໑໔. ໂລກວາທປຏິສໍຍຸຕ຺ຕທິຏ຺ຐິນິທ຺ເທໂສ

໑໔໗. ໂລກວາທປຏິສໍຍຸຕ຺ຕາຍ ທິຏ຺ຐິຍາ ກຕເມຫິ ອຏ຺ຐຫິ ອາກາເຣຫິ ອຠິນິເວໂສ ໂຫຕິ? ສສ຺ສໂຕ ອຕ຺ຕາ ຈ ໂລໂກ ຈາຕິ – ອຠິນິເວສປຣາມາໂສ ໂລກວາທປຏິສໍຍຸຕ຺ຕາ ທິຏ຺ຐິ. ທິຏ຺ຐິ ນ ວຕ຺ຖຸ, ວຕ຺ຖຸ ນ ທິຏ຺ຐິ. ອຎ຺ຎາ, ທິຏ຺ຐິ, ອຎ຺ຎໍ ວຕ຺ຖຸ. ຍາ ຈ ທິຏ຺ຐິ ຍຎ຺ຈ ວຕ຺ຖຸ – ອຍໍ ປຐມາ ໂລກວາທປຏິສໍຍຸຕ຺ຕາ ທິຏ຺ຐິ. ໂລກວາທປຏິສໍຍຸຕ຺ຕາ ທິຏ຺ຐິ ມິຈ຺ຉາທິຏ຺ຐິ…ເປ… ອິມານິ ສຎ຺ໂຎຊນານິ, ນ ຈ ທິຏ຺ຐິໂຍ.

ອສສ຺ສໂຕ ອຕ຺ຕາ ຈ ໂລໂກ ຈາຕິ…ເປ… ສສ຺ສໂຕ ຈ ອສສ຺ສໂຕ ຈ ອຕ຺ຕາ ຈ ໂລໂກ ຈາຕິ…ເປ… ເນວ ສສ຺ສໂຕ ນາສສ຺ສໂຕ ອຕ຺ຕາ ຈ ໂລໂກ ຈາຕິ… ອນ຺ຕວາ ອຕ຺ຕາ ຈ ໂລໂກ ຈາຕິ… ອນນ຺ຕວາ ອຕ຺ຕາ ຈ ໂລໂກ ຈາຕິ… ອນ຺ຕວາ ຈ ອນນ຺ຕວາ ຈ ອຕ຺ຕາ ຈ ໂລໂກ ຈາຕິ… ເນວ ອນ຺ຕວາ ນ ອນນ຺ຕວາ ອຕ຺ຕາ ຈ ໂລໂກ ຈາຕິ ອຠິນິເວສປຣາມາໂສ ໂລກວາທປຏິສໍຍຸຕ຺ຕາ ທິຏ຺ຐິ. ທິຏ຺ຐິ ນ ວຕ຺ຖຸ, ວຕ຺ຖຸ ນ ທິຏ຺ຐິ. ອຎ຺ຎາ ທິຏ຺ຐິ, ອຎ຺ຎໍ ວຕ຺ຖຸ. ຍາ ຈ ທິຏ຺ຐິ ຍຎ຺ຈ ວຕ຺ຖຸ – ອຍໍ ອຏ຺ຐມີ ໂລກວາທປຏິສໍຍຸຕ຺ຕາ ທິຏ຺ຐິ. ໂລກວາທປຏິສໍຍຸຕ຺ຕາ ທິຏ຺ຐິ ມິຈ຺ຉາທິຏ຺ຐິ …ເປ… ອິມານິ ສຎ຺ໂຎຊນານິ, ນ ຈ ທິຏ຺ຐິໂຍ. ໂລກວາທປຏິສໍຍຸຕ຺ຕາຍ ທິຏ຺ຐິຍາ ອິເມຫິ ອຏ຺ຐຫິ ອາກາເຣຫິ ອຠິນິເວໂສ ໂຫຕິ.

ໂລກວາທປຏິສໍຍຸຕ຺ຕທິຏ຺ຐິນິທ຺ເທໂສ ຈຸທ຺ທສໂມ.