໘. ທຸສ຺ສທາຍກຕ຺ເຖຣອປທານໍ

໓໘. ‘‘ຕິວຣາຍໍ ປຸເຣ ຣມ຺ເມ, ຣາຊປຸຕ຺ໂຕສຫໍ [ຣາຊປຸຕ຺ໂຕ ອຫໍ (ສີ. ສ຺ຍາ.)] ຕທາ;

ປຓ຺ຓາກາຣໍ ລຠິຕ຺ວານ, ອຸປສນ຺ຕສ຺ສທາສຫໍ.

໓໙. ‘‘ອຘິວາເສສິ ຠຄວາ, ວຕ຺ຖໍ [ນວໍ (ກ.)] ຫຕ຺ເຖນ ອາມສິ;

ສິທ຺ຘຕ຺ໂຖ ອຘິວາເສຕ຺ວາ, ເວຫາສໍ ນຠມຸຄ຺ຄມິ.

໔໐. ‘‘ພຸທ຺ຘສ຺ສ ຄຈ຺ຉມານສ຺ສ, ທຸສ຺ສາ ຘາວນ຺ຕິ ປຈ຺ຉໂຕ;

ຕຕ຺ຖ ຈິຕ຺ຕໍ ປສາເທສິໍ, ພຸທ຺ໂຘ ໂນ ອຄ຺ຄປຸຄ຺ຄໂລ.

໔໑. ‘‘ຈຕຸນ຺ນວຸຕິໂຕ ກປ຺ເປ, ຍໍ ທຸສ຺ສມທທິໍ ຕທາ;

ທຸຄ຺ຄຕິໍ ນາຠິຊານາມິ, ທຸສ຺ສທານສ຺ສິທໍ ຜລໍ.

໔໒. ‘‘ສຕ຺ຕສຏ຺ຐິມ຺ຫິໂຕ ກປ຺ເປ, ຈກ຺ກວຕ຺ຕີ ຕທາ ອຫຸ;

ປຣິສຸທ຺ໂຘຕິ ນາເມນ, ມນຸຊິນ຺ໂທ ມຫພ຺ພໂລ.

໔໓. ‘‘ປຏິສມ຺ຠິທາ ຈຕສ຺ໂສ…ເປ… ກຕໍ ພຸທ຺ຘສ຺ສ ສາສນໍ’’.

ອິຕ຺ຖໍ ສຸທໍ ອາຍສ຺ມາ ທຸສ຺ສທາຍໂກ ເຖໂຣ ອິມາ ຄາຖາໂຍ ອຠາສິຕ຺ຖາຕິ.

ທຸສ຺ສທາຍກຕ຺ເຖຣສ຺ສາປທານໍ ອຏ຺ຐມໍ.