໒. ຜຸສຕິສຸຕ຺ຕວຓ຺ຓນາ

໒໒. ທຸຕິເຍ ນາຜຸສນ຺ຕໍ ຜຸສຕີຕິ ກມ຺ມໍ ອຜຸສນ຺ຕໍ ວິປາໂກ ນ ຜຸສຕິ, ກມ຺ມເມວ ວາ ອຜຸສນ຺ຕໍ ກມ຺ມໍ ນ ຜຸສຕິ. ກມ຺ມຎ຺ຫິ ນາກໂຣໂຕ ກຣິຍຕິ. ຜຸສນ຺ຕຎ຺ຈ ຕໂຕ ຜຸເສຕິ ກມ຺ມໍ ຜຸສນ຺ຕໍ ວິປາໂກ ຜຸສຕິ, ກມ຺ມເມວ ວາ ຜຸສຕິ. ກມ຺ມຎ຺ຫິ ກໂຣໂຕ ກຣິຍຕິ. ຕສ຺ມາ ຜຸສນ຺ຕໍ ຜຸສຕິ, ອປ຺ປທຸຏ຺ຐປໂທສິນນ຺ຕິ ຍສ຺ມາ ນ ອຜຸສນ຺ຕໍ ຜຸສຕິ, ຜຸສນ຺ຕຎ຺ຈ ຜຸສຕິ, ອຍໍ ກມ຺ມວິປາການໍ ຘມ຺ມຕາ, ຕສ຺ມາ ໂຍ ‘‘ອປ຺ປທຸຏ຺ຐສ຺ສ ນຣສ຺ສ ທຸສ຺ສຕິ, ສຸທ຺ຘສ຺ສ ໂປສສ຺ສ ອນງ຺ຄຓສ຺ສາ’’ຕິ ເອວໍ ວຸຕ຺ໂຕ ອປ຺ປທຸຏ຺ຐປໂທສີ ປຸຄ຺ຄໂລ, ຕໍ ປຸຄ຺ຄລໍ ກມ຺ມໍ ຜຸສນ຺ຕເມວ ກມ຺ມໍ ຜຸສຕິ, ວິປາໂກ ວາ ຜຸສຕິ. ໂສ ຫິ ປຣສ຺ສ ອຸປຆາຕໍ ກາຕຸໍ ສກ຺ໂກຕິ ວາ ມາ ວາ, ອຕ຺ຕາ ປນາເນນ ຈຕູສຸ ອປາເຍສຸ ຐປິໂຕ ນາມ ໂຫຕິ. ເຕນາຫ ຠຄວາ – ‘‘ຕເມວ ພາລໍ ປຈ຺ເຈຕິ ປາປໍ, ສຸຂຸໂມ ຣໂຊ ປຏິວາຕໍວ ຂິຕ຺ໂຕ’’ຕິ. ທຸຕິຍໍ.