໓. ທ຺ເວຣຕນິຍຕ຺ເຖຣອປທານໍ

໑໒. ‘‘ມິຄລຸທ຺ໂທ ປຸເຣ ອາສິໍ, ອຣຎ຺ເຎ ການເນ ອຫໍ;

ອທ຺ທສໍ ວິຣຊໍ ພຸທ຺ຘໍ, ອາຫຸຕີນໍ ປຏິຄ຺ຄຫໍ.

໑໓. ‘‘ມໍສເປສິ ມຍາ ທິນ຺ນາ, ວິປສ຺ສິສ຺ສ ມເຫສິໂນ;

ສເທວກສ຺ມິໍ ໂລກສ຺ມິໍ, ອິສ຺ສຣໍ ກາຣຍາມຫໍ.

໑໔. ‘‘ອິມິນາ ມໍສທາເນນ, ຣຕນໍ ນິພ຺ພຕ຺ຕເຕ ມມ;

ທຸເວເມ ຣຕນາ ໂລເກ, ທິຏ຺ຐຘມ຺ມສ຺ສ ປຕ຺ຕິຍາ.

໑໕. ‘‘ເຕຫໍ ສພ຺ເພ ອນຸໂຠມິ, ມໍສທານສ຺ສ ສຕ຺ຕິຍາ;

ຄຕ຺ຕຎ຺ຈ ມຸທຸກໍ ມຍ຺ຫໍ, ປຎ຺ຎາ ນິປຸຓເວທນີ.

໑໖. ‘‘ເອກນວຸຕິໂຕ ກປ຺ເປ, ຍໍ ມໍສມທທິໍ ຕທາ;

ທຸຄ຺ຄຕິໍ ນາຠິຊານາມິ, ມໍສທານສ຺ສິທໍ ຜລໍ.

໑໗. ‘‘ອິໂຕ ຈຕຸຕ຺ຖເກ ກປ຺ເປ, ເອໂກ ອາສິໍ ຊນາຘິໂປ;

ມຫາໂຣຫິຕນາໂມ ໂສ, ຈກ຺ກວຕ຺ຕີ ມຫພ຺ພໂລ.

໑໘. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ທ຺ເວຣຕນິໂຍ [ທ຺ວິຣຕນິໂຍ (ສີ.)] ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ທ຺ເວຣຕນິຍຕ຺ເຖຣສ຺ສາປທານໍ ຕຕິຍໍ.

ທສມໍ ຠາຓວາຣໍ.