(໔) ຕິສ຺ໂສ ອກຸສລຘາຕຸໂຍ

໙໑໒. ຕຕ຺ຖ ກຕມາ ຕິສ຺ໂສ ອກຸສລຘາຕຸໂຍ? ກາມຘາຕຸ, ພ຺ຍາປາທຘາຕຸ, ວິຫິໍສາຘາຕຸ.

ຕຕ຺ຖ ກຕມາ ກາມຘາຕຸ? ກາມວິຕກ຺ໂກ ກາມຘາຕຸ. ພ຺ຍາປາທວິຕກ຺ໂກ ພ຺ຍາປາທຘາຕຸ. ວິຫິໍສາວິຕກ຺ໂກ ວິຫິໍສາຘາຕຸ.

(ກ) ຕຕ຺ຖ ກຕໂມ ກາມວິຕກ຺ໂກ? ກາມປຏິສໍຍຸຕ຺ໂຕ ຕກ຺ໂກ ວິຕກ຺ໂກ ມິຈ຺ຉາສງ຺ກປ຺ໂປ – ອຍໍ ວຸຈ຺ຈຕິ ‘‘ກາມວິຕກ຺ໂກ’’.

(ຂ) ຕຕ຺ຖ ກຕໂມ ພ຺ຍາປາທວິຕກ຺ໂກ? ພ຺ຍາປາທປຏິສໍຍຸຕ຺ໂຕ ຕກ຺ໂກ ວິຕກ຺ໂກ ມິຈ຺ຉາສງ຺ກປ຺ໂປ – ອຍໍ ວຸຈ຺ຈຕິ ‘‘ພ຺ຍາປາທວິຕກ຺ໂກ’’.

(ຄ) ຕຕ຺ຖ ກຕໂມ ວິຫິໍສາວິຕກ຺ໂກ? ວິຫິໍສາປຏິສໍຍຸຕ຺ໂຕ ຕກ຺ໂກ ວິຕກ຺ໂກ ມິຈ຺ຉາສງ຺ກປ຺ໂປ – ອຍໍ ວຸຈ຺ຈຕິ ‘‘ວິຫິໍສາວິຕກ຺ໂກ’’. ອິມາ ຕິສ຺ໂສ ອກຸສລຘາຕຸໂຍ.