໕-໑໐. ສິຂີສຸຕ຺ຕາທິວຓ຺ຓນາ

໕-໑໐. ປຎ຺ຈມາທີສຸ ສິຂິສ຺ສ, ຠິກ຺ຂເວຕິອາທີນໍ ປທານໍ ‘‘ສິຂິສ຺ສປິ, ຠິກ຺ຂເວ’’ຕິ ນ ເອວໍ ໂຍເຊຕ຺ວາ ອຕ຺ໂຖ ເວທິຕພ຺ໂພ. ກສ຺ມາ? ເອກາສເນ ອເທສິຕຕ຺ຕາ. ນານາຐາເນສຸ ຫິ ເອຕານິ ເທສິຕານິ, ອຕ຺ໂຖ ປນ ສພ຺ພຕ຺ຖ ສທິໂສເຍວ. ສພ຺ພໂພຘິສຕ຺ຕານຎ຺ຫິ ໂພຘິປລ຺ລງ຺ເກ ນິສິນ຺ນານໍ ນ ອຎ຺ໂຎ ສມໂຓ ວາ ພ຺ຣາຫ຺ມໂຓ ວາ ເທໂວ ວາ ມາໂຣ ວາ ພ຺ຣຫ຺ມາ ວາ ອາຈິກ຺ຂຕິ – ‘‘ອຕີເຕ ໂພຘິສຕ຺ຕາ ປຈ຺ຈຍາກາຣໍ ສມ຺ມສິຕ຺ວາ ພຸທ຺ຘາ ຊາຕາ’’ຕິ. ຍຖາ ປນ ປຐມກປ຺ປິກກາເລ ເທເວ ວຸຏ຺ເຐ ອຸທກສ຺ສ ຄຕມຄ຺ເຄເນວ ອປຣາປຣໍ ວຸຏ຺ຐິອຸທກໍ ຄຈ຺ຉຕິ, ເອວໍ ເຕຫິ ເຕຫິ ປຸຣິມພຸທ຺ເຘຫິ ຄຕມຄ຺ເຄເນວ ປຈ຺ຉິມາ ປຈ຺ຉິມາ ຄຈ຺ຉນ຺ຕິ. ສພ຺ພໂພຘິສຕ຺ຕາ ຫິ ອານາປານຈຕຸຕ຺ຖຊ຺ຌານໂຕ ວຸຏ຺ຐາຍ ປຈ຺ຈຍາກາເຣ ຎາຓໍ ໂອຕາເຣຕ຺ວາ ຕໍ ອນຸໂລມປຏິໂລມໍ ສມ຺ມສິຕ຺ວາ ພຸທ຺ຘາ ໂຫນ຺ຕີຕິ ປຏິປາຏິຍາ ສຕ຺ຕສຸ ສຸຕ຺ເຕສຸ ພຸທ຺ຘວິປສ຺ສນາ ນາມ ກຖິຕາຕິ.

ພຸທ຺ຘວຄ຺ໂຄ ປຐໂມ.