໑໑. ກມ຺ມເຫຕຸກຖາວຓ຺ຓນາ
໕໔໖. ອິທານິ ກມ຺ມເຫຕຸກຖາ ນາມ ໂຫຕິ. ຕຕ຺ຖ ເຍນ ອຣຫຕາ ປຸຣິມຠເວ ອຣຫາ ອພ຺ຠາຈິກ຺ຂິຕປຸພ຺ໂພ, ໂສ ຕສ຺ສ ກມ຺ມສ຺ສ ເຫຕຸ ອຣຫຕ຺ຕາ ປຣິຫາຍຕີຕິ ເຍສໍ ລທ຺ຘິ, ເສຍ຺ຍຖາປິ ປຸພ຺ພເສລິຍານຎ຺ເຈວ ສມ຺ມິຕິຍານຎ຺ຈ; ເຕ ສນ຺ຘາຍ ກມ຺ມເຫຕູຕິ ປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສ. ເສສໍ ປຣິຫານິກຖາຍໍ ວຸຕ຺ຕນຍເມວ.
ຫນ຺ທ ຫິ ອຣຫນ຺ຕານໍ ອພ຺ຠາຈິກ຺ຂຕີຕິ ອິທໍ ຍສ຺ສ ກມ຺ມສ຺ສ ເຫຕຸ ປຣິຫາຍຕິ, ຕໍ ສມ຺ປຏິຈ຺ຉາເປຕຸໍ ວທຕິ. ອຖ ນໍ ສກວາທີ ຕໍ ປກ຺ຂໍ ປຏິຊານາເປຕ຺ວາ ‘‘ຍທິ ເອວໍ ເຍຫິ ອຣຫນ຺ໂຕ ນ ອພ຺ຠາຈິກ຺ຂິຕປຸພ຺ພາ, ເຕ ສພ຺ເພ ອຣຫຕ຺ຕໍ ປາປຸເຓຍ຺ຍຸ’’ນ຺ຕິ ໂຈເທຕຸໍ ເຍ ເກຈີຕິອາທິມາຫ. ອິຕໂຣ ຕສ຺ສ ກມ຺ມສ຺ສ ອຣຫຕ຺ຕໍ ສມ຺ປາປຸຓເນ ນິຍາມໍ ອປສ຺ສນ຺ໂຕ ປຏິກ຺ຂິປຕິ.
ກມ຺ມເຫຕຸກຖາວຓ຺ຓນາ.
ອຏ຺ຐໂມ ວຄ຺ໂຄ.