໔. ຣາຄເປຍ຺ຍາລໍ

໒໓໑. ຣາຄສ຺ສ, ຠິກ຺ຂເວ, ອຠິຎ຺ຎາຍາຕິ ປຎ຺ຈກາມຄຸຓິກຣາຄສ຺ສ ອຠິຊານນຕ຺ຖໍ ປຈ຺ຈກ຺ຂກຣຓຕ຺ຖໍ. ປຣິຎ຺ຎາຍາຕິ ປຣິຊານນຕ຺ຖໍ. ປຣິກ຺ຂຍາຍາຕິ ປຣິກ຺ຂຍຄມນຕ຺ຖໍ. ປຫານາຍາຕິ ປຊຫນຕ຺ຖໍ. ຂຍາຍ ວຍາຍາຕິ ຂຍວຍຄມນຕ຺ຖໍ. ວິຣາຄາຍາຕິ ວິຣຊ຺ຊນຕ຺ຖໍ. ນິໂຣຘາຍາຕິ ນິຣຸຊ຺ຌນຕ຺ຖໍ. ຈາຄາຍາຕິ ຈຊນຕ຺ຖໍ. ປຏິນິສ຺ສຄ຺ຄາຍາຕິ ປຏິນິສ຺ສຊ຺ຊນຕ຺ຖໍ.

໒໓໒-໒໔໖. ຖມ຺ຠສ຺ສາຕິ ໂກຘມານວເສນ ຖທ຺ຘຠາວສ຺ສ. ສາຣພ຺ຠສ຺ສາຕິ ກາຣຓຸຕ຺ຕຣິຍລກ຺ຂຓສ຺ສ ສາຣພ຺ຠສ຺ສ. ມານສ຺ສາຕິ ນວວິຘມານສ຺ສ. ອຕິມານສ຺ສາຕິ ອຕິກ຺ກມິຕ຺ວາ ມຎ຺ຎນມານສ຺ສ. ມທສ຺ສາຕິ ມຊ຺ຊນາກາຣມທສ຺ສ. ປມາທສ຺ສາຕິ ສຕິວິປ຺ປວາສສ຺ສ, ປຎ຺ຈສຸ ກາມຄຸເຓສຸ ຈິຕ຺ຕໂວສ຺ສຄ຺ຄສ຺ສ. ເສສໍ ສພ຺ພຕ຺ຖ ອຸຕ຺ຕານຕ຺ຖເມວາຕິ.

ຣາຄເປຍ຺ຍາລໍ ນິຏ຺ຐິຕໍ.