໔. ວຕ຺ຖສຸຕ຺ຕວຓ຺ຓນາ

໑໘໕. ຈຕຸຕ຺ເຖ ສຕິສມ຺ໂພຊ຺ຌງ຺ໂຄ ອິຕິ ເຈ ເມ ໂຫຕີຕິ ສຕິສມ຺ໂພຊ຺ຌງ຺ໂຄຕິ ເອວໍ ເຈ ມຍ຺ຫໍ ໂຫຕິ. ອປ຺ປມາໂຓຕິ ເມ ໂຫຕີຕິ ອປ຺ປມາໂຓຕິ ເອວໍ ເມ ໂຫຕິ. ສຸສມາຣທ຺ໂຘຕິ ສຸປຣິປຸຓ຺ໂຓ. ຕິຏ຺ຐຕີຕິ ເອຕ຺ຖ ອຏ຺ຐຫາກາເຣຫິ ສຕິສມ຺ໂພຊ຺ຌງ຺ໂຄ ຕິຏ຺ຐຕິ – ອຸປ຺ປາທໍ ອນາວຊ຺ຊິຕຕ຺ຕາ ອນຸປ຺ປາທໍ ອາວຊ຺ຊິຕຕ຺ຕາ ສຕິສມ຺ໂພຊ຺ຌງ຺ໂຄ ຕິຏ຺ຐຕິ, ປວຕ຺ຕໍ, ອປ຺ປວຕ຺ຕໍ, ນິມິຕ຺ຕໍ, ອນິມິຕ຺ຕໍ ສງ຺ຂາເຣ ອນາວຊ຺ຊິຕຕ຺ຕາ, ວິສງ຺ຂາຣໍ ອາວຊ຺ຊິຕຕ຺ຕາ ສຕິສມ຺ໂພຊ຺ຌງ຺ໂຄ ຕິຏ຺ຐຕີຕິ. ອິເມຫິ ອຏ຺ຐຫາກາເຣຫິ ຕິຏ຺ຐຕີຕິ ເຖໂຣ ຊານາຕິ, ວຸຕ຺ຕາກາຣວິປຣີເຕເຫວ ອຏ຺ຐຫາກາເຣຫິ ຈວນ຺ຕໍ ຈວຕີຕິ ປຊານາຕິ. ເສສໂພຊ຺ຌງ຺ເຄສຸປິ ເອເສວ ນໂຍ.

ອິຕິ ອິມສ຺ມິໍ ສຸຕ຺ເຕ ເຖຣສ຺ສ ຜລໂພຊ຺ຌງ຺ຄາ ກຖິຕາ. ຍທາ ຫິ ເຖໂຣ ສຕິສມ຺ໂພຊ຺ຌງ຺ຄໍ ສີສໍ ກຕ຺ວາ ຜລສມາປຕ຺ຕິໍ ສມາປຊ຺ຊຕິ, ຕທາ ອິຕເຣ ຉ ຕທນ຺ວຍາ ໂຫນ຺ຕິ. ຍທາ ຘມ຺ມວິຈຍາທີສຸ ອຎ຺ຎຕຣໍ, ຕທາປິ ເສສາ ຕທນ຺ວຍາ ໂຫນ຺ຕີຕິ ເອວໍ ຜລສມາປຕ຺ຕິຍໍ ອຕ຺ຕໂນ ຈິຓ຺ຓວສິຕໍ ທສ຺ເສນ຺ໂຕ ເຖໂຣ ອິມໍ ສຸຕ຺ຕໍ ກເຖສີຕິ.