໘. ປຏິສມ຺ຠິທາວາໂຣ

໓໗. ‘‘‘ຍາວຕາ ອຕ຺ຖປຏິສມ຺ຠິທາຍ ອຕ຺ຖປຏິສມ຺ຠິທຏ຺ໂຐ, ຎາໂຕ ທິຏ຺ໂຐ ວິທິໂຕ ສຈ຺ຉິກໂຕ ຜສ຺ສິໂຕ ປຎ຺ຎາຍ. ອຜສ຺ສິໂຕ ປຎ຺ຎາຍ ອຕ຺ຖປຏິສມ຺ຠິທຏ຺ໂຐ ນຕ຺ຖີ’ຕິ – ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ’’. ອຕ຺ຖປຏິສມ຺ຠິທາຍ ອຕ຺ຖປຏິສມ຺ຠິທຏ຺ເຐ ປຎ຺ຈວີສຕິ ຘມ຺ມາ, ປຎ຺ຈວີສຕິ ອຕ຺ຖາ, ປຎ຺ຎາສ ນິຣຸຕ຺ຕິໂຍ, ສຕໍ ຎາຓານິ.

‘‘‘ຍາວຕາ ຘມ຺ມປຏິສມ຺ຠິທາຍ ຘມ຺ມປຏິສມ຺ຠິທຏ຺ໂຐ…ເປ… ຍາວຕາ ນິຣຸຕ຺ຕິປຏິສມ຺ຠິທາຍ ນິຣຸຕ຺ຕິປຏິສມ຺ຠິທຏ຺ໂຐ…ເປ… ຍາວຕາ ປຏິຠານປຏິສມ຺ຠິທາຍ ປຏິຠານປຏິສມ຺ຠິທຏ຺ໂຐ, ຎາໂຕ ທິຏ຺ໂຐ ວິທິໂຕ ສຈ຺ຉິກໂຕ ຜສ຺ສິໂຕ ປຎ຺ຎາຍ. ອຜສ຺ສິໂຕ ປຎ຺ຎາຍ ປຏິຠານປຏິສມ຺ຠິທຏ຺ໂຐ ນຕ຺ຖີ’ຕິ – ຈກ຺ຂຸໍ ອຸທປາທິ …ເປ… ອາໂລໂກ ອຸທປາທິ’’. ປຏິຠານປຏິສມ຺ຠິທຏ຺ເຐ ປຎ຺ຈວີສຕິ ຘມ຺ມາ, ປຎ຺ຈວີສຕິ ອຕ຺ຖາ, ປຎ຺ຎາສ ນິຣຸຕ຺ຕິໂຍ, ສຕໍ ຎາຓານິ.

ຈຕູສຸ ປຏິສມ຺ຠິທາສຸ ສຕໍ ຘມ຺ມາ, ສຕໍ ອຕ຺ຖາ, ທ຺ເວ ນິຣຸຕ຺ຕິສຕານິ, ຈຕ຺ຕາຣິ ຎາຓສຕານິ.