໓. ພລວຄ຺ໂຄ

໑. ວິສາຣທສຸຕ຺ຕວຓ຺ຓນາ

໓໐໔. ທສເມ ຣູປພລນ຺ຕິອາທີສຸ ຣູປສມ຺ປຕ຺ຕິ ຣູປພລໍ, ໂຠຄສມ຺ປຕ຺ຕິ ໂຠຄພລໍ, ຎາຕິສມ຺ປຕ຺ຕິ ຎາຕິພລໍ, ປຸຕ຺ຕສມ຺ປຕ຺ຕິ ປຸຕ຺ຕພລໍ, ສີລສມ຺ປຕ຺ຕິ ສີລພລໍ. ປຎ຺ຈສີລທສສີລານິ ອຂຓ຺ຑານິ ກຕ຺ວາ ຣກ຺ຂນ຺ຕສ຺ສ ຫິ ສີລສມ຺ປຕ຺ຕິເຍວ ສີລພລໍ ນາມ ໂຫຕິ. ອິມານິ ໂຂ ຠິກ຺ຂເວ ປຎ຺ຈ ພລານີຕິ ອິມານິ ປຎ຺ຈ ອຸປຕ຺ຖມ຺ຠນຏ຺ເຐນ ພລານິ ນາມ ວຸຈ຺ຈນ຺ຕິ.

໒-໑໐. ປສຍ຺ຫສຸຕ຺ຕາທິວຓ຺ຓນາ

໓໐໕-໓໑໓. ປສຍ຺ຫາຕິ ອຠິຠວິຕ຺ວາ. ອຠິຠຸຍ຺ຍ ວຕ຺ຕຕີຕິ ອຠິຠວຕິ ອຊ຺ໂຌຕ຺ຖຣຕິ. ເນວ ຣູປພລໍ ຕາຍຕີຕິ ເນວ ຣູປພລໍ ຕາຍິຕຸໍ ຣກ຺ຂິຕຸໍ ສກ຺ໂກຕິ. ນາເສນ຺ເຕວ ນໍ, ກຸເລ ນ ວາເສນ຺ຕີຕິ ‘‘ທຸສ຺ສີລາ ສໍຠິນ຺ນາຈາຣາ ອຕິກ຺ກນ຺ຕມຣິຍາທາ’’ຕິ ຄີວາຍໍ ຄເຫຕ຺ວາ ນີຫຣນ຺ຕິ, ນ ຕສ຺ມິໍ ກຸເລ ວາເສນ຺ຕິ. ວາເສນ຺ເຕວ ນໍ ກຸເລ, ນ ນາເສນ຺ຕີຕິ ‘‘ກິໍ ຣູເປນ ໂຠຄາທີຫິ ວາ, ປຣິສຸທ຺ຘສີລາ ເອສາ ອາຈາຣສມ຺ປນ຺ນາ’’ຕິ ຎຕ຺ວາ ຎາຕກາ ຕສ຺ມິໍ ກຸເລ ວາເສນ຺ຕິເຍວ, ນ ນາເສນ຺ຕິ. ເສສໍ ສພ຺ພຕ຺ຖ ອຸຕ຺ຕານຕ຺ຖເມວາຕິ.

ມາຕຸຄາມສໍຍຸຕ຺ຕວຓ຺ຓນາ ນິຏ຺ຐິຕາ.