໑໐. ອານນ຺ທສຸຕ຺ຕວຓ຺ຓນາ
໑໕໙. ທສເມ ອຸປສງ຺ກມີຕິ ອຎ຺ເຎ ຠິກ຺ຂູ ປຎ຺ຈກ຺ຂນ຺ຘກມ຺ມຏ຺ຐານໍ ກຖາເປຕ຺ວາ ຍຸຎ຺ຊິຕ຺ວາ ຆເຏຕ຺ວາ ອຣຫຕ຺ຕໍ ປຕ຺ວາ ສຕ຺ຖຸ ສນ຺ຕິເກ ອຎ຺ຎໍ ພ຺ຍາກໂຣນ຺ເຕ ທິສ຺ວາ ‘‘ອຫມ຺ປິ ປຎ຺ຈກ຺ຂນ຺ຘກມ຺ມຏ຺ຐານໍ ກຖາເປຕ຺ວາ ຍຸຎ຺ຊນ຺ໂຕ ຆເຏນ຺ໂຕ, ອຣຫຕ຺ຕໍ ປຕ຺ວາ ອຎ຺ຎໍ ພ຺ຍາກຣິສ຺ສາມີ’’ຕິ ຈິນ຺ເຕຕ຺ວາ ອຸປສງ຺ກມິ. ສຕ຺ຖາ ປນ ອຕ຺ຕໂນ ຘຣມານກາເລ ເຖຣສ຺ສ ອຸປຣິມຄ຺ຄຕ຺ຕຍວຊ຺ຌານໍ ກິເລສານໍ ປຫານໍ ອປສ຺ສນ຺ໂຕປິ ‘‘ອິມສ຺ສ ຈິຕ຺ຕໍ ຄຓ຺ຫິສ຺ສາມີ’’ຕິ ກເຖສິ. ຕສ຺ສາປິ ເອກໍ ທ຺ເວ ວາເຣ ມນສິ ກຕ຺ວາວ ພຸທ຺ຘຸປຏ຺ຐານເວລາ ຊາຕາຕິ ຄນ຺ຕພ຺ພໍ ໂຫຕິ. ອິຕິສ຺ສ ຈິຕ຺ຕໍ ສມ຺ປຫໍສມາໂນ ວິມຸຕ຺ຕິປຣິປາຈນີຍຘມ຺ໂມວ ໂສ ກມ຺ມຏ຺ຐານານຸໂຍໂຄ ຊາໂຕຕິ. ທສມໍ.
ທິຏ຺ຐິວຄ຺ໂຄ ປນ຺ນຣສໂມ.
ອຸປຣິປຓ຺ຓາສໂກ ສມຕ຺ໂຕ.
ຂນ຺ຘສໍຍຸຕ຺ຕວຓ຺ຓນາ ນິຏ຺ຐິຕາ.