໕໑໙. ສມ຺ພຸລາຊາຕກໍ (໙)

໒໙໗. ກາ ເວຘມານາ ຄິຣິກນ຺ທຣາຍໍ, ເອກາ ຕຸວໍ ຕິຏ຺ຐສິ ສໍຫິຕູຣຸ [ສຎ຺ຎຕູຣ (ສີ. ປີ.), ສຎ຺ຈິຕູຣຸ (ສ຺ຍາ.)];

ປຸຏ຺ຐາສິ ເມ ປາຓິປເມຍ຺ຍມຊ຺ເຌ, ອກ຺ຂາຫິ ເມ ນາມຎ຺ຈ ພນ຺ຘເວ ຈ.

໒໙໘. ໂອຠາສຍໍ ວນໍ ຣມ຺ມໍ, ສີຫພ຺ຍຄ຺ຆນິເສວິຕໍ;

ກາ ວາ ຕ຺ວມສິ ກລ຺ຍາຓິ, ກສ຺ສ ວາ ຕ຺ວໍ ສຸມຊ຺ຌິເມ;

ອຠິວາເທມິ ຕໍ ຠທ຺ເທ, ທານວາຫໍ ນມຕ຺ຖຸ ເຕ.

໒໙໙. ໂຍ ປຸຕ຺ໂຕ ກາສິຣາຊສ຺ສ, ໂສຕ຺ຖິເສໂນຕິ ຕໍ ວິທູ;

ຕສ຺ສາຫໍ ສມ຺ພຸລາ ຠຣິຍາ, ເອວໍ ຊານາຫິ ທານວ;

ອຠິວາເທມິ ຕໍ ຠນ຺ເຕ [ຠທ຺ທນ຺ເຕ (ສີ. ສ຺ຍາ.)], ສມ຺ພຸລາຫໍ ນມຕ຺ຖຸ ເຕ.

໓໐໐. ເວເທຫປຸຕ຺ໂຕ ຠທ຺ທນ຺ເຕ, ວເນ ວສຕິ ອາຕຸໂຣ;

ຕມຫໍ ໂຣຄສມ຺ມຕ຺ຕໍ, ເອກາ ເອກໍ ອຸປຏ຺ຐຫໍ [ອຸປຏ຺ຐຫິໍ (ສີ.)].

໓໐໑. ອຫຎ຺ຈ ວນມຸຎ຺ຉາຍ, ມຘຸມໍສໍ ມິຄາພິລໍ [ມິຄາວິລໍ (ສີ.)];

ຍທາ ຫຣາມິ ຕໍ ຠກ຺ໂຂ, ຕສ຺ສ ນູນຊ຺ຊ ນາຘຕິ [ນາຖຕິ (ກ.)].

໓໐໒. ກິໍ ວເນ ຣາຊປຸຕ຺ເຕນ, ອາຕຸເຣນ ກຣິສ຺ສສິ;

ສມ຺ພຸເລ ປຣິຈິຓ຺ເຓນ, ອຫໍ ຠຕ຺ຕາ ຠວາມິ ເຕ.

໓໐໓. ໂສກຏ຺ຏາຍ ທຸຣຕ຺ຕາຍ, ກິໍ ຣູປໍ ວິຊ຺ຊເຕ ມມ;

ອຎ຺ຎໍ ປຣິເຍສ ຠທ຺ທນ຺ເຕ, ອຠິຣູປຕຣໍ ມຍາ.

໓໐໔. ເອຫິມໍ ຄິຣິມາຣຸຍ຺ຫ, ຠຣິຍາ ເມ [ມຍ຺ຫໍ (ສີ. ສ຺ຍາ. ປີ.)] ຈຕຸສ຺ສຕາ;

ຕາສໍ ຕ຺ວໍ ປວຣາ ໂຫຫິ, ສພ຺ພກາມສມິທ຺ຘິນີ.

໓໐໕. ນູນ [ນນຸ (ສີ. ສ຺ຍາ. ປີ. ກ.)] ຕາຣກວຓ຺ຓາເຠ [ຫາຏກວຓ຺ຓາເຠ (ປີ.)], ຍໍ ກິຎ຺ຈິ ມນສິຈ຺ຉສິ;

ສພ຺ພໍ ຕໍ ປຈຸຣໍ ມຍ຺ຫໍ, ຣມສ຺ສ຺ວຊ຺ຊ [ຣມສຸຊ຺ຊ (ສີ. ສ຺ຍາ.)] ມຍາ ສຫ.

໓໐໖. ໂນ ເຈ ຕຸວໍ ມເຫເສຍ຺ຍໍ, ສມ຺ພຸເລ ກາຣຍິສ຺ສສິ;

ອລໍ ຕ຺ວໍ ປາຕຣາສາຍ, ປຓ຺ເຫ [ມຎ຺ເຎ (ສີ. ປີ.)] ຠກ຺ຂາ ຠວິສ຺ສສິ.

໓໐໗. ຕຎ຺ຈ ສຕ຺ຕຊໂຏ ລຸທ຺ໂທ, ກຬາໂຣ ປຸຣິສາທໂກ;

ວເນ ນາຖໍ ອປສ຺ສນ຺ຕິໍ, ສມ຺ພຸລໍ ອຄ຺ຄຫີ ຠຸເຊ.

໓໐໘. ອຘິປນ຺ນາ ປິສາເຈນ, ລຸທ຺ເທນາມິສຈກ຺ຂຸນາ;

ສາ ຈ ສຕ຺ຕຸວສມ຺ປຕ຺ຕາ, ປຕິເມວານຸໂສຈຕິ.

໓໐໙. ນ ເມ ອິທໍ ຕຖາ ທຸກ຺ຂໍ, ຍໍ ມໍ ຂາເທຍ຺ຍ ຣກ຺ຂໂສ;

ຍຎ຺ຈ ເມ ອຍ຺ຍປຸຕ຺ຕສ຺ສ, ມໂນ ເຫສ຺ສຕິ ອຎ຺ຎຖາ.

໓໑໐. ນ ສນ຺ຕິ ເທວາ ປວສນ຺ຕິ ນູນ, ນ ຫິ ນູນ ສນ຺ຕິ ອິຘ ໂລກປາລາ;

ສຫສາ ກໂຣນ຺ຕານມສຎ຺ຎຕານໍ, ນ ຫິ ນູນ ສນ຺ຕິ ປຏິເສຘິຕາໂຣ.

໓໑໑. ອິຕ຺ຖີນເມສາ ປວຣາ ຍສສ຺ສິນີ, ສນ຺ຕາ ສມາ ອຄ຺ຄິຣິວຸຄ຺ຄເຕຊາ;

ຕຎ຺ເຈ ຕຸວໍ ຣກ຺ຂສາເທສິ ກຎ຺ຎໍ, ມຸທ຺ຘາ ຈ ຫິ ສຕ຺ຕຘາ ເຕ ຜເລຍ຺ຍ;

ມາ ຕ຺ວໍ ທຫີ [ຊຫີ (ປີ.)] ມຸຎ຺ຈ ປຕິພ຺ພຕາຍ [ປຕິພ຺ພຕາ ສາ (ສີ.), ປຕິພ຺ພຕາ ຍາ (ປີ.)].

໓໑໒. ສາ ຈ ອສ຺ສມມາຄຈ຺ຉິ, ປມຸຕ຺ຕາ ປຸຣິສາທກາ;

ນີຬໍ [ນິຑ຺ຑໍ (ສ຺ຍາ. ກ.)] ປຬິນໍ ສກຸຓີວ [ຜລິນສກຸຓີວ (ສີ. ສ຺ຍາ. ປີ.)], ຄຕສິງ຺ຄໍວ ອາລຍໍ.

໓໑໓. ສາ ຕຕ຺ຖ ປຣິເທເວສິ, ຣາຊປຸຕ຺ຕີ ຍສສ຺ສິນີ;

ສມ຺ພຸລາ ອຸຕຸມຕ຺ຕກ຺ຂາ, ວເນ ນາຖໍ ອປສ຺ສນ຺ຕີ [ອປສ຺ສຕີ (ສີ.)].

໓໑໔. ສມເຓ ພ຺ຣາຫ຺ມເຓ ວນ຺ເທ, ສມ຺ປນ຺ນຈຣເຓ ອິເສ;

ຣາຊປຸຕ຺ຕໍ ອປສ຺ສນ຺ຕີ, ຕຸມ຺ຫໍມ຺ຫິ [ຕຸມ຺ຫໍ ຫິ (ປີ.)] ສຣຓໍ ຄຕາ.

໓໑໕. ວນ຺ເທ ສີເຫ ຈ ພ຺ຍຄ຺ເຆ ຈ, ເຍ ຈ ອຎ຺ເຎ ວເນ ມິຄາ;