໙. ຉພຸທ຺ຘຘມ຺ມວາໂຣ

໓໘. ‘‘‘ຍາວຕາ ອິນ຺ທ຺ຣິຍປໂຣປຣິຍຕ຺ເຕ ຎາຓໍ, ຎາຕໍ ທິຏ຺ຐໍ ວິທິຕໍ ສຈ຺ຉິກຕໍ ຜສ຺ສິຕໍ ປຎ຺ຎາຍ. ອຜສ຺ສິຕໍ ປຎ຺ຎາຍ ອິນ຺ທ຺ຣິຍປໂຣປຣິຍຕ຺ເຕ ຎາຓໍ ນຕ຺ຖີ’ຕິ – ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ’’. ອິນ຺ທ຺ຣິຍປໂຣປຣິຍຕ຺ເຕ ຎາເຓ ປຎ຺ຈວີສຕິ ຘມ຺ມາ, ປຎ຺ຈວີສຕິ ອຕ຺ຖາ, ປຎ຺ຎາສ ນິຣຸຕ຺ຕິໂຍ, ສຕໍ ຎາຓານິ.

‘‘‘ຍາວຕາ ສຕ຺ຕານໍ ອາສຍານຸສເຍ ຎາຓໍ…ເປ… ຍາວຕາ ຍມກປາຏິຫີເຣ ຎາຓໍ …ເປ… ຍາວຕາ ມຫາກຣຸຓາສມາປຕ຺ຕິຍາ ຎາຓໍ…ເປ… ຍາວຕາ ສພ຺ພຎ຺ຎຸຕຎ຺ຎາຓໍ…ເປ… ຍາວຕາ ອນາວຣຓໍ ຎາຓໍ, ຎາຕໍ ທິຏ຺ຐໍ ວິທິຕໍ ສຈ຺ຉິກຕໍ ຜສ຺ສິຕໍ ປຎ຺ຎາຍ. ອຜສ຺ສິຕໍ ປຎ຺ຎາຍ ອນາວຣຓໍ ຎາຓໍ ນຕ຺ຖີ’ຕິ – ຈກ຺ຂຸໍ ອຸທປາທິ, ຎາຓໍ ອຸທປາທິ, ປຎ຺ຎາ ອຸທປາທິ, ວິຊ຺ຊາ ອຸທປາທິ, ອາໂລໂກ ອຸທປາທິ’’. ອນາວຣເຓ ຎາເຓ ປຎ຺ຈວີສຕິ ຘມ຺ມາ, ປຎ຺ຈວີສຕິ ອຕ຺ຖາ, ປຎ຺ຎາສ ນິຣຸຕ຺ຕິໂຍ, ສຕໍ ຎາຓານິ.

ຉສຸ ພຸທ຺ຘຘມ຺ເມສຸ ທິຍຑ຺ຒສຕໍ ຘມ຺ມາ, ທິຍຑ຺ຒສຕໍ ອຕ຺ຖາ, ຕີຓິ ນິຣຸຕ຺ຕິສຕານິ, ຉ ຎາຓສຕານິ.

ປຏິສມ຺ຠິທາຘິກຣເຓ [ປຏິສມ຺ຠິທາປກຣເຓ (ສ຺ຍາ.)] ອຑ຺ຒນວຘມ຺ມສຕານິ [ອຑ຺ຒນວມານິ ຘມ຺ມສຕານິ (ສ຺ຍາ.), ອຑ຺ຒນວມຘມ຺ມສຕານິ (ກ.)], ອຑ຺ຒນວອຕ຺ຖສຕານິ, ນິຣຸຕ຺ຕິສຫສ຺ສຎ຺ຈ ສຕ຺ຕ ຈ ນິຣຸຕ຺ຕິສຕານິ, ຕີຓິ ຈ ຎາຓສຫສ຺ສານິ, ຈຕ຺ຕາຣິ ຈ ຎາຓສຕານີຕິ.

ປຏິສມ຺ຠິທາກຖາ ນິຏ຺ຐິຕາ.