໓. ພິລ຺ລິຍຕ຺ເຖຣອປທານໍ

໑໕. ‘‘ຈນ຺ທຠາຄານທີຕີເຣ, ອສ຺ສໂມ ສຸກໂຕ ມມ;

ພິລ຺ລຣຸກ຺ເຂຫິ [ເພລຸວຣຸກ຺ເຂຫິ (ສ຺ຍາ.)] ອາກິຓ຺ໂຓ, ນານາທຸມນິເສວິໂຕ.

໑໖. ‘‘ສຸຄນ຺ຘໍ ເພລຸວໍ ທິສ຺ວາ, ພຸທ຺ຘເສຏ຺ຐມນຸສ຺ສຣິໍ;

ຂາຣິຠາຣໍ ປູຣຍິຕ຺ວາ, ຕຸຏ຺ໂຐ ສໍວິຄ຺ຄມານໂສ.

໑໗. ‘‘ກກຸສນ຺ຘໍ ອຸປາຄມ຺ມ, ພິລ຺ລປກ຺ກມທາສຫໍ;

ປຸຎ຺ຎກ຺ເຂຕ຺ຕສ຺ສ ວີຣສ຺ສ, ວິປ຺ປສນ຺ເນນ ເຈຕສາ.

໑໘. ‘‘ອິມສ຺ມິໍເຍວ ກປ຺ປສ຺ມິໍ, ຍໍ ຜລມທທິໍ ຕທາ;

ທຸຄ຺ຄຕິໍ ນາຠິຊານາມິ, ຜລທານສ຺ສິທໍ ຜລໍ.

໑໙. ‘‘ກິເລສາ ຌາປິຕາ ມຍ຺ຫໍ…ເປ… ວິຫຣາມິ ອນາສໂວ.

໒໐. ‘‘ສ຺ວາຄຕໍ ວຕ ເມ ອາສິ…ເປ… ກຕໍ ພຸທ຺ຘສ຺ສ ສາສນໍ.

໒໑. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ພິລ຺ລິໂຍ ເຖໂຣ ອິມາ ຄາຖາໂຍ

ອຠາສິຕ຺ຖາຕິ.

ພິລ຺ລິຍຕ຺ເຖຣສ຺ສາປທານໍ ຕຕິຍໍ.