໒. ໂກລທາຍກຕ຺ເຖຣອປທານໍ

໘. ‘‘ອຊິເນນ ນິວຕ຺ໂຖຫໍ, ວາກຈີຣຘໂຣ ຕທາ;

ຂາຣິຍາ ປູຣຍິຕ຺ວານ, ໂກລໍຫາສິໍ ມມສ຺ສມໍ [ຂາຣິຠາຣໍ ຫຣິຕ຺ວານ, ໂກລມາຫຣິມສ຺ສມໍ (ສີ. ປີ.)].

໙. ‘‘ຕມ຺ຫິ ກາເລ ສິຂີ ພຸທ຺ໂຘ, ເອໂກ ອທຸຕິໂຍ ອຫຸ;

ມມສ຺ສມໍ ອຸປາຄຈ຺ຉິ, ຊານນ຺ໂຕ ສພ຺ພກາລິກໍ.

໑໐. ‘‘ສກໍ ຈິຕ຺ຕໍ ປສາເທຕ຺ວາ, ວນ຺ທິຕ຺ວານ ຈ ສຸພ຺ພຕໍ;

ອຸໂຠ ຫຕ຺ເຖຫິ ປຄ຺ຄຍ຺ຫ, ໂກລໍ ພຸທ຺ຘສ຺ສທາສຫໍ.

໑໑. ‘‘ເອກຕິໍເສ ອິໂຕ ກປ຺ເປ, ຍໍ ຜລມທທິໍ ຕທາ;

ທຸຄ຺ຄຕິໍ ນາຠິຊານາມິ, ໂກລທານສ຺ສິທໍ ຜລໍ.

໑໒. ‘‘ກິເລສາ ຌາປິຕາ ມຍ຺ຫໍ…ເປ… ວິຫຣາມິ ອນາສໂວ.

໑໓. ‘‘ສ຺ວາຄຕໍ ວຕ ເມ ອາສິ…ເປ… ກຕໍ ພຸທ຺ຘສ຺ສ ສາສນໍ.

໑໔. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ໂກລທາຍໂກ ເຖໂຣ ອິມາ ຄາຖາໂຍ

ອຠາສິຕ຺ຖາຕິ.

ໂກລທາຍກຕ຺ເຖຣສ຺ສາປທານໍ ທຸຕິຍໍ.