໔. ອາມິສສິກ຺ຂາປທວຓ຺ຓນາ
໑໖໔. ຈຕຸຕ຺ຖສິກ຺ຂາປເທ – ນ ພຫຸກຕາຕິ ນ ກຕພຫຸມານາ, ນ ຘມ຺ເມ ພຫຸມານໍ ກຕ຺ວາ ໂອວທນ຺ຕີຕິ ອຘິປ຺ປາໂຍ. ‘‘ຠິກ຺ຂຸໂນວາທກໍ ອວຓ຺ຓໍ ກຕ຺ຕຸກາໂມ’’ຕິອາທີນໍ ອຸຊ຺ຌາປນເກ ວຸຕ຺ຕນເຍເນວຕ຺ໂຖ ເວທິຕພ຺ໂພ.
ອຸປສມ຺ປນ຺ນໍ ສງ຺ເຆນ ອສມ຺ມຕນ຺ຕິ ເອຕ຺ຖ ອສມ຺ມໂຕ ນາມ ສມ຺ມເຕນ ວາ ສງ຺ເຆນ ວາ ຠາຣໍ ກຕ຺ວາ ຐປິໂຕ ເວທິຕພ຺ໂພ. ອນຸປສມ຺ປນ຺ນໍ ສມ຺ມຕໍ ວາ ອສມ຺ມຕໍ ວາຕິ ເອຕ຺ຖ ປນ ຠິກ຺ຂຸກາເລ ສມ຺ມຸຕິໍ ລຠິຕ຺ວາ ສາມເຓຣຠູມິຍໍ ຐິໂຕ ສມ຺ມໂຕ, ສມ຺ມເຕນ ວາ ສງ຺ເຆນ ວາ ຐປິໂຕ ພຫຸສ຺ສຸໂຕ ສາມເຓໂຣ ອສມ຺ມໂຕຕິ ເວທິຕພ຺ໂພ. ເສສໍ ວຸຕ຺ຕນຍຕ຺ຕາ ອຸຕ຺ຕານເມວ.
ຕິສມຸຏ຺ຐານໍ – ກາຍຈິຕ຺ຕໂຕ ວາຈາຈິຕ຺ຕໂຕ ກາຍວາຈາຈິຕ຺ຕໂຕ ຈ ສມຸຏ຺ຐາຕິ, ກິຣິຍໍ, ສຎ຺ຎາວິໂມກ຺ຂໍ, ສຈິຕ຺ຕກໍ, ໂລກວຊ຺ຊໍ, ກາຍກມ຺ມໍ, ວຈີກມ຺ມໍ, ອກຸສລຈິຕ຺ຕໍ, ທຸກ຺ຂເວທນນ຺ຕິ.
ອາມິສສິກ຺ຂາປທໍ ຈຕຸຕ຺ຖໍ.