໔. ປຣິຍາປນ຺ນາປຣິຍາປນ຺ນໍ

໑໐໐໕. ປຎ຺ຈນ຺ນໍ ຂນ຺ຘານໍ ກຕິ ປຣິຍາປນ຺ນາ, ກຕິ ອປຣິຍາປນ຺ນາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ປຣິຍາປນ຺ນາ, ກຕິ ອປຣິຍາປນ຺ນາ?

໑໐໐໖. ຣູປກ຺ຂນ຺ໂຘ ປຣິຍາປນ຺ໂນ; ຈຕ຺ຕາໂຣ ຂນ຺ຘາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ທສາຍຕນາ ປຣິຍາປນ຺ນາ; ທ຺ເວ ອາຍຕນາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ໂສຬສ ຘາຕຸໂຍ ປຣິຍາປນ຺ນາ; ທ຺ເວ ຘາຕຸໂຍ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ທ຺ເວ ສຈ຺ຈາ ປຣິຍາປນ຺ນາ; ທ຺ເວ ສຈ຺ຈາ ອປຣິຍາປນ຺ນາ.

ທສິນ຺ທ຺ຣິຍາ ປຣິຍາປນ຺ນາ, ຕີຓິນ຺ທ຺ຣິຍາ ອປຣິຍາປນ຺ນາ; ນວິນ຺ທ຺ຣິຍາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ຕໂຍ ອກຸສລເຫຕູ ປຣິຍາປນ຺ນາ; ຉ ເຫຕູ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ກພຬີກາໂຣ ອາຫາໂຣ ປຣິຍາປນ຺ໂນ; ຕໂຍ ອາຫາຣາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ຉ ຜສ຺ສາ ປຣິຍາປນ຺ນາ; ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ປຣິຍາປນ຺ໂນ, ສິຍາ ອປຣິຍາປນ຺ໂນ.

ຉ ເວທນາ…ເປ… ຉ ສຎ຺ຎາ… ຉ ເຈຕນາ… ຉ ຈິຕ຺ຕາ ປຣິຍາປນ຺ນາ; ມໂນວິຎ຺ຎາຓຘາຕຸ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.