ອຠິຊາຕິຉກ຺ກວຓ຺ຓນາ

໓໒໙. ອຠິຊາຕິໂຍຕິ ຊາຕິໂຍ. ກຓ຺ຫາຠິຊາຕິໂກ ສມາໂນຕິ ກຓ຺ເຫ ນີຈກຸເລ ຊາໂຕ ຫຸຕ຺ວາ. ກຓ຺ຫໍ ຘມ຺ມໍ ອຠິຊາຍຕີຕິ ກາຬກໍ ທສທຸສ຺ສີລ຺ຍຘມ຺ມໍ ປສວຕິ ກໂຣຕິ. ໂສ ຕໍ ອຠິຊາຍິຕ຺ວາ ນິຣເຍ ນິພ຺ພຕ຺ຕຕິ. ສຸກ຺ກໍ ຘມ຺ມນ຺ຕິ ອຫໍ ປຸພ຺ເພປິ ປຸຎ຺ຎານໍ ອກຕຕ຺ຕາ ນີຈກຸເລ ນິພ຺ພຕ຺ໂຕ. ອິທານິ ປຸຎ຺ຎໍ ກໂຣມີຕິ ປຸຎ຺ຎສງ຺ຂາຕໍ ປຓ຺ຑຣໍ ຘມ຺ມໍ ອຠິຊາຍຕິ. ໂສ ເຕນ ສຄ຺ເຄ ນິພ຺ພຕ຺ຕຕິ. ອກຓ຺ຫໍ ອສຸກ຺ກໍ ນິພ຺ພານນ຺ຕິ ນິພ຺ພານຎ຺ຫິ ສເຈ ກຓ຺ຫໍ ຠເວຍ຺ຍ, ກຓ຺ຫວິປາກໍ ທເທຍ຺ຍ. ສເຈ ສຸກ຺ກໍ, ສຸກ຺ກວິປາກໍ ທເທຍ຺ຍ. ທ຺ວິນ຺ນມ຺ປິ ອປ຺ປທານໂຕ ປນ ‘‘ອກຓ຺ຫໍ ອສຸກ຺ກ’’ນ຺ຕິ ວຸຕ຺ຕໍ. ນິພ຺ພານຎ຺ຈ ນາມ ອິມສ຺ມິໍ ອຕ຺ເຖ ອຣຫຕ຺ຕໍ ອຘິປ຺ເປຕໍ. ຕຎ຺ຫິ ກິເລສນິພ຺ພານນ຺ເຕ ຊາຕຕ຺ຕາ ນິພ຺ພານໍ ນາມ. ຕໍ ເອສ ອຠິຊາຍຕິ ປສວຕິ ກໂຣຕິ. ສຸກ຺ກາຠິຊາຕິໂກ ສມາໂນຕິ ສຸກ຺ເກ ອຸຈ຺ຈກຸເລ ຊາໂຕ ຫຸຕ຺ວາ. ເສສໍ ວຸຕ຺ຕນເຍເນວ ເວທິຕພ຺ພໍ.