໕. ຣູປໍ ເຫຕູຕິກຖາວຓ຺ຓນາ

໗໕໔-໗໕໖. ອິທານິ ຣູປໍ ເຫຕູຕິ ກຖານາມ ໂຫຕິ. ຕຕ຺ຖ ເຫຕູຕິ ກຸສລມູລາທິໂນ ເຫຕຸເຫຕຸສ຺ສາປິ ນາມໍ, ຍສ຺ສ ກສ຺ສຈິ ປຈ຺ຈຍສ຺ສາປິ. ອິມໍ ປນ ວິຠາຄໍ ອກຕ຺ວາ ‘‘ຈຕ຺ຕາໂຣ ມຫາຠູຕາ ເຫຕູ’’ຕິ ວຈນມຕ຺ຕໍ ນິສ຺ສາຍ ອວິເສເສເນວ ຣູປໍ ເຫຕູຕິ ເຍສໍ ລທ຺ຘິ, ເສຍ຺ຍຖາປິ ອຸຕ຺ຕຣາປຖການໍ; ເຕ ສນ຺ຘາຍ ປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສ. ອໂລໂຠ ເຫຕູຕິ ກິໍ ເຕ ຣູປໍ ອໂລຠສງ຺ຂາໂຕ ເຫຕູຕິ ປຸຈ຺ຉຕິ, ອິຕໂຣ ປຏິກ຺ຂິປຕິ. ເສເສສຸປິ ເອເສວ ນໂຍ. ມຫາຠູຕາ ອຸປາທາຍຣູປານໍ ອຸປາທາຍເຫຕູຕິ ເອຕ຺ຖ ປຈ຺ຈຍຏ຺ເຐນ ເຫຕຸຠາໂວ ວຸຕ຺ໂຕ, ນ ມູລຏ຺ເຐນ, ຕສ຺ມາ ອສາຘກນ຺ຕິ.

ຣູປໍ ເຫຕູຕິກຖາວຓ຺ຓນາ.

໗໕໗-໗໕໙. ສເຫຕຸກກຖາຍມ຺ປິ ອິມິນາວ ນເຍນ ອຕ຺ໂຖ ເວທິຕພ຺ໂພຕິ.

ຣູປໍ ສເຫຕຸກນ຺ຕິກຖາວຓ຺ຓນາ.