໖. ກຏຸວິຍສຸຕ຺ຕວຓ຺ຓນາ

໑໒໙. ຉຏ຺ເຐ ໂຄໂຍຄປິລກ຺ຂສ຺ມິນ຺ຕິ ຄາວີນໍ ວິກ຺ກຍຏ຺ຐາເນ ອຸຏ຺ຐິຕປິລກ຺ຂສ຺ສ ສນ຺ຕິເກ. ຣິຕ຺ຕສ຺ສາທນ຺ຕິ ຌານສຸຂາຠາເວນ ຣິຕ຺ຕສ຺ສາທໍ. ພາຫິຣສ຺ສາທນ຺ຕິ ກາມຄຸຓສຸຂວເສນ ພາຫິຣສ຺ສາທໍ. ກຏຸວິຍນ຺ຕິ ອຸຈ຺ຉິຏ຺ຐໍ. ອາມຄນ຺ເຘນາຕິ ໂກຘສງ຺ຂາເຕນ ວິສ຺ສຄນ຺ເຘນ. ອວສ຺ສຸຕນ຺ຕິ ຕິນ຺ຕໍ. ມກ຺ຂິກາຕິ ກິເລສມກ຺ຂິກາ. ນານຸປຕິສ຺ສນ຺ຕີຕິ ອຸຏ຺ຐາຍ ນ ອນຸພນ຺ຘິສ຺ສນ຺ຕິ. ນານ຺ວາສ຺ສວິສ຺ສນ຺ຕີຕິ ອນຸພນ຺ຘິຕ຺ວາ ນ ຂາທິສ຺ສນ຺ຕິ. ສໍເວຄມາປາທີຕິ ໂສຕາປນ຺ໂນ ຊາໂຕ.

ກຏຸວິຍກໂຕຕິ ອຸຈ຺ຉິຏ຺ຐກໂຕ. ອາຣກາ ໂຫຕີຕິ ທູເຣ ໂຫຕິ. ວິຆາຕສ຺ເສວ ຠາຄວາຕິ ທຸກ຺ຂສ຺ເສວ ຠາຄີ. ຈເຣຕີຕິ ຈຣຕິ ຄຈ຺ຉຕິ. ທຸມ຺ເມໂຘຕິ ທຸປ຺ປຎ຺ໂຎ. ອິມສ຺ມິໍ ສຸຕ຺ເຕ ວຏ຺ຏເມວ ກຖິຕໍ, ຄາຖາສຸ ວຏ຺ຏວິວຏ຺ຏໍ ກຖິຕນ຺ຕິ. ສຕ຺ຕເມ ວຏ຺ຏເມວ ຠາສິຕໍ.