໗. ສຈ຺ຈວາໂຣ

໓໖. ‘‘‘ຍາວຕາ ທຸກ຺ຂສ຺ສ ທຸກ຺ຂຏ຺ໂຐ, ຎາໂຕ ທິຏ຺ໂຐ ວິທິໂຕ ສຈ຺ຉິກໂຕ ຜສ຺ສິໂຕ ປຎ຺ຎາຍ. ອຜສ຺ສິໂຕ ປຎ຺ຎາຍ ທຸກ຺ຂຏ຺ໂຐ ນຕ຺ຖີ’ຕິ – ຈກ຺ຂຸໍ ອຸທປາທິ, ຎາຓໍ ອຸທປາທິ, ປຎ຺ຎາ ອຸທປາທິ, ວິຊ຺ຊາ ອຸທປາທິ, ອາໂລໂກ ອຸທປາທິ’’. ທຸກ຺ຂສ຺ສ ທຸກ຺ຂຏ຺ເຐ ປຎ຺ຈວີສຕິ ຘມ຺ມາ, ປຎ຺ຈວີສຕິ ອຕ຺ຖາ, ປຎ຺ຎາສ ນິຣຸຕ຺ຕິໂຍ, ສຕໍ ຎາຓານິ.

‘‘‘ຍາວຕາ ສມຸທຍສ຺ສ ສມຸທຍຏ຺ໂຐ…ເປ… ຍາວຕາ ນິໂຣຘສ຺ສ ນິໂຣຘຏ຺ໂຐ…ເປ… ຍາວຕາ ມຄ຺ຄສ຺ສ ມຄ຺ຄຏ຺ໂຐ ຎາໂຕ ທິຏ຺ໂຐ ວິທິໂຕ ສຈ຺ຉິກໂຕ ຜສ຺ສິໂຕ ປຎ຺ຎາຍ. ອຜສ຺ສິໂຕ ປຎ຺ຎາຍ ມຄ຺ຄຏ຺ໂຐ ນຕ຺ຖີ’ຕິ – ຈກ຺ຂຸໍ ອຸທປາທິ…ເປ… ອາໂລໂກ ອຸທປາທິ’’. ມຄ຺ຄສ຺ສ ມຄ຺ຄຏ຺ເຐ ປຎ຺ຈວີສຕິ ຘມ຺ມາ, ປຎ຺ຈວີສຕິ ອຕ຺ຖາ, ປຎ຺ຎາສ ນິຣຸຕ຺ຕິໂຍ, ສຕໍ ຎາຓານິ.

ຈຕູສຸ ອຣິຍສຈ຺ເຈສຸ ສຕໍ ຘມ຺ມາ, ສຕໍ ອຕ຺ຖາ, ທ຺ເວ ນິຣຸຕ຺ຕິສຕານິ, ຈຕ຺ຕາຣິ ຎາຓສຕານິ.