໑໘. ຘມ຺ມຫທຍວິຠງ຺ໂຄ

໑. ສພ຺ພສງ຺ຄາຫິກວາໂຣ

໙໗໘. ກຕິ ຂນ຺ຘາ, ກຕິ ອາຍຕນານິ, ກຕິ ຘາຕຸໂຍ, ກຕິ ສຈ຺ຈານິ, ກຕິ ອິນ຺ທ຺ຣິຍານິ, ກຕິ ເຫຕູ, ກຕິ ອາຫາຣາ, ກຕິ ຜສ຺ສາ, ກຕິ ເວທນາ, ກຕິ ສຎ຺ຎາ, ກຕິ ເຈຕນາ, ກຕິ ຈິຕ຺ຕານິ?

ປຎ຺ຈກ຺ຂນ຺ຘາ, ທ຺ວາທສາຍຕນານິ, ອຏ຺ຐາຣສ ຘາຕຸໂຍ, ຈຕ຺ຕາຣິ ສຈ຺ຈານິ, ພາວີສຕິນ຺ທ຺ຣິຍານິ, ນວ ເຫຕູ, ຈຕ຺ຕາໂຣ ອາຫາຣາ, ສຕ຺ຕ ຜສ຺ສາ, ສຕ຺ຕ ເວທນາ, ສຕ຺ຕ ສຎ຺ຎາ, ສຕ຺ຕ ເຈຕນາ, ສຕ຺ຕ ຈິຕ຺ຕານິ.

໙໗໙. ຕຕ຺ຖ ກຕເມ ປຎ຺ຈກ຺ຂນ຺ຘາ? ຣູປກ຺ຂນ຺ໂຘ, ເວທນາກ຺ຂນ຺ໂຘ, ສຎ຺ຎາກ຺ຂນ຺ໂຘ, ສງ຺ຂາຣກ຺ຂນ຺ໂຘ, ວິຎ຺ຎາຓກ຺ຂນ຺ໂຘ – ອິເມ ວຸຈ຺ຈນ຺ຕິ ‘‘ປຎ຺ຈກ຺ຂນ຺ຘາ’’.

໙໘໐. ຕຕ຺ຖ ກຕມານິ ທ຺ວາທສາຍຕນານິ? ຈກ຺ຂາຍຕນໍ, ຣູປາຍຕນໍ, ໂສຕາຍຕນໍ, ສທ຺ທາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ – ອິມານິ ວຸຈ຺ຈນ຺ຕິ ‘‘ທ຺ວາທສາຍຕນານິ’’.

໙໘໑. ຕຕ຺ຖ ກຕມາ ອຏ຺ຐາຣສ ຘາຕຸໂຍ? ຈກ຺ຂຸຘາຕຸ, ຣູປຘາຕຸ, ຈກ຺ຂຸວິຎ຺ຎາຓຘາຕຸ, ໂສຕຘາຕຸ, ສທ຺ທຘາຕຸ, ໂສຕວິຎ຺ຎາຓຘາຕຸ, ຆານຘາຕຸ, ຄນ຺ຘຘາຕຸ, ຆານວິຎ຺ຎາຓຘາຕຸ, ຊິວ຺ຫາຘາຕຸ, ຣສຘາຕຸ, ຊິວ຺ຫາວິຎ຺ຎາຓຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ກາຍວິຎ຺ຎາຓຘາຕຸ, ມໂນຘາຕຸ, ຘມ຺ມຘາຕຸ, ມໂນວິຎ຺ຎາຓຘາຕຸ – ອິມາ ວຸຈ຺ຈນ຺ຕິ ‘‘ອຏ຺ຐາຣສ ຘາຕຸໂຍ’’.

໙໘໒. ຕຕ຺ຖ ກຕມານິ ຈຕ຺ຕາຣິ ສຈ຺ຈານິ? ທຸກ຺ຂສຈ຺ຈໍ, ສມຸທຍສຈ຺ຈໍ, ນິໂຣຘສຈ຺ຈໍ, ມຄ຺ຄສຈ຺ຈໍ – ອິມານິ ວຸຈ຺ຈນ຺ຕິ ‘‘ຈຕ຺ຕາຣິ ສຈ຺ຈານິ’’.

໙໘໓. ຕຕ຺ຖ ກຕມານິ ພາວີສຕິນ຺ທ຺ຣິຍານິ? ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ, ປຸຣິສິນ຺ທ຺ຣິຍໍ, ຊີວິຕິນ຺ທ຺ຣິຍໍ, ສຸຂິນ຺ທ຺ຣິຍໍ, ທຸກ຺ຂິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ, ໂທມນສ຺ສິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ, ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ, ອຎ຺ຎິນ຺ທ຺ຣິຍໍ, ອຎ຺ຎາຕາວິນ຺ທ຺ຣິຍໍ – ອິມານິ ວຸຈ຺ຈນ຺ຕິ ‘‘ພາວີສຕິນ຺ທ຺ຣິຍານິ’’.

໙໘໔. ຕຕ຺ຖ ກຕເມ ນວ ເຫຕູ? ຕໂຍ ກຸສລເຫຕູ, ຕໂຍ ອກຸສລເຫຕູ, ຕໂຍ ອພ຺ຍາກຕເຫຕູ.

ຕຕ຺ຖ ກຕເມ ຕໂຍ ກຸສລເຫຕູ? ອໂລໂຠ ກຸສລເຫຕຸ, ອໂທໂສ ກຸສລເຫຕຸ, ອໂມໂຫ ກຸສລເຫຕຸ – ອິເມ ຕໂຍ ກຸສລເຫຕູ.

ຕຕ຺ຖ ກຕເມ ຕໂຍ ອກຸສລເຫຕູ? ໂລໂຠ ອກຸສລເຫຕຸ, ໂທໂສ ອກຸສລເຫຕຸ, ໂມໂຫ ອກຸສລເຫຕຸ – ອິເມ ຕໂຍ ອກຸສລເຫຕູ.

ຕຕ຺ຖ ກຕເມ ຕໂຍ ອພ຺ຍາກຕເຫຕູ? ກຸສລານໍ ວາ ຘມ຺ມານໍ ວິປາກໂຕ ກິຣິຍາພ຺ຍາກເຕສຸ ວາ ຘມ຺ເມສຸ ອໂລໂຠ, ອໂທໂສ, ອໂມໂຫ – ອິເມ ຕໂຍ ອພ຺ຍາກຕເຫຕູ. ອິເມ ວຸຈ຺ຈນ຺ຕິ ‘‘ນວ ເຫຕູ’’.

໙໘໕. ຕຕ຺ຖ ກຕເມ ຈຕ຺ຕາໂຣ ອາຫາຣາ? ກພຬີກາຣາຫາໂຣ [ກພຬິໍກາໂຣ ອາຫາໂຣ (ສີ. ສ຺ຍາ.)], ຜສ຺ສາຫາໂຣ, ມໂນສຎ຺ເຈຕນາຫາໂຣ, ວິຎ຺ຎາຓາຫາໂຣ – ອິເມ ວຸຈ຺ຈນ຺ຕິ ‘‘ຈຕ຺ຕາໂຣ ອາຫາຣາ’’.

໙໘໖. ຕຕ຺ຖ ກຕເມ ສຕ຺ຕ ຜສ຺ສາ? ຈກ຺ຂຸສມ຺ຜສ຺ໂສ, ໂສຕສມ຺ຜສ຺ໂສ, ຆານສມ຺ຜສ຺ໂສ, ຊິວ຺ຫາສມ຺ຜສ຺ໂສ, ກາຍສມ຺ຜສ຺ໂສ, ມໂນຘາຕຸສມ຺ຜສ຺ໂສ, ມໂນວິຎ຺ຎາຓຘາຕຸສມ຺ຜສ຺ໂສ – ອິເມ ວຸຈ຺ຈນ຺ຕິ ‘‘ສຕ຺ຕ ຜສ຺ສາ’’.

໙໘໗. ຕຕ຺ຖ ກຕມາ ສຕ຺ຕ ເວທນາ? ຈກ຺ຂຸສມ຺ຜສ຺ສຊາ ເວທນາ, ໂສຕສມ຺ຜສ຺ສຊາ ເວທນາ, ຆານສມ຺ຜສ຺ສຊາ ເວທນາ, ຊິວ຺ຫາສມ຺ຜສ຺ສຊາ ເວທນາ, ກາຍສມ຺ຜສ຺ສຊາ ເວທນາ, ມໂນຘາຕຸສມ຺ຜສ຺ສຊາ ເວທນາ, ມໂນວິຎ຺ຎາຓຘາຕຸສມ຺ຜສ຺ສຊາ ເວທນາ – ອິມາ ວຸຈ຺ຈນ຺ຕິ ‘‘ສຕ຺ຕ ເວທນາ’’.

໙໘໘. ຕຕ຺ຖ ກຕມາ ສຕ຺ຕ ສຎ຺ຎາ? ຈກ຺ຂຸສມ຺ຜສ຺ສຊາ ສຎ຺ຎາ, ໂສຕສມ຺ຜສ຺ສຊາ ສຎ຺ຎາ, ຆານສມ຺ຜສ຺ສຊາ ສຎ຺ຎາ, ຊິວ຺ຫາສມ຺ຜສ຺ສຊາ ສຎ຺ຎາ, ກາຍສມ຺ຜສ຺ສຊາ ສຎ຺ຎາ, ມໂນຘາຕຸສມ຺ຜສ຺ສຊາ ສຎ຺ຎາ, ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ – ອິມາ ວຸຈ຺ຈນ຺ຕິ ‘‘ສຕ຺ຕ ສຎ຺ຎາ’’.

໙໘໙. ຕຕ຺ຖ ກຕມາ ສຕ຺ຕ ເຈຕນາ? ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນຘາຕຸສມ຺ຜສ຺ສຊາ ເຈຕນາ, ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ – ອິມາ ວຸຈ຺ຈນ຺ຕິ ‘‘ສຕ຺ຕ ເຈຕນາ’’.

໙໙໐. ຕຕ຺ຖ ກຕມານິ ສຕ຺ຕ ຈິຕ຺ຕານິ? ຈກ຺ຂຸວິຎ຺ຎາຓໍ, ໂສຕວິຎ຺ຎາຓໍ, ຆານວິຎ຺ຎາຓໍ, ຊິວ຺ຫາວິຎ຺ຎາຓໍ, ກາຍວິຎ຺ຎາຓໍ, ມໂນຘາຕຸ, ມໂນວິຎ຺ຎາຓຘາຕຸ – ອິມານິ ວຸຈ຺ຈນ຺ຕິ ‘‘ສຕ຺ຕ ຈິຕ຺ຕານິ’’.

໒. ອຸປ຺ປຕ຺ຕານຸປ຺ປຕ຺ຕິວາໂຣ

໑. ກາມຘາຕຸ

໙໙໑. ກາມຘາຕຸຍາ ກຕິ ຂນ຺ຘາ, ກຕິ ອາຍຕນານິ, ກຕິ ຘາຕຸໂຍ, ກຕິ ສຈ຺ຈານິ, ກຕິ ອິນ຺ທ຺ຣິຍານິ, ກຕິ ເຫຕູ, ກຕິ ອາຫາຣາ, ກຕິ ຜສ຺ສາ, ກຕິ ເວທນາ, ກຕິ ສຎ຺ຎາ, ກຕິ ເຈຕນາ, ກຕິ ຈິຕ຺ຕານິ?

ກາມຘາຕຸຍາ ປຎ຺ຈກ຺ຂນ຺ຘາ, ທ຺ວາທສາຍຕນານິ, ອຏ຺ຐາຣສ ຘາຕຸໂຍ, ຕີຓິ ສຈ຺ຈານິ, ພາວີສຕິນ຺ທ຺ຣິຍານິ, ນວ ເຫຕູ, ຈຕ຺ຕາໂຣ ອາຫາຣາ, ສຕ຺ຕ ຜສ຺ສາ, ສຕ຺ຕ ເວທນາ, ສຕ຺ຕ ສຎ຺ຎາ, ສຕ຺ຕ ເຈຕນາ, ສຕ຺ຕ ຈິຕ຺ຕານິ.

໙໙໒. ຕຕ຺ຖ ກຕເມ ກາມຘາຕຸຍາ ປຎ຺ຈກ຺ຂນ຺ຘາ? ຣູປກ຺ຂນ຺ໂຘ, ເວທນາກ຺ຂນ຺ໂຘ, ສຎ຺ຎາກ຺ຂນ຺ໂຘ, ສງ຺ຂາຣກ຺ຂນ຺ໂຘ, ວິຎ຺ຎາຓກ຺ຂນ຺ໂຘ – ອິເມ ວຸຈ຺ຈນ຺ຕິ ‘‘ກາມຘາຕຸຍາ ປຎ຺ຈກ຺ຂນ຺ຘາ’’.

ຕຕ຺ຖ ກຕມານິ ກາມຘາຕຸຍາ ທ຺ວາທສາຍຕນານິ? ຈກ຺ຂາຍຕນໍ, ຣູປາຍຕນໍ, ໂສຕາຍຕນໍ, ສທ຺ທາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ – ອິມານິ ວຸຈ຺ຈນ຺ຕິ ‘‘ກາມຘາຕຸຍາ ທ຺ວາທສາຍຕນານິ’’.

ຕຕ຺ຖ ກຕມາ ກາມຘາຕຸຍາ ອຏ຺ຐາຣສ ຘາຕຸໂຍ? ຈກ຺ຂຸຘາຕຸ, ຣູປຘາຕຸ, ຈກ຺ຂຸວິຎ຺ຎາຓຘາຕຸ, ໂສຕຘາຕຸ, ສທ຺ທຘາຕຸ, ໂສຕວິຎ຺ຎາຓຘາຕຸ, ຆານຘາຕຸ, ຄນ຺ຘຘາຕຸ, ຆານວິຎ຺ຎາຓຘາຕຸ, ຊິວ຺ຫາຘາຕຸ, ຣສຘາຕຸ, ຊິວ຺ຫາວິຎ຺ຎາຓຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ກາຍວິຎ຺ຎາຓຘາຕຸ, ມໂນຘາຕຸ, ຘມ຺ມຘາຕຸ, ມໂນວິຎ຺ຎາຓຘາຕຸ – ອິມາ ວຸຈ຺ຈນ຺ຕິ ‘‘ກາມຘາຕຸຍາ ອຏ຺ຐາຣສ ຘາຕຸໂຍ’’.

ຕຕ຺ຖ ກຕມານິ ກາມຘາຕຸຍາ ຕີຓິ ສຈ຺ຈານິ? ທຸກ຺ຂສຈ຺ຈໍ, ສມຸທຍສຈ຺ຈໍ, ມຄ຺ຄສຈ຺ຈໍ – ອິມານິ ວຸຈ຺ຈນ຺ຕິ ‘‘ກາມຘາຕຸຍາ ຕີຓິ ສຈ຺ຈານິ’’.

ຕຕ຺ຖ ກຕມານິ ກາມຘາຕຸຍາ ພາວີສຕິນ຺ທ຺ຣິຍານິ? ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ…ເປ… ອຎ຺ຎາຕາວິນ຺ທ຺ຣິຍໍ – ອິມານິ ວຸຈ຺ຈນ຺ຕິ ‘‘ກາມຘາຕຸຍາ ພາວີສຕິນ຺ທ຺ຣິຍານິ’’.

ຕຕ຺ຖ ກຕເມ ກາມຘາຕຸຍາ ນວ ເຫຕູ? ຕໂຍ ກຸສລເຫຕູ, ຕໂຍ ອກຸສລເຫຕູ, ຕໂຍ ອພ຺ຍາກຕເຫຕູ…ເປ… ອິເມ ວຸຈ຺ຈນ຺ຕິ ‘‘ກາມຘາຕຸຍາ ນວ ເຫຕູ’’.

ຕຕ຺ຖ ກຕເມ ກາມຘາຕຸຍາ ຈຕ຺ຕາໂຣ ອາຫາຣາ? ກພຬີກາຣາຫາໂຣ, ຜສ຺ສາຫາໂຣ, ມໂນສຎ຺ເຈຕນາຫາໂຣ, ວິຎ຺ຎາຓາຫາໂຣ – ອິເມ ວຸຈ຺ຈນ຺ຕິ ‘‘ກາມຘາຕຸຍາ ຈຕ຺ຕາໂຣ ອາຫາຣາ’’.

ຕຕ຺ຖ ກຕເມ ກາມຘາຕຸຍາ ສຕ຺ຕ ຜສ຺ສາ? ຈກ຺ຂຸສມ຺ຜສ຺ໂສ ໂສຕສມ຺ຜສ຺ໂສ, ຆານສມ຺ຜສ຺ໂສ, ຊິວ຺ຫາສມ຺ຜສ຺ໂສ, ກາຍສມ຺ຜສ຺ໂສ, ມໂນຘາຕຸສມ຺ຜສ຺ໂສ, ມໂນວິຎ຺ຎາຓຘາຕຸສມ຺ຜສ຺ໂສ – ອິເມ ວຸຈ຺ຈນ຺ຕິ ‘‘ກາມຘາຕຸຍາ ສຕ຺ຕ ຜສ຺ສາ’’.

ຕຕ຺ຖ ກຕມາ ກາມຘາຕຸຍາ ສຕ຺ຕ ເວທນາ? ຈກ຺ຂຸສມ຺ຜສ຺ສຊາ ເວທນາ, ໂສຕສມ຺ຜສ຺ສຊາ ເວທນາ, ຆານສມ຺ຜສ຺ສຊາ ເວທນາ, ຊິວ຺ຫາສມ຺ຜສ຺ສຊາ ເວທນາ, ກາຍສມ຺ຜສ຺ສຊາ ເວທນາ, ມໂນຘາຕຸສມ຺ຜສ຺ສຊາ ເວທນາ, ມໂນວິຎ຺ຎາຓຘາຕຸສມ຺ຜສ຺ສຊາ ເວທນາ – ອິມາ ວຸຈ຺ຈຕ຺ຕິ ‘‘ກາມຘາຕຸຍາ ສຕ຺ຕ ເວທນາ’’.

ຕຕ຺ຖ ກຕມາ ກາມຘາຕຸຍາ ສຕ຺ຕ ສຎ຺ຎາ? ຈກ຺ຂຸສມ຺ຜສ຺ສຊາ ສຎ຺ຎາ, ໂສຕສມ຺ຜສ຺ສຊາ ສຎ຺ຎາ, ຆານສມ຺ຜສ຺ສຊາ ສຎ຺ຎາ, ຊິວ຺ຫາສມ຺ຜສ຺ສຊາ ສຎ຺ຎາ, ກາຍສມ຺ຜສ຺ສຊາ ສຎ຺ຎາ, ມໂນຘາຕຸສມ຺ຜສ຺ສຊາ ສຎ຺ຎາ, ມໂນວິຎ຺ຎາຓຘາຕຸສມ຺ຜສ຺ສຊາ ສຎ຺ຎາ – ອິມາ ວຸຈ຺ຈນ຺ຕິ ‘‘ກາມຘາຕຸຍາ ສຕ຺ຕ ສຎ຺ຎາ’’.

ຕຕ຺ຖ ກຕມາ ກາມຘາຕຸຍາ ສຕ຺ຕ ເຈຕນາ? ຈກ຺ຂຸສມ຺ຜສ຺ສຊາ ເຈຕນາ, ໂສຕສມ຺ຜສ຺ສຊາ ເຈຕນາ, ຆານສມ຺ຜສ຺ສຊາ ເຈຕນາ, ຊິວ຺ຫາສມ຺ຜສ຺ສຊາ ເຈຕນາ, ກາຍສມ຺ຜສ຺ສຊາ ເຈຕນາ, ມໂນຘາຕຸສມ຺ຜສ຺ສຊາ ເຈຕນາ, ມໂນວິຎ຺ຎາຓຘາຕຸສມ຺ຜສ຺ສຊາ ເຈຕນາ – ອິມາ ວຸຈ຺ຈນ຺ຕິ ‘‘ກາມຘາຕຸຍາ ສຕ຺ຕ ເຈຕນາ’’.

ຕຕ຺ຖ ກຕມານິ ກາມຘາຕຸຍາ ສຕ຺ຕ ຈິຕ຺ຕານິ? ຈກ຺ຂຸວິຎ຺ຎາຓໍ, ໂສຕວິຎ຺ຎາຓໍ, ຆານວິຎ຺ຎາຓໍ, ຊິວ຺ຫາວິຎ຺ຎາຓໍ, ກາຍວິຎ຺ຎາຓໍ, ມໂນຘາຕຸ, ມໂນວິຎ຺ຎາຓຘາຕຸ – ອິມານິ ວຸຈ຺ຈນ຺ຕິ ‘‘ກາມຘາຕຸຍາ ສຕ຺ຕ ຈິຕ຺ຕານິ’’.

໒. ຣູປຘາຕຸ

໙໙໓. ຣູປຘາຕຸຍາ ກຕິ ຂນ຺ຘາ, ກຕິ ອາຍຕນາ, ກຕິ ຘາຕຸໂຍ, ກຕິ ສຈ຺ຈານິ, ກຕິ ອິນ຺ທ຺ຣິຍານິ…ເປ… ກຕິ ຈິຕ຺ຕານິ?

ຣູປຘາຕຸຍາ ປຎ຺ຈກ຺ຂນ຺ຘາ, ຉ ອາຍຕນານິ, ນວ ຘາຕຸໂຍ, ຕີຓິ ສຈ຺ຈານິ, ຈຸທ຺ທສິນ຺ທ຺ຣິຍານິ, ອຏ຺ຐ ເຫຕູ, ຕໂຍ ອາຫາຣາ, ຈຕ຺ຕາໂຣ ຜສ຺ສາ, ຈຕສ຺ໂສ ເວທນາ, ຈຕສ຺ໂສ ສຎ຺ຎາ, ຈຕສ຺ໂສ ເຈຕນາ, ຈຕ຺ຕາຣິ ຈິຕ຺ຕານິ.

໙໙໔. ຕຕ຺ຖ ກຕເມ ຣູປຘາຕຸຍາ ປຎ຺ຈກ຺ຂນ຺ຘາ? ຣູປກ຺ຂນ຺ໂຘ, ເວທນາກ຺ຂນ຺ໂຘ, ສຎ຺ຎາກ຺ຂນ຺ໂຘ, ສງ຺ຂາຣກ຺ຂນ຺ໂຘ, ວິຎ຺ຎາຓກ຺ຂນ຺ໂຘ – ອິເມ ວຸຈ຺ຈນ຺ຕິ ‘‘ຣູປຘາຕຸຍາ ປຎ຺ຈກ຺ຂນ຺ຘາ’’.

ຕຕ຺ຖ ກຕມານິ ຣູປຘາຕຸຍາ ຉ ອາຍຕນານິ? ຈກ຺ຂາຍຕນໍ, ຣູປາຍຕນໍ, ໂສຕາຍຕນໍ, ສທ຺ທາຍຕນໍ, ມນາຍຕນໍ, ຘມ຺ມາຍຕນໍ – ອິມານິ ວຸຈ຺ຈນ຺ຕິ ‘‘ຣູປຘາຕຸຍາ ຉ ອາຍຕນານິ’’.

ຕຕ຺ຖ ກຕມາ ຣູປຘາຕຸຍາ ນວ ຘາຕຸໂຍ? ຈກ຺ຂຸຘາຕຸ, ຣູປຘາຕຸ, ຈກ຺ຂຸວິຎ຺ຎາຓຘາຕຸ, ໂສຕຘາຕຸ, ສທ຺ທຘາຕຸ, ໂສຕວິຎ຺ຎາຓຘາຕຸ, ມໂນຘາຕຸ, ຘມ຺ມຘາຕຸ, ມໂນວິຎ຺ຎາຓຘາຕຸ – ອິມາ ວຸຈ຺ຈນ຺ຕິ ‘‘ຣູປຘາຕຸຍາ ນວ ຘາຕຸໂຍ’’.

ຕຕ຺ຖ ກຕມານິ ຣູປຘາຕຸຍາ ຕີຓິ ສຈ຺ຈານິ? ທຸກ຺ຂສຈ຺ຈໍ, ສມຸທຍສຈ຺ຈໍ, ມຄ຺ຄສຈ຺ຈໍ – ອິມານິ ວຸຈ຺ຈນ຺ຕິ ‘‘ຣູປຘາຕຸຍາ ຕີຓິ ສຈ຺ຈານິ’’.

ຕຕ຺ຖ ກຕມານິ ຣູປຘາຕຸຍາ ຈຸທ຺ທສິນ຺ທ຺ຣິຍານິ? ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ມນິນ຺ທ຺ຣິຍໍ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ, ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ, ອຎ຺ຎິນ຺ທ຺ຣິຍໍ, ອຎ຺ຎາຕາວິນ຺ທ຺ຣິຍໍ – ອິມານິ ວຸຈ຺ຈນ຺ຕິ ‘‘ຣູປຘາຕຸຍາ ຈຸທ຺ທສິນ຺ທ຺ຣິຍານິ’’.

ຕຕ຺ຖ ກຕເມ ຣູປຘາຕຸຍາ ອຏ຺ຐ ເຫຕູ? ຕໂຍ ກຸສລເຫຕູ, ທ຺ເວ ອກຸສລເຫຕູ, ຕໂຍ ອພ຺ຍາກຕເຫຕູ.

ຕຕ຺ຖ ກຕເມ ທ຺ເວ ອກຸສລເຫຕູ? ໂລໂຠ ອກຸສລເຫຕຸ, ໂມໂຫ ອກຸສລເຫຕຸ – ອິເມ ທ຺ເວ ອກຸສລເຫຕູ.

ຕຕ຺ຖ ກຕເມ ຕໂຍ ອພ຺ຍາກຕເຫຕູ? ກຸສລານໍ ວາ ຘມ຺ມານໍ ວິປາກໂຕ ກິຣິຍາພ຺ຍາກເຕສຸ ວາ ຘມ຺ເມສຸ ອໂລໂຠ, ອໂທໂສ, ອໂມໂຫ – ອິເມ ຕໂຍ ອພ຺ຍາກຕເຫຕູ. ອິເມ ວຸຈ຺ຈນ຺ຕິ ຣູປຘາຕຸຍາ ອຏ຺ຐ ເຫຕູ.

ຕຕ຺ຖ ກຕເມ ຣູປຘາຕຸຍາ ຕໂຍ ອາຫາຣາ? ຜສ຺ສາຫາໂຣ, ມໂນສຎ຺ເຈຕນາຫາໂຣ, ວິຎ຺ຎາຓາຫາໂຣ – ອິເມ ວຸຈ຺ຈນ຺ຕິ ‘‘ຣູປຘາຕຸຍາ ຕໂຍ ອາຫາຣາ’’.

ຕຕ຺ຖ ກຕເມ ຣູປຘາຕຸຍາ ຈຕ຺ຕາໂຣ ຜສ຺ສາ? ຈກ຺ຂຸສມ຺ຜສ຺ໂສ, ໂສຕສມ຺ຜສ຺ໂສ, ມໂນຘາຕຸສມ຺ຜສ຺ໂສ, ມໂນວິຎ຺ຎາຓຘາຕຸສມ຺ຜສ຺ໂສ – ອິເມ ວຸຈ຺ຈນ຺ຕິ ‘‘ຣູປຘາຕຸຍາ ຈຕ຺ຕາໂຣ ຜສ຺ສາ’’.

ຕຕ຺ຖ ກຕມາ ຣູປຘາຕຸຍາ ຈຕສ຺ໂສ ເວທນາ…ເປ… ຈຕສ຺ໂສ ສຎ຺ຎາ…ເປ… ຈຕສ຺ໂສ ເຈຕນາ…ເປ… ຈຕ຺ຕາຣິ ຈິຕ຺ຕານິ? ຈກ຺ຂຸວິຎ຺ຎາຓໍ, ໂສຕວິຎ຺ຎາຓໍ, ມໂນຘາຕຸ, ມໂນວິຎ຺ຎາຓຘາຕຸ – ອິມານິ ວຸຈ຺ຈນ຺ຕິ ‘‘ຣູປຘາຕຸຍາ ຈຕ຺ຕາຣິ ຈິຕ຺ຕານິ’’.

໓. ອຣູປຘາຕຸ

໙໙໕. ອຣູປຘາຕຸຍາ ກຕິ ຂນ຺ຘາ…ເປ… ກຕິ ຈິຕ຺ຕານິ?

ອຣູປຘາຕຸຍາ ຈຕ຺ຕາໂຣ ຂນ຺ຘາ, ທ຺ເວ ອາຍຕນານິ, ທ຺ເວ ຘາຕຸໂຍ, ຕີຓິ ສຈ຺ຈານິ, ເອກາທສິນ຺ທ຺ຣິຍານິ, ອຏ຺ຐ ເຫຕູ, ຕໂຍ ອາຫາຣາ, ເອໂກ ຜສ຺ໂສ, ເອກາ ເວທນາ, ເອກາ ສຎ຺ຎາ, ເອກາ ເຈຕນາ, ເອກໍ ຈິຕ຺ຕໍ.

໙໙໖. ຕຕ຺ຖ ກຕເມ ອຣູປຘາຕຸຍາ ຈຕ຺ຕາໂຣ ຂນ຺ຘາ? ເວທນາກ຺ຂນ຺ໂຘ, ສຎ຺ຎາກ຺ຂນ຺ໂຘ, ສງ຺ຂາຣກ຺ຂນ຺ໂຘ, ວິຎ຺ຎາຓກ຺ຂນ຺ໂຘ – ອິເມ ວຸຈ຺ຈນ຺ຕິ ‘‘ອຣູປຘາຕຸຍາ ຈຕ຺ຕາໂຣ ຂນ຺ຘາ’’.

ຕຕ຺ຖ ກຕມານິ ອຣູປຘາຕຸຍາ ທ຺ເວ ອາຍຕນານິ? ມນາຍຕນໍ, ຘມ຺ມາຍຕນໍ – ອິມານິ ວຸຈ຺ຈນ຺ຕິ ‘‘ອຣູປຘາຕຸຍາ ທ຺ເວ ອາຍຕນານິ’’.

ຕຕ຺ຖ ກຕມາ ອຣູປຘາຕຸຍາ ທ຺ເວ ຘາຕຸໂຍ? ມໂນວິຎ຺ຎາຓຘາຕຸ, ຘມ຺ມຘາຕຸ – ອິມາ ວຸຈ຺ຈນ຺ຕິ ‘‘ອຣູປຘາຕຸຍາ ທ຺ເວ ຘາຕຸໂຍ’’.

ຕຕ຺ຖ ກຕມານິ ອຣູປຘາຕຸຍາ ຕີຓິ ສຈ຺ຈານິ? ທຸກ຺ຂສຈ຺ຈໍ, ສມຸທຍສຈ຺ຈໍ, ມຄ຺ຄສຈ຺ຈໍ – ອິມານິ ວຸຈ຺ຈນ຺ຕິ ‘‘ອຣູປຘາຕຸຍາ ຕີຓິ ສຈ຺ຈານິ’’.

ຕຕ຺ຖ ກຕມານິ ອຣູປຘາຕຸຍາ ເອກາທສິນ຺ທ຺ຣິຍານິ? ມນິນ຺ທ຺ຣິຍໍ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ, ອຎ຺ຎິນ຺ທ຺ຣິຍໍ, ອຎ຺ຎາຕາວິນ຺ທ຺ຣິຍໍ – ອິມານິ ວຸຈ຺ຈນ຺ຕິ ‘‘ອຣູປຘາຕຸຍາ ເອກາທສິນ຺ທ຺ຣິຍານິ’’.

ຕຕ຺ຖ ກຕເມ ອຣູປຘາຕຸຍາ ອຏ຺ຐ ເຫຕູ? ຕໂຍ ກຸສລເຫຕູ, ທ຺ເວ ອກຸສລເຫຕູ, ຕໂຍ ອພ຺ຍາກຕເຫຕູ…ເປ… ອິເມ ວຸຈ຺ຈນ຺ຕິ ‘‘ອຣູປຘາຕຸຍາ ອຏ຺ຐ ເຫຕູ’’.

ຕຕ຺ຖ ກຕເມ ອຣູປຘາຕຸຍາ ຕໂຍ ອາຫາຣາ? ຜສ຺ສາຫາໂຣ, ມໂນສຎ຺ເຈຕນາຫາໂຣ, ວິຎ຺ຎາຓາຫາໂຣ – ອິເມ ວຸຈ຺ຈນ຺ຕິ ‘‘ອຣູປຘາຕຸຍາ ຕໂຍ ອາຫາຣາ’’.

ຕຕ຺ຖ ກຕໂມ ອຣູປຘາຕຸຍາ ເອໂກ ຜສ຺ໂສ? ມໂນວິຎ຺ຎາຓຘາຕຸສມ຺ຜສ຺ໂສ – ອຍໍ ວຸຈ຺ຈຕິ ‘‘ອຣູປຘາຕຸຍາ ເອໂກ ຜສ຺ໂສ’’.

ຕຕ຺ຖ ກຕມາ ອຣູປຘາຕຸຍາ ເອກາ ເວທນາ…ເປ… ເອກາ ສຎ຺ຎາ…ເປ… ເອກາ ເຈຕນາ…ເປ… ເອກໍ ຈິຕ຺ຕໍ? ມໂນວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ອຣູປຘາຕຸຍາ ເອກໍ ຈິຕ຺ຕໍ’’.

໔. ອປຣິຍາປນ຺ນໍ

໙໙໗. ອປຣິຍາປນ຺ເນ ກຕິ ຂນ຺ຘາ…ເປ… ກຕິ ຈິຕ຺ຕານິ?

ອປຣິຍາປນ຺ເນ ຈຕ຺ຕາໂຣ ຂນ຺ຘາ, ທ຺ເວ ອາຍຕນານິ, ທ຺ເວ ຘາຕຸໂຍ, ທ຺ເວ ສຈ຺ຈານິ, ທ຺ວາທສິນ຺ທ຺ຣິຍານິ, ຉ ເຫຕູ, ຕໂຍ ອາຫາຣາ, ເອໂກ ຜສ຺ໂສ, ເອກາ ເວທນາ, ເອກາ ສຎ຺ຎາ, ເອກາ ເຈຕນາ, ເອກໍ ຈິຕ຺ຕໍ.

໙໙໘. ຕຕ຺ຖ ກຕເມ ອປຣິຍາປນ຺ເນ ຈຕ຺ຕາໂຣ ຂນ຺ຘາ? ເວທນາກ຺ຂນ຺ໂຘ, ສຎ຺ຎາກ຺ຂນ຺ໂຘ, ສງ຺ຂາຣກ຺ຂນ຺ໂຘ, ວິຎ຺ຎາຓກ຺ຂນ຺ໂຘ – ອິເມ ວຸຈ຺ຈນ຺ຕິ ‘‘ອປຣິຍາປນ຺ເນ ຈຕ຺ຕາໂຣ ຂນ຺ຘາ’’.

ຕຕ຺ຖ ກຕມານິ ອປຣິຍາປນ຺ເນ ທ຺ເວ ອາຍຕນານິ? ມນາຍຕນໍ, ຘມ຺ມາຍຕນໍ – ອິມານິ ວຸຈ຺ຈນ຺ຕິ ‘‘ອປຣິຍາປນ຺ເນ ທ຺ເວ ອາຍຕນານິ’’.

ຕຕ຺ຖ ກຕມາ ອປຣິຍາປນ຺ເນ ທ຺ເວ ຘາຕຸໂຍ? ມໂນວິຎ຺ຎາຓຘາຕຸ, ຘມ຺ມຘາຕຸ – ອິມາ ວຸຈ຺ຈນ຺ຕິ ‘‘ອປຣິຍາປນ຺ເນ ທ຺ເວ ຘາຕຸໂຍ’’.

ຕຕ຺ຖ ກຕມານິ ອປຣິຍາປນ຺ເນ ທ຺ເວ ສຈ຺ຈານິ? ມຄ຺ຄສຈ຺ຈໍ, ນິໂຣຘສຈ຺ຈໍ – ອິມານິ ວຸຈ຺ຈນ຺ຕິ ‘‘ອປຣິຍາປນ຺ເນ ທ຺ເວ ສຈ຺ຈານິ’’.

ຕຕ຺ຖ ກຕມານິ ອປຣິຍາປນ຺ເນ ທ຺ວາທສິນ຺ທ຺ຣິຍານິ? ມນິນ຺ທ຺ຣິຍໍ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ, ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ, ອຎ຺ຎິນ຺ທ຺ຣິຍໍ, ອຎ຺ຎາຕາວິນ຺ທ຺ຣິຍໍ – ອິມານິ ວຸຈ຺ຈນ຺ຕິ ‘‘ອປຣິຍາປນ຺ເນ ທ຺ວາທສິນ຺ທ຺ຣິຍານິ’’.

ຕຕ຺ຖ ກຕເມ ອປຣິຍາປນ຺ເນ ຉ ເຫຕູ? ຕໂຍ ກຸສລເຫຕູ, ຕໂຍ ອພ຺ຍາກຕເຫຕູ.

ຕຕ຺ຖ ກຕເມ ຕໂຍ ອພ຺ຍາກຕເຫຕູ? ກຸສລານໍ ຘມ຺ມານໍ ວິປາກໂຕ ອໂລໂຠ, ອໂທໂສ, ອໂມໂຫ – ອິເມ ຕໂຍ ອພ຺ຍາກຕເຫຕູ. ອິເມ ວຸຈ຺ຈນ຺ຕິ ‘‘ອປຣິຍາປນ຺ເນ ຉ ເຫຕູ’’.

ຕຕ຺ຖ ກຕເມ ອປຣິຍາປນ຺ເນ ຕໂຍ ອາຫາຣາ? ຜສ຺ສາຫາໂຣ, ມໂນສຎ຺ເຈຕນາຫາໂຣ, ວິຎ຺ຎາຓາຫາໂຣ – ອິເມ ວຸຈ຺ຈນ຺ຕິ ‘‘ອປຣິຍາປນ຺ເນ ຕໂຍ ອາຫາຣາ’’.

ຕຕ຺ຖ ກຕໂມ ອປຣິຍາປນ຺ເນ ເອໂກ ຜສ຺ໂສ? ມໂນວິຎ຺ຎາຓຘາຕຸສມ຺ຜສ຺ໂສ – ອຍໍ ວຸຈ຺ຈຕິ ‘‘ອປຣິຍາປນ຺ເນ ເອໂກ ຜສ຺ໂສ’’.

ຕຕ຺ຖ ກຕມາ ອປຣິຍາປນ຺ເນ ເອກາ ເວທນາ…ເປ… ເອກາ ສຎ຺ຎາ…ເປ… ເອກາ ເຈຕນາ…ເປ… ເອກໍ ຈິຕ຺ຕໍ? ມໂນວິຎ຺ຎາຓຘາຕຸ – ອິທໍ ວຸຈ຺ຈຕິ ‘‘ອປຣິຍາປນ຺ເນ ເອກໍ ຈິຕ຺ຕໍ’’.

໓. ປຣິຍາປນ຺ນາປຣິຍາປນ຺ນວາໂຣ

໑. ກາມຘາຕຸ

໙໙໙. ປຎ຺ຈນ຺ນໍ ຂນ຺ຘານໍ ກຕິ ກາມຘາຕຸປຣິຍາປນ຺ນາ, ກຕິ ນ ກາມຘາຕຸປຣິຍາປນ຺ນາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ກາມຘາຕຸປຣິຍາປນ຺ນາ, ກຕິ ນ ກາມຘາຕຸປຣິຍາປນ຺ນາ?

໑໐໐໐. ຣູປກ຺ຂນ຺ໂຘ ກາມຘາຕຸປຣິຍາປນ຺ໂນ; ຈຕ຺ຕາໂຣ ຂນ຺ຘາ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

ທສາຍຕນາ ກາມຘາຕຸປຣິຍາປນ຺ນາ; ທ຺ເວ ອາຍຕນາ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

ໂສຬສ ຘາຕຸໂຍ ກາມຘາຕຸປຣິຍາປນ຺ນາ; ທ຺ເວ ຘາຕຸໂຍ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

ສມຸທຍສຈ຺ຈໍ ກາມຘາຕຸປຣິຍາປນ຺ນໍ; ທ຺ເວ ສຈ຺ຈາ ນ ກາມຘາຕຸປຣິຍາປນ຺ນາ; ທຸກ຺ຂສຈ຺ຈໍ ສິຍາ ກາມຘາຕຸປຣິຍາປນ຺ນໍ, ສິຍາ ນ ກາມຘາຕຸປຣິຍາປນ຺ນໍ.

ທສິນ຺ທ຺ຣິຍາ ກາມຘາຕຸປຣິຍາປນ຺ນາ; ຕີຓິນ຺ທ຺ຣິຍາ ນ ກາມຘາຕຸປຣິຍາປນ຺ນາ; ນວິນ຺ທ຺ຣິຍາ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

ຕໂຍ ອກຸສລເຫຕູ ກາມຘາຕຸປຣິຍາປນ຺ນາ; ຉ ເຫຕູ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

ກພຬີກາໂຣ ອາຫາໂຣ ກາມຘາຕຸປຣິຍາປນ຺ໂນ; ຕໂຍ ອາຫາຣາ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

ຉ ຜສ຺ສາ ກາມຘາຕຸປຣິຍາປນ຺ນາ; ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ກາມຘາຕຸ ປຣິຍາປນ຺ໂນ, ສິຍາ ນ ກາມຘາຕຸປຣິຍາປນ຺ໂນ.

ຉ ເວທນາ…ເປ… ຉ ສຎ຺ຎາ… ຉ ເຈຕນາ… ຉ ຈິຕ຺ຕາ ກາມຘາຕຸປຣິຍາປນ຺ນາ; ມໂນວິຎ຺ຎາຓຘາຕຸ ສິຍາ ກາມຘາຕຸປຣິຍາປນ຺ນາ, ສິຍາ ນ ກາມຘາຕຸປຣິຍາປນ຺ນາ.

໒. ຣູປຘາຕຸ

໑໐໐໑. ປຎ຺ຈນ຺ນໍ ຂນ຺ຘານໍ ກຕິ ຣູປຘາຕຸປຣິຍາປນ຺ນາ, ກຕິ ນ ຣູປຘາຕຸປຣິຍາປນ຺ນາ …ເປ… ສຕ຺ຕນ຺ນໍ ຈິຕ຺ຕານໍ ກຕິ ຣູປຘາຕຸປຣິຍາປນ຺ນາ, ກຕິ ນ ຣູປຘາຕຸປຣິຍາປນ຺ນາ?

໑໐໐໒. ຣູປກ຺ຂນ຺ໂຘ ນ ຣູປຘາຕຸປຣິຍາປນ຺ໂນ; ຈຕ຺ຕາໂຣ ຂນ຺ຘາ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

ທສາຍຕນາ ນ ຣູປຘາຕຸປຣິຍາປນ຺ນາ; ທ຺ເວ ອາຍຕນາ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

ໂສຬສ ຘາຕຸໂຍ ນ ຣູປຘາຕຸປຣິຍາປນ຺ນາ; ທ຺ເວ ຘາຕຸໂຍ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

ຕີຓິ ສຈ຺ຈານິ ນ ຣູປຘາຕຸປຣິຍາປນ຺ນາ; ທຸກ຺ຂສຈ຺ຈໍ ສິຍາ ຣູປຘາຕຸປຣິຍາປນ຺ນໍ, ສິຍາ ນ ຣູປຘາຕຸປຣິຍາປນ຺ນໍ.

ເຕຣສິນ຺ທ຺ຣິຍາ ນ ຣູປຘາຕຸປຣິຍາປນ຺ນາ; ນວິນ຺ທ຺ຣິຍາ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

ຕໂຍ ອກຸສລເຫຕູ ນ ຣູປຘາຕຸປຣິຍາປນ຺ນາ; ຉ ເຫຕູ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

ກພຬີກາໂຣ ອາຫາໂຣ ນ ຣູປຘາຕຸປຣິຍາປນ຺ໂນ; ຕໂຍ ອາຫາຣາ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

ຉ ຜສ຺ສາ ນ ຣູປຘາຕຸປຣິຍາປນ຺ນາ; ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ຣູປຘາຕຸປຣິຍາປນ຺ໂນ, ສິຍາ ນ ຣູປຘາຕຸປຣິຍາປນ຺ໂນ.

ຉ ເວທນາ…ເປ… ຉ ສຎ຺ຎາ… ຉ ເຈຕນາ… ຉ ຈິຕ຺ຕາ ນ ຣູປຘາຕຸປຣິຍາປນ຺ນາ; ມໂນວິຎ຺ຎາຓຘາຕຸ ສິຍາ ຣູປຘາຕຸປຣິຍາປນ຺ນາ, ສິຍາ ນ ຣູປຘາຕຸປຣິຍາປນ຺ນາ.

໓. ອຣູປຘາຕຸ

໑໐໐໓. ປຎ຺ຈນ຺ນໍ ຂນ຺ຘານໍ ກຕິ ອຣູປຘາຕຸປຣິຍາປນ຺ນາ, ກຕິ ນ ອຣູປຘາຕຸປຣິຍາປນ຺ນາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ອຣູປຘາຕຸປຣິຍາປນ຺ນາ, ກຕິ ນ ອຣູປຘາຕຸປຣິຍາປນ຺ນາ?

໑໐໐໔. ຣູປກ຺ຂນ຺ໂຘ ນ ອຣູປຘາຕຸປຣິຍາປນ຺ໂນ; ຈຕ຺ຕາໂຣ ຂນ຺ຘາ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

ທສາຍຕນາ ນ ອຣູປຘາຕຸປຣິຍາປນ຺ນາ; ທ຺ເວ ອາຍຕນາ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

ໂສຬສ ຘາຕຸໂຍ ນ ອຣູປຘາຕຸປຣິຍາປນ຺ນາ; ທ຺ເວ ຘາຕຸໂຍ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

ຕີຓິ ສຈ຺ຈານິ ນ ອຣູປຘາຕຸປຣິຍາປນ຺ນານິ.

ທຸກ຺ຂສຈ຺ຈໍ ສິຍາ ອຣູປຘາຕຸປຣິຍາປນ຺ນໍ, ສິຍາ ນ ອຣູປຘາຕຸປຣິຍາປນ຺ນໍ.

ຈຸທ຺ທສິນ຺ທ຺ຣິຍາ ນ ອຣູປຘາຕຸປຣິຍາປນ຺ນາ; ອຏ຺ຐິນ຺ທ຺ຣິຍາ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

ຕໂຍ ອກຸສລເຫຕູ ນ ອຣູປຘາຕຸປຣິຍາປນ຺ນາ; ຉ ເຫຕູ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

ກພຬີກາໂຣ ອາຫາໂຣ ນ ອຣູປຘາຕຸປຣິຍາປນ຺ໂນ; ຕໂຍ ອາຫາຣາ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

ຉ ຜສ຺ສາ ນ ອຣູປຘາຕຸປຣິຍາປນ຺ນາ; ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ອຣູປຘາຕຸປຣິຍາປນ຺ໂນ, ສິຍາ ນ ອຣູປຘາຕຸປຣິຍາປນ຺ໂນ.

ຉ ເວທນາ…ເປ… ຉ ສຎ຺ຎາ … ຉ ເຈຕນາ… ຉ ຈິຕ຺ຕາ ນ ອຣູປຘາຕຸປຣິຍາປນ຺ນາ; ມໂນວິຎ຺ຎາຓຘາຕຸ ສິຍາ ອຣູປຘາຕຸປຣິຍາປນ຺ນາ, ສິຍາ ນ ອຣູປຘາຕຸປຣິຍາປນ຺ນາ.

໔. ປຣິຍາປນ຺ນາປຣິຍາປນ຺ນໍ

໑໐໐໕. ປຎ຺ຈນ຺ນໍ ຂນ຺ຘານໍ ກຕິ ປຣິຍາປນ຺ນາ, ກຕິ ອປຣິຍາປນ຺ນາ…ເປ… ສຕ຺ຕນ຺ນໍ ຈິຕ຺ຕານໍ ກຕິ ປຣິຍາປນ຺ນາ, ກຕິ ອປຣິຍາປນ຺ນາ?

໑໐໐໖. ຣູປກ຺ຂນ຺ໂຘ ປຣິຍາປນ຺ໂນ; ຈຕ຺ຕາໂຣ ຂນ຺ຘາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ທສາຍຕນາ ປຣິຍາປນ຺ນາ; ທ຺ເວ ອາຍຕນາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ໂສຬສ ຘາຕຸໂຍ ປຣິຍາປນ຺ນາ; ທ຺ເວ ຘາຕຸໂຍ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ທ຺ເວ ສຈ຺ຈາ ປຣິຍາປນ຺ນາ; ທ຺ເວ ສຈ຺ຈາ ອປຣິຍາປນ຺ນາ.

ທສິນ຺ທ຺ຣິຍາ ປຣິຍາປນ຺ນາ, ຕີຓິນ຺ທ຺ຣິຍາ ອປຣິຍາປນ຺ນາ; ນວິນ຺ທ຺ຣິຍາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ຕໂຍ ອກຸສລເຫຕູ ປຣິຍາປນ຺ນາ; ຉ ເຫຕູ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ກພຬີກາໂຣ ອາຫາໂຣ ປຣິຍາປນ຺ໂນ; ຕໂຍ ອາຫາຣາ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

ຉ ຜສ຺ສາ ປຣິຍາປນ຺ນາ; ມໂນວິຎ຺ຎາຓຘາຕຸສມ຺ຜສ຺ໂສ ສິຍາ ປຣິຍາປນ຺ໂນ, ສິຍາ ອປຣິຍາປນ຺ໂນ.

ຉ ເວທນາ…ເປ… ຉ ສຎ຺ຎາ… ຉ ເຈຕນາ… ຉ ຈິຕ຺ຕາ ປຣິຍາປນ຺ນາ; ມໂນວິຎ຺ຎາຓຘາຕຸ ສິຍາ ປຣິຍາປນ຺ນາ, ສິຍາ ອປຣິຍາປນ຺ນາ.

໔. ຘມ຺ມທສ຺ສນວາໂຣ

໑. ກາມຘາຕຸ

໑໐໐໗. ກາມຘາຕຸຍາ ອຸປປຕ຺ຕິກ຺ຂເຓ ກຕິ ຂນ຺ຘາ ປາຕຸຠວນ຺ຕິ…ເປ… ກຕິ ຈິຕ຺ຕານິ ປາຕຸຠວນ຺ຕິ?

ກາມຘາຕຸຍາ ອຸປປຕ຺ຕິກ຺ຂເຓ ສພ຺ເພສໍ ປຎ຺ຈກ຺ຂນ຺ຘາ ປາຕຸຠວນ຺ຕິ; ກສ຺ສຈິ ເອກາທສາຍຕນານິ ປາຕຸຠວນ຺ຕິ; ກສ຺ສຈິ ທສາຍຕນານິ ປາຕຸຠວນ຺ຕິ; ກສ຺ສຈິ ອປຣານິ ທສາຍຕນານິ ປາຕຸຠວນ຺ຕິ; ກສ຺ສຈິ ນວາຍຕນານິ ປາຕຸຠວນ຺ຕິ; ກສ຺ສຈິ ສຕ຺ຕາຍຕນານິ ປາຕຸຠວນ຺ຕິ; ກສ຺ສຈິ ເອກາທສ ຘາຕຸໂຍ ປາຕຸຠວນ຺ຕິ; ກສ຺ສຈິ ທສ ຘາຕຸໂຍ ປາຕຸຠວນ຺ຕິ; ກສ຺ສຈິ ອປຣາ ທສ ຘາຕຸໂຍ ປາຕຸຠວນ຺ຕິ; ກສ຺ສຈິ ນວ ຘາຕຸໂຍ ປາຕຸຠວນ຺ຕິ; ກສ຺ສຈິ ສຕ຺ຕ ຘາຕຸໂຍ ປາຕຸຠວນ຺ຕິ; ສພ຺ເພສໍ ເອກໍ ສຈ຺ຈໍ ປາຕຸຠວຕິ; ກສ຺ສຈິ ຈຸທ຺ທສິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ເຕຣສິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ອປຣານິ ເຕຣສິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ທ຺ວາທສິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ທສິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ນວິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ອປຣານິ ນວິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ອຏ຺ຐິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ອປຣານິ ອຏ຺ຐິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ສຕ຺ຕິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ປຎ຺ຈິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ຈຕ຺ຕາຣິນ຺ທ຺ຣິຍານິ ປາຕຸຠວນ຺ຕິ; ກສ຺ສຈິ ຕໂຍ ເຫຕູ ປາຕຸຠວນ຺ຕິ; ກສ຺ສຈິ ທ຺ເວ ເຫຕູ ປາຕຸຠວນ຺ຕິ; ກສ຺ສຈິ [ເກຈິ (ສ຺ຍາ.)] ອເຫຕຸກາ ປາຕຸຠວນ຺ຕິ; ສພ຺ເພສໍ ຈຕ຺ຕາໂຣ ອາຫາຣາ ປາຕຸຠວນ຺ຕິ; ສພ຺ເພສໍ ເອໂກ ຜສ຺ໂສ ປາຕຸຠວຕິ; ສພ຺ເພສໍ ເອກາ ເວທນາ… ເອກາ ສຎ຺ຎາ… ເອກາ ເຈຕນາ… ເອກໍ ຈິຕ຺ຕໍ ປາຕຸຠວຕິ.

໑໐໐໘. ກາມຘາຕຸຍາ ອຸປປຕ຺ຕິກ຺ຂເຓ ສພ຺ເພສໍ ກຕເມ ປຎ຺ຈກ຺ຂນ຺ຘາ ປາຕຸຠວນ຺ຕິ? ຣູປກ຺ຂນ຺ໂຘ…ເປ… ວິຎ຺ຎາຓກ຺ຂນ຺ໂຘ – ກາມຘາຕຸຍາ ອຸປປຕ຺ຕິກ຺ຂເຓ ສພ຺ເພສໍ ອິເມ ປຎ຺ຈກ຺ຂນ຺ຘາ ປາຕຸຠວນ຺ຕິ.

໑໐໐໙. ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ເອກາທສາຍຕນານິ ປາຕຸຠວນ຺ຕິ? ກາມາວຈຣານໍ ເທວານໍ, ປຐມກປ຺ປິການໍ ມນຸສ຺ສານໍ, ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ, ເນຣຍິການໍ ປຣິປຸຓ຺ຓາຍຕນານໍ ອຸປປຕ຺ຕິກ຺ຂເຓ ເອກາທສາຍຕນານິ ປາຕຸຠວນ຺ຕິ – ຈກ຺ຂາຍຕນໍ, ຣູປາຍຕນໍ, ໂສຕາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ເອກາທສາຍຕນານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ທສາຍຕນານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈນ຺ຘານໍ ອຸປປຕ຺ຕິກ຺ຂເຓ ທສາຍຕນານິ ປາຕຸຠວນ຺ຕິ – ຣູປາຍຕນໍ, ໂສຕາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ທສາຍຕນານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ອປຣານິ ທສາຍຕນານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈພຘິຣານໍ ອຸປປຕ຺ຕິກ຺ຂເຓ ທສາຍຕນານິ ປາຕຸຠວນ຺ຕິ – ຈກ຺ຂາຍຕນໍ, ຣູປາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ທສາຍຕນານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ນວາຍຕນານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈນ຺ຘພຘິຣານໍ ອຸປປຕ຺ຕິກ຺ຂເຓ ນວາຍຕນານິ ປາຕຸຠວນ຺ຕິ – ຣູປາຍຕນໍ, ຆານາຍຕນໍ, ຄນ຺ຘາຍຕນໍ, ຊິວ຺ຫາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ນວາຍຕນານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ສຕ຺ຕາຍຕນານິ ປາຕຸຠວນ຺ຕິ? ຄພ຺ຠເສຍ຺ຍການໍ ສຕ຺ຕານໍ ອຸປປຕ຺ຕິກ຺ຂເຓ ສຕ຺ຕາຍຕນານິ ປາຕຸຠວນ຺ຕິ – ຣູປາຍຕນໍ, ຄນ຺ຘາຍຕນໍ, ຣສາຍຕນໍ, ກາຍາຍຕນໍ, ໂຜຏ຺ຐພ຺ພາຍຕນໍ, ມນາຍຕນໍ, ຘມ຺ມາຍຕນໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ສຕ຺ຕາຍຕນານິ ປາຕຸຠວນ຺ຕິ.

໑໐໑໐. ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ເອກາທສ ຘາຕຸໂຍ ປາຕຸຠວນ຺ຕິ? ກາມາວຈຣານໍ ເທວານໍ, ປຐມກປ຺ປິການໍ ມນຸສ຺ສານໍ, ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ ປຣິປຸຓ຺ຓາຍຕນານໍ ອຸປປຕ຺ຕິກ຺ຂເຓ ເອກາທສ ຘາຕຸໂຍ ປາຕຸຠວນ຺ຕິ – ຈກ຺ຂຸຘາຕຸ, ຣູປຘາຕຸ, ໂສຕຘາຕຸ, ຆານຘາຕຸ, ຄນ຺ຘຘາຕຸ, ຊິວ຺ຫາຘາຕຸ, ຣສຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ມໂນວິຎ຺ຎາຓຘາຕຸ, ຘມ຺ມຘາຕຸ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມາ ເອກາທສ ຘາຕຸໂຍ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ທສ ຘາຕຸໂຍ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈນ຺ຘານໍ ອຸປປຕ຺ຕິກ຺ຂເຓ ທສ ຘາຕຸໂຍ ປາຕຸຠວນ຺ຕິ – ຣູປຘາຕຸ, ໂສຕຘາຕຸ, ຆານຘາຕຸ, ຄນ຺ຘຘາຕຸ, ຊິວ຺ຫາຘາຕຸ, ຣສຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ມໂນວິຎ຺ຎາຓຘາຕຸ, ຘມ຺ມຘາຕຸ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມາ ທສ ຘາຕຸໂຍ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ອປຣາ ທສ ຘາຕຸໂຍ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈພຘິຣານໍ ອຸປປຕ຺ຕິກ຺ຂເຓ ທສ ຘາຕຸໂຍ ປາຕຸຠວນ຺ຕິ – ຈກ຺ຂຸຘາຕຸ, ຣູປຘາຕຸ, ຆານຘາຕຸ, ຄນ຺ຘຘາຕຸ, ຊິວ຺ຫາຘາຕຸ, ຣສຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ມໂນວິຎ຺ຎາຓຘາຕຸ, ຘມ຺ມຘາຕຸ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມາ ທສ ຘາຕຸໂຍ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ນວ ຘາຕຸໂຍ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈນ຺ຘພຘິຣານໍ ອຸປປຕ຺ຕິກ຺ຂເຓ ນວ ຘາຕຸໂຍ ປາຕຸຠວນ຺ຕິ – ຣູປຘາຕຸ, ຆານຘາຕຸ, ຄນ຺ຘຘາຕຸ, ຊິວ຺ຫາຘາຕຸ, ຣສຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ມໂນວິຎ຺ຎາຓຘາຕຸ, ຘມ຺ມຘາຕຸ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມາ ນວ ຘາຕຸໂຍ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ສຕ຺ຕ ຘາຕຸໂຍ ປາຕຸຠວນ຺ຕິ? ຄພ຺ຠເສຍ຺ຍການໍ ສຕ຺ຕານໍ ອຸປປຕ຺ຕິກ຺ຂເຓ ສຕ຺ຕ ຘາຕຸໂຍ ປາຕຸຠວນ຺ຕິ – ຣູປຘາຕຸ, ຄນ຺ຘຘາຕຸ, ຣສຘາຕຸ, ກາຍຘາຕຸ, ໂຜຏ຺ຐພ຺ພຘາຕຸ, ມໂນວິຎ຺ຎາຓຘາຕຸ, ຘມ຺ມຘາຕຸ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມາ ສຕ຺ຕ ຘາຕຸໂຍ ປາຕຸຠວນ຺ຕິ.

໑໐໑໑. ກາມຘາຕຸຍາ ອຸປປຕ຺ຕິກ຺ຂເຓ ສພ຺ເພສໍ ກຕມໍ ເອກໍ ສຈ຺ຈໍ ປາຕຸຠວຕິ? ທຸກ຺ຂສຈ຺ຈໍ – ກາມຘາຕຸຍາ ອຸປປຕ຺ຕິກ຺ຂເຓ ສພ຺ເພສໍ ອິທໍ ເອກໍ ສຈ຺ຈໍ ປາຕຸຠວຕິ.

໑໐໑໒. ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ຈຸທ຺ທສິນ຺ທ຺ຣິຍານິ ປາຕຸຠວນ຺ຕິ? ກາມາວຈຣານໍ ເທວານໍ, ສເຫຕຸການໍ ຎາຓສມ຺ປຍຸຕ຺ຕານໍ ອຸປປຕ຺ຕິກ຺ຂເຓ ຈຸທ຺ທສິນ຺ທ຺ຣິຍານິ ປາຕຸຠວນ຺ຕິ – ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ ວາ ອຸເປກ຺ຂິນ຺ທ຺ຣິຍໍ ວາ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ຈຸທ຺ທສິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ເຕຣສິນ຺ທ຺ຣິຍານິ ປາຕຸຠວນ຺ຕິ? ກາມາວຈຣານໍ ເທວານໍ ສເຫຕຸການໍ ຎາຓວິປ຺ປຍຸຕ຺ຕານໍ ອຸປປຕ຺ຕິກ຺ຂເຓ ເຕຣສິນ຺ທ຺ຣິຍານິ ປາຕຸຠວນ຺ຕິ – ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ ວາ ອຸເປກ຺ຂິນ຺ທ຺ຣິຍໍ ວາ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ເຕຣສິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ອປຣານິ ເຕຣສິນ຺ທ຺ຣິຍານິ ປາຕຸຠວນ຺ຕິ? ປຐມກປ຺ປິການໍ ມນຸສ຺ສານໍ ສເຫຕຸການໍ ຎາຓສມ຺ປຍຸຕ຺ຕານໍ ອຸປປຕ຺ຕິກ຺ຂເຓ ເຕຣສິນ຺ທ຺ຣິຍານິ ປາຕຸຠວນ຺ຕິ – ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ ວາ ອຸເປກ຺ຂິນ຺ທ຺ຣິຍໍ ວາ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ເຕຣສິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ທ຺ວາທສິນ຺ທ຺ຣິຍານິ ປາຕຸຠວນ຺ຕິ? ປຐມກປ຺ປິການໍ ມນຸສ຺ສານໍ ສເຫຕຸການໍ ຎາຓວິປ຺ປຍຸຕ຺ຕານໍ ອຸປປຕ຺ຕິກ຺ຂເຓ ທ຺ວາທສິນ຺ທ຺ຣິຍານິ ປາຕຸຠວນ຺ຕິ – ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ ວາ ອຸເປກ຺ຂິນ຺ທ຺ຣິຍໍ ວາ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ທ຺ວາທສິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ທສິນ຺ທ຺ຣິຍານິ ປາຕຸຠວນ຺ຕິ? ຄພ຺ຠເສຍ຺ຍການໍ ສຕ຺ຕານໍ ສເຫຕຸການໍ ຎາຓສມ຺ປຍຸຕ຺ຕານໍ ອຸປປຕ຺ຕິກ຺ຂເຓ ທສິນ຺ທ຺ຣິຍານິ ປາຕຸຠວນ຺ຕິ – ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ ວາ ອຸເປກ຺ຂິນ຺ທ຺ຣິຍໍ ວາ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ, ປຎ຺ຎິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ທສິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ນວິນ຺ທ຺ຣິຍານິ ປາຕຸຠວນ຺ຕິ? ຄພ຺ຠເສຍ຺ຍການໍ ສຕ຺ຕານໍ ສເຫຕຸການໍ ຎາຓວິປ຺ປຍຸຕ຺ຕານໍ ອຸປປຕ຺ຕິກ຺ຂເຓ ນວິນ຺ທ຺ຣິຍານິ ປາຕຸຠວນ຺ຕິ – ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ໂສມນສ຺ສິນ຺ທ຺ຣິຍໍ ວາ ອຸເປກ຺ຂິນ຺ທ຺ຣິຍໍ ວາ, ສທ຺ຘິນ຺ທ຺ຣິຍໍ, ວີຣິຍິນ຺ທ຺ຣິຍໍ, ສຕິນ຺ທ຺ຣິຍໍ, ສມາຘິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ນວິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ອປຣານິ ນວິນ຺ທ຺ຣິຍານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ ປຣິປຸຓ຺ຓາຍຕນານໍ ອຸປປຕ຺ຕິກ຺ຂເຓ ນວິນ຺ທ຺ຣິຍານິ ປາຕຸຠວນ຺ຕິ – ຈກ຺ຂຸນ຺ທ຺ຣິຍໍ, ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ນວິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ອຏ຺ຐິນ຺ທ຺ຣິຍານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈນ຺ຘານໍ ອຸປປຕ຺ຕິກ຺ຂເຓ ອຏ຺ຐິນ຺ທ຺ຣິຍານິ ປາຕຸຠວນ຺ຕິ – ໂສຕິນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ອຏ຺ຐິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ອປຣານິ ອຏ຺ຐິນ຺ທ຺ຣິຍານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈພຘິຣານໍ ອຸປປຕ຺ຕິກ຺ຂເຓ ອຏ຺ຐິນ຺ທ຺ຣິຍານິ ປາຕຸຠວນ຺ຕິ – ຈກ຺ຂຸນ຺ທ຺ຣິຍໍ, ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ອຏ຺ຐິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ສຕ຺ຕິນ຺ທ຺ຣິຍານິ ປາຕຸຠວນ຺ຕິ? ໂອປປາຕິການໍ ເປຕານໍ, ໂອປປາຕິການໍ ອສຸຣານໍ, ໂອປປາຕິການໍ ຕິຣຈ຺ຉານຄຕານໍ ເນຣຍິການໍ, ຊຈ຺ຈນ຺ຘພຘິຣານໍ ອຸປປຕ຺ຕິກ຺ຂເຓ ສຕ຺ຕິນ຺ທ຺ຣິຍານິ ປາຕຸຠວນ຺ຕິ – ຆານິນ຺ທ຺ຣິຍໍ, ຊິວ຺ຫິນ຺ທ຺ຣິຍໍ, ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ສຕ຺ຕິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ປຎ຺ຈິນ຺ທ຺ຣິຍານິ ປາຕຸຠວນ຺ຕິ? ຄພ຺ຠເສຍ຺ຍການໍ ສຕ຺ຕານໍ ອເຫຕຸການໍ, ຐເປຕ຺ວາ ນປຸໍສການໍ, ອຸປປຕ຺ຕິກ຺ຂເຓ ປຎ຺ຈິນ຺ທ຺ຣິຍານິ ປາຕຸຠວນ຺ຕິ – ກາຍິນ຺ທ຺ຣິຍໍ, ມນິນ຺ທ຺ຣິຍໍ, ອິຕ຺ຖິນ຺ທ຺ຣິຍໍ ວາ ປຸຣິສິນ຺ທ຺ຣິຍໍ ວາ, ຊີວິຕິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ປຎ຺ຈິນ຺ທ຺ຣິຍານິ ປາຕຸຠວນ຺ຕິ.

ກາມຘາຕຸຍາ ອຸປປຕ຺ຕິກ຺ຂເຓ ກສ຺ສ ຈຕ຺ຕາຣິນ຺ທ຺ຣິຍານິ ປາຕຸຠວນ຺ຕິ? ຄພ຺ຠເສຍ຺ຍການໍ ສຕ຺ຕານໍ ອເຫຕຸການໍ, ນປຸໍສການໍ ອຸປປຕ຺ຕິກ຺ຂເຓ ຈຕ຺ຕາຣິນ຺ທ຺ຣິຍານິ ປາຕຸຠວນ຺ຕິ – ກາຍິນ຺ທ຺ຣິຍໍ, ມນິນ຺ທ຺ຣິຍໍ, ຊີວິຕິນ຺ທ຺ຣິຍໍ, ອຸເປກ຺ຂິນ຺ທ຺ຣິຍໍ. ກາມຘາຕຸຍາ ອຸປປຕ຺ຕິກ຺ຂເຓ ເອເຕສໍ ອິມານິ ຈຕ຺ຕາຣິນ຺ທ຺ຣິຍານິ ປາຕຸຠວນ຺ຕິ.