໕. ນິວຸຕກຖາວຓ຺ຓນາ

໖໖໕-໖໖໗. ອິທານິ ນິວຸຕກຖາ ນາມ ໂຫຕິ. ຕຕ຺ຖ ສຸທ຺ຘສ຺ສ ສຸທ຺ຘກິຈ຺ຈາຠາວໂຕ ນີວຣເຓຫິ ນິວຸໂຕ ໂອຜຸໂຏ ປຣິໂຍນທ຺ໂຘ ຈ ນີວຣຓໍ ຊຫຕີຕິ ເຍສໍ ລທ຺ຘິ, ເສຍ຺ຍຖາປິ ອຸຕ຺ຕຣາປຖການໍ; ເຕ ສນ຺ຘາຍ ນິວຸໂຕຕິປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສ. ຣຕ຺ໂຕ ຣາຄນ຺ຕິອາທິ ນິວຸຕສ຺ສ ນີວຣຓຊຫເນ ໂທສທສ຺ສນຕ຺ຖໍ ວຸຕ຺ຕໍ. ປຣິສຸທ຺ເຘ ປຣິໂຍທາເຕຕິອາທິ ວິກ຺ຂມ຺ຠນວິສຸທ຺ຘິຍາ ວິສຸທ຺ຘສ຺ສ ສມຸຈ຺ເຉທວິສຸທ຺ຘິທສ຺ສນຕ຺ຖໍ ວຸຕ຺ຕໍ. ຕສ຺ສ ເອວໍ ຊານໂຕຕິອາທິ ຊານໂຕ ປສ຺ສໂຕ ອາສວກ຺ຂຍໍ ທີເປຕິ, ນ ນິວຸຕສ຺ສ ນີວຣຓຊຫນໍ, ຕສ຺ມາ ອສາຘກນ຺ຕິ.

ນິວຸຕກຖາວຓ຺ຓນາ.