໙. ຐິຕຎ຺ຊລິຍຕ຺ເຖຣອປທານໍ

໔໒. ‘‘ມິຄລຸທ຺ໂທ ປຸເຣ ອາສິໍ, ອຣຎ຺ເຎ ການເນ ອຫໍ;

ຕຕ຺ຖ ອທ຺ທສໍ [ຕຕ຺ຖທ຺ທສາສິໍ (ສີ. ສ຺ຍາ.)] ສມ຺ພຸທ຺ຘໍ, ພາຕ຺ຕິໍສວຣລກ຺ຂຓໍ.

໔໓. ‘‘ຕຕ຺ຖາຫໍ ອຎ຺ຊລິໍ ກຕ຺ວາ, ປກ຺ກາມິໍ ປາຈິນາມຸໂຂ;

ອວິທູເຣ ນິສິນ຺ນສ຺ສ, ນິຍເກ ປຓ຺ຓສນ຺ຖເຣ.

໔໔. ‘‘ຕໂຕ ເມ ອສນີປາໂຕ, ມຕ຺ຖເກ ນິປຕີ ຕທາ;

ໂສຫໍ ມຣຓກາລມ຺ຫິ, ອກາສິໍ ປຸນຣຎ຺ຊລິໍ.

໔໕. ‘‘ທ຺ເວນວຸເຕ ອິໂຕ ກປ຺ເປ, ອຎ຺ຊລິໍ ອກຣິໍ ຕທາ;

ທຸຄ຺ຄຕິໍ ນາຠິຊານາມິ, ອຎ຺ຊລິສ຺ສ ອິທໍ ຜລໍ.

໔໖. ‘‘ຈຕຸປຓ຺ຓາສກປ຺ປມ຺ຫິ, ມິຄເກຕຸສນາມໂກ;

ສຕ຺ຕຣຕນສມ຺ປນ຺ໂນ, ຈກ຺ກວຕ຺ຕີ ມຫພ຺ພໂລ.

໔໗. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ຐິຕຎ຺ຊລິໂຍ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ຐິຕຎ຺ຊລິຍຕ຺ເຖຣສ຺ສາປທານໍ ນວມໍ.