໔. ມຘຸມໍສທາຍກຕ຺ເຖຣອປທານໍ

໑໐໖. ‘‘ນຄເຣ ພນ຺ຘຸມຕິຍາ, ສູກຣິໂກ ອໂຫສຫໍ;

ອຸກ຺ໂກຏໍ ຣນ຺ຘຍິຕ຺ວານ [ອຸກ຺ໂກຏກໍ ຣນ຺ຘຍິຕ຺ວາ (ສີ. ສ຺ຍາ.)], ມຘຸມໍສມ຺ຫິ [ມຘຸສປ຺ປິມ຺ຫິ (ປີ.), ມຘຸໍ ມໍສມ຺ຫິ (ກ.)] ໂອກິຣິໍ.

໑໐໗. ‘‘ສນ຺ນິປາຕໍ ອຫໍ ຄນ຺ຕ຺ວາ, ເອກໍ ປຕ຺ຕໍ ຄເຫສຫໍ;

ປູຣຍິຕ຺ວານ ຕໍ ປຕ຺ຕໍ, ຠິກ຺ຂຸສງ຺ຆສ຺ສທາສຫໍ.

໑໐໘. ‘‘ໂຍຕ຺ຖ ເຖຣຕໂຣ ຠິກ຺ຂຸ, ນິຍ຺ຍາເທສິ ມມໍ ຕທາ;

ອິມິນາ ປຕ຺ຕປູເຣນ, ລຠສ຺ສຸ ວິປຸລໍ ສຸຂໍ.

໑໐໙. ‘‘ທຸເວ ສມ຺ປຕ຺ຕິໂຍ ຠຸຕ຺ວາ, ສຸກ຺ກມູເລນ ໂຈທິໂຕ;

ປຈ຺ຉິເມ ວຕ຺ຕມານມ຺ຫິ, ກິເລເສ ຌາປຍິສ຺ສຕິ.

໑໑໐. ‘‘ຕຕ຺ຖ ຈິຕ຺ຕໍ ປສາເທຕ຺ວາ, ຕາວຕິໍສມຄຈ຺ຉຫໍ;

ຕຕ຺ຖ ຠຸຕ຺ວາ ປິວິຕ຺ວາ ຈ, ລຠາມິ ວິປຸລໍ ສຸຂໍ.

໑໑໑. ‘‘ມຓ຺ຑເປ ຣຸກ຺ຂມູເລ ວາ, ປຸພ຺ພກມ຺ມໍ ອນຸສ຺ສຣິໍ;

ອນ຺ນປານາຠິວສ຺ໂສ ເມ, ອຠິວສ຺ສຕິ ຕາວເທ.

໑໑໒. ‘‘ອິທໍ ປຈ຺ຉິມກໍ ມຍ຺ຫໍ, ຈຣິໂມ ວຕ຺ຕເຕ ຠໂວ;

ອິຘາປິ ອນ຺ນປານໍ ເມ, ວສ຺ສເຕ ສພ຺ພກາລິກໍ.

໑໑໓. ‘‘ເຕເນວ ມຘຸທາເນນ [ມໍສທາເນນ (ສີ. ປີ.)], ສນ຺ຘາວິຕ຺ວາ ຠເວ ອຫໍ;

ສພ຺ພາສເວ ປຣິຎ຺ຎາຍ, ວິຫຣາມິ ອນາສໂວ.

໑໑໔. ‘‘ເອກນວຸຕິໂຕ ກປ຺ເປ, ຍໍ ທານມທທິໍ ຕທາ;

ທຸຄ຺ຄຕິໍ ນາຠິຊານາມິ, ມຘຸທານສ຺ສິທໍ ຜລໍ.

໑໑໕. ‘‘ກິເລສາ ຌາປິຕາ ມຍ຺ຫໍ…ເປ… ວິຫຣາມິ ອນາສໂວ.

໑໑໖. ‘‘ສ຺ວາຄຕໍ ວຕ ເມ ອາສິ…ເປ… ກຕໍ ພຸທ຺ຘສ຺ສ ສາສນໍ.

໑໑໗. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ມຘຸມໍສທາຍໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ມຘຸມໍສທາຍກຕ຺ເຖຣສ຺ສາປທານໍ ຈຕຸຕ຺ຖໍ.