຎຍ຺ໂຍ; ວິເວກຈຣິຍຏ຺ໂຐ ອຠິຎ຺ເຎຍ຺ໂຍ; ວິຣາຄຏ຺ໂຐ ອຠິຎ຺ເຎຍ຺ໂຍ; ວິຣາຄຈຣິຍຏ຺ໂຐ ອຠິຎ຺ເຎຍ຺ໂຍ; ນິໂຣຘຏ຺ໂຐ ອຠິຎ຺ເຎຍ຺ໂຍ; ນິໂຣຘຈຣິຍຏ຺ໂຐ ອຠິຎ຺ເຎຍ຺ໂຍ; ໂວສຄ຺ຄຏ຺ໂຐ [ໂວສ຺ສຄ຺ຄຏ຺ໂຐ (ສ຺ຍາ. ກ.)] ອຠິຎ຺ເຎຍ຺ໂຍ; ໂວສຄ຺ຄຈຣິຍຏ຺ໂຐ ອຠິຎ຺ເຎຍ຺ໂຍ; ວິມຸຕ຺ຕຏ຺ໂຐ ອຠິຎ຺ເຎຍ຺ໂຍ; ວິມຸຕ຺ຕິຈຣິຍຏ຺ໂຐ ອຠິຎ຺ເຎຍ຺ໂຍ.

ຉນ຺ທຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ມູລຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ປາທຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ປຘານຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ອິຊ຺ຌນຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ອຘິໂມກ຺ຂຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ຉນ຺ທສ຺ສ ທສ຺ສນຏ຺ໂຐ ອຠິຎ຺ເຎຍ຺ໂຍ.

ວີຣິຍຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ມູລຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ປາທຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ປຘານຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ອິຊ຺ຌນຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ອຘິໂມກ຺ຂຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ວີຣິຍສ຺ສ ທສ຺ສນຏ຺ໂຐ ອຠິຎ຺ເຎຍ຺ໂຍ.

ຈິຕ຺ຕຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ມູລຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ປາທຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ປຘານຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ອິຊ຺ຌນຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ອຘິໂມກ຺ຂຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ຈິຕ຺ຕສ຺ສ ທສ຺ສນຏ຺ໂຐ ອຠິຎ຺ເຎຍ຺ໂຍ.

ວີມໍສຏ຺ໂຐ ອຠິຎ຺ເຎຍ຺ໂຍ; ວີມໍສາຍ ມູລຏ຺ໂຐ ອຠິຎ຺ເຎຍ຺ໂຍ; ວີມໍສາຍ ປາທຏ຺ໂຐ ອຠິຎ຺ເຎຍ຺ໂຍ; ວີມໍສາຍ ປຘານຏ຺ໂຐ ອຠິຎ຺ເຎຍ຺ໂຍ; ວີມໍສາຍ ອິຊ຺ຌນຏ຺ໂຐ ອຠິຎ຺ເຎຍ຺ໂຍ; ວີມໍສາຍ ອຘິໂມກ຺ຂຏ຺ໂຐ ອຠິຎ຺ເຎຍ຺ໂຍ; ວີມໍສາຍ ປຄ຺ຄຫຏ຺ໂຐ ອຠິຎ຺ເຎຍ຺ໂຍ; ວີມໍສາຍ ອຸປຏ຺ຐານຏ຺ໂຐ ອຠິຎ຺ເຎຍ຺ໂຍ; ວີມໍສາຍ ອວິກ຺ເຂປຏ຺ໂຐ ອຠິຎ຺ເຎຍ຺ໂຍ; ວີມໍສາຍ ທສ຺ສນຏ຺ໂຐ ອຠິຎ຺ເຎຍ຺ໂຍ.