໔. ມໂນນິວາຣຓສຸຕ຺ຕວຓ຺ຓນາ

໒໔. ຈຕຸຕ຺ເຖ ຍໂຕ ຍໂຕຕິ ປາປໂຕ ວາ ກລ຺ຍາຓໂຕ ວາ. ອຍໍ ກິຣ ເທວຕາ ‘‘ຍໍກິຎ຺ຈິ ກຸສລາທິເຠທໍ ໂລກິຍໍ ວາ ໂລກຸຕ຺ຕຣໍ ວາ ມໂນ, ຕໍ ນິວາເຣຕພ຺ພເມວ, ນ ອຸປ຺ປາເທຕພ຺ພ’’ນ຺ຕິ ເອວໍລທ຺ຘິກາ. ສ ສພ຺ພໂຕຕິ ໂສ ສພ຺ພໂຕ. ອຖ ຠຄວາ – ‘‘ອຍໍ ເທວຕາ ອນິຍ຺ຍານິກກຖໍ ກເຖຕິ, ມໂນ ນາມ ນິວາເຣຕພ຺ພມ຺ປິ ອຕ຺ຖິ ຠາເວຕພ຺ພມ຺ປິ, ວິຠຊິຕ຺ວາ ນມສ຺ສາ ທສ຺ເສສ຺ສາມີ’’ຕິ ຈິນ຺ເຕຕ຺ວາ ທຸຕິຍຄາຖໍ ອາຫ. ຕຕ຺ຖ ນ ມໂນ ສໍຍຕຕ຺ຕມາຄຕນ຺ຕິ, ຍໍ ວຸຕ຺ຕໍ ‘‘ນ ສພ຺ພໂຕ ມໂນ ນິວາຣເຍ’’ຕິ, ກຕຣໍ ຕໍ ມໂນ, ຍໍ ຕໍ ສພ຺ພໂຕ ນ ນິວາເຣຕພ຺ພນ຺ຕິ ເຈ. ມໂນ ສໍຍຕຕ຺ຕໍ ອາຄຕໍ, ຍໍ ມໂນ ຍຕ຺ຖ ສໍຍຕຠາວໍ ອາຄຕໍ, ‘‘ທານໍ ທສ຺ສາມິ, ສີລໍ ຣກ຺ຂິສ຺ສາມີ’’ຕິອາທິນາ ນເຍນ ອຸປ຺ປນ຺ນໍ, ເອຕໍ ມໂນ ນ ນິວາເຣຕພ຺ພໍ, ອຎ຺ຎທຕ຺ຖຸ ພ຺ຣູເຫຕພ຺ພໍ ວຑ຺ເຒຕພ຺ພໍ. ຍໂຕ ຍໂຕ ຈ ປາປກນ຺ຕິ ຍໂຕ ຍໂຕ ອກຸສລໍ ອຸປ຺ປຊ຺ຊຕິ, ຕໂຕ ຕໂຕ ຈ ຕໍ ນິວາເຣຕພ຺ພນ຺ຕິ. ຈຕຸຕ຺ຖໍ.