໑໐. ວິຎ຺ຎຕ຺ຕິ ສີລນ຺ຕິກຖາວຓ຺ຓນາ

໖໐໑-໖໐໒. ອິທານິ ວິຎ຺ຎຕ຺ຕິ ສີລນ຺ຕິກຖາ ນາມ ໂຫຕິ. ຕຕ຺ຖ ກາຍວິຎ຺ຎຕ຺ຕິ ກາຍກມ຺ມໍ, ວຈີວິຎ຺ຎຕ຺ຕິ ວຈີກມ຺ມນ຺ຕິ ຄຫິຕຕ຺ຕາ ‘‘ວິຎ຺ຎຕ຺ຕິ ສີລ’’ນ຺ຕິ ເຍສໍ ລທ຺ຘິ, ເສຍ຺ຍຖາປິ ມຫາສໍຆິການຎ຺ເຈວ ສມ຺ມິຕິຍານຎ຺ຈ; ເຕ ສນ຺ຘາຍ ວິຎ຺ຎຕ຺ຕີຕິ ປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສ. ອຖ ນໍ ຍສ຺ມາ ສີລໍ ນາມ ວິຣຕິ, ນ ຣູປຘມ຺ໂມ, ຕສ຺ມາ ເຕນຕ຺ເຖນ ໂຈເທຕຸໍ ປາຓາຕິປາຕາ ເວຣມຓີຕິອາທິມາຫ. ອຠິວາທນໍ ສີລນ຺ຕິອາທິ ຍຖາຣູປໍ ວິຎ຺ຎຕ຺ຕິໍ ໂສ ‘‘ສີລ’’ນ຺ຕິ ມຎ຺ຎຕິ ຕໍ ອຸທ຺ຘຣິຕ຺ວາ ທສ຺ເສຕຸໍ ວຸຕ຺ຕໍ. ຍສ຺ມາ ປນ ສາ ວິຣຕິ ນ ໂຫຕິ, ຕສ຺ມາ ປຸນ ປາຓາຕິປາຕາຕິອາທິມາຫ. ລທ຺ຘິ ປນສ຺ສ ຉເລນ ປຕິຏ຺ຐິຕຕ຺ຕາ ອປ຺ປຕິຏ຺ຐິຕາເຍວາຕິ.

ວິຎ຺ຎຕ຺ຕິ ສີລນ຺ຕິກຖາວຓ຺ຓນາ.