໕. ນິໂຣຘສມາປຕ຺ຕິກຖາວຓ຺ຓນາ

໔໕໗-໔໕໙. ອິທານິ ນິໂຣຘສມາປຕ຺ຕິກຖາ ນາມ ໂຫຕິ. ຕຕ຺ຖ ນິໂຣຘສມາປຕ຺ຕີຕິ ຈຕຸນ຺ນໍ ຂນ຺ຘານໍ ອປ຺ປວຕ຺ຕິ. ຍສ຺ມາ ປນ ສາ ກຣິຍມານາ ກຣິຍຕິ, ສມາປຊ຺ຊິຍມານາ ສມາປຊ຺ຊິຍຕິ, ຕສ຺ມາ ນິປ຺ຜນ຺ນາຕິ ວຸຈ຺ຈຕິ. ສງ຺ຂຕາສງ຺ຂຕລກ຺ຂຓານໍ ປນ ອຠາເວນ ນ ວຕ຺ຕພ຺ພາ ‘‘ສງ຺ຂຕາຕິ ວາ ອສງ຺ຂຕາ’’ຕິ ວາ. ຕຕ຺ຖ ເຍສໍ ‘‘ຍສ຺ມາ ສງ຺ຂຕາ ນ ໂຫຕິ, ຕສ຺ມາ ອສງ຺ຂຕາ’’ຕິ ລທ຺ຘິ, ເສຍ຺ຍຖາປິ ອນ຺ຘການຎ຺ເຈວ ອຸຕ຺ຕຣາປຖການຎ຺ຈ; ເຕ ສນ຺ຘາຍ ນິໂຣຘສມາປຕ຺ຕີຕິ ປຸຈ຺ຉາ ສກວາທິສ຺ສ, ປຏິຎ຺ຎາ ອິຕຣສ຺ສ. ອຸປ຺ປາເທນ຺ຕີຕິອາທິ ສມາປຊ຺ຊນປຏິລາຠວເສເນວ ວຸຕ຺ຕໍ. ຍຖາ ປນ ຣູປາທໂຍ ອສງ຺ຂຕຘມ຺ເມ ອຸປ຺ປາເທນ຺ຕິ; ນ ຕຖາ ຕໍ ເກຈິ ອຸປ຺ປາເທນ຺ຕິ ນາມ. ນິໂຣຘາ ໂວທານໍ ວຸຏ຺ຐານນ຺ຕິ ຜລສມາປຕ຺ຕິ ເວທິຕພ຺ພາ. ອສງ຺ຂຕາ ປນ ຕໍ ນຕ຺ຖິເຍວ, ຕສ຺ມາ ປຏິກ຺ຂິປຕິ. ເຕນ ຫີຕິ ຍສ຺ມາ ສງ຺ຂຕາ ນ ໂຫຕິ, ຕສ຺ມາ ອສງ຺ຂຕາຕິ ລທ຺ຘິ. ອິທໍ ປນ ອສງ຺ຂຕຠາເວ ກາຣຓໍ ນ ໂຫຕີຕິ ວຸຕ຺ຕມ຺ປິ ອວຸຕ຺ຕສທິສເມວາຕິ.

ນິໂຣຘສມາປຕ຺ຕິກຖາວຓ຺ຓນາ.