໗. ອາວຏ຺ຏຫາຣສມ຺ປາຕວຓ຺ຓນາ

໖໙. ເນກ຺ຂມ຺ມສງ຺ກປ຺ປພຫຸໂລ ກສິຓວເສນ ເມຕ຺ຕາທິວເສນ ວາ ລທ຺ຘາຍ ຈິຕ຺ເຕກຄ຺ຄຕາສງ຺ຂາຕາຍ ຈິຕ຺ຕມຎ຺ຊູສາຍ ຈິຕ຺ຕໍ ຐເປຕ຺ວາ ສມາຘິໍເຍວ ວາ ຍຖາລທ຺ຘໍ ສໍກິເລສໂຕ ຣກ຺ຂິຕຈິຕ຺ໂຕ ນາມ ໂຫຕີຕິ ວຸຕ຺ຕໍ – ‘‘ຕສ຺ມາ ຣກ຺ຂິຕຈິຕ຺ຕສ຺ສ ສມ຺ມາສງ຺ກປ຺ປໂຄຈໂຣຕິ ອຍໍ ສມໂຖ’’ຕິ. ປຎ຺ຎາປຘານາ ວິປສ຺ສນາຕິ ອາຫ – ‘‘ສມ຺ມາທິຏ຺ຐິປຸເຣກ຺ຂາໂຣຕິ ອຍໍ ວິປສ຺ສນາ’’ຕິ. ອຣິຍມຄ຺ເຄນ ທຸກ຺ຂສຈ຺ເຈ ປຣິຎ຺ຎາເຕ ອຸທຍພ຺ພຍທສ຺ສນໍ ມຕ຺ຖກປ຺ປຕ຺ຕໍ ນາມ ໂຫຕີຕິ ວຸຕ຺ຕໍ – ‘‘ຎຕ຺ວານ ອຸທຍພ຺ພຍນ຺ຕິ ທຸກ຺ຂປຣິຎ຺ຎາ’’ຕິ. ‘‘ຍໍ ກິຎ຺ຈິ ສມຸທຍຘມ຺ມໍ, ສພ຺ພໍ ຕໍ ນິໂຣຘຘມ຺ມ’’ນ຺ຕິ ຫິ ມຄ຺ຄຎາຓສ຺ສ ປວຕ຺ຕິທສ຺ສນາຕິ. ອິມານິ ຈຕ຺ຕາຣິ ສຈ຺ຈານີຕິ ຈຕຸສຈ຺ຈຘມ຺ມວເສນ ອາວຏ຺ຏນໍ ນິຏ຺ຐເປຕິ. ຕຕ຺ຖ ປຸຣິເມນ ສຈ຺ຈທ຺ວຍຏ຺ຐປເນນ ວິສຠາຄຘມ຺ມວເສນ, ປຈ຺ຉິເມນ ສຠາຄຘມ຺ມວເສນ ອາວຏ຺ຏນນ຺ຕິ ທຏ຺ຐພ຺ພໍ.

ອາວຏ຺ຏຫາຣສມ຺ປາຕວຓ຺ຓນາ ນິຏ຺ຐິຕາ.