໑໑. ຕຓ຺ຫາວິຈຣິຕນິທ຺ເທໂສ

(໑) ອຊ຺ຌຕ຺ຕິກສ຺ສ ອຸປາທາຍ

໙໗໓. ຕຕ຺ຖ ກຕມານິ ອຏ຺ຐາຣສ ຕຓ຺ຫາວິຈຣິຕານິ ອຊ຺ຌຕ຺ຕິກສ຺ສ ອຸປາທາຍ? ອສ຺ມີຕິ ໂຫຕິ, ອິຕ຺ຖສ຺ມີຕິ ໂຫຕິ, ເອວສ຺ມີຕິ ໂຫຕິ, ອຎ຺ຎຖາສ຺ມີຕິ ໂຫຕິ, ຠວິສ຺ສນ຺ຕິ ໂຫຕິ, ອິຕ຺ຖໍ ຠວິສ຺ສນ຺ຕິ ໂຫຕິ, ເອວໍ ຠວິສ຺ສນ຺ຕິ ໂຫຕິ, ອຎ຺ຎຖາ ຠວິສ຺ສນ຺ຕິ ໂຫຕິ, ອສສ຺ມີຕິ ໂຫຕິ, ສາຕສ຺ມີຕິ ໂຫຕິ, ສິຍນ຺ຕິ ໂຫຕິ, ອິຕ຺ຖໍ ສິຍນ຺ຕິ ໂຫຕິ, ເອວໍ ສິຍນ຺ຕິ ໂຫຕິ, ອຎ຺ຎຖາ ສິຍນ຺ຕິ ໂຫຕິ, ອປາຫໍ ສິຍນ຺ຕິ ໂຫຕິ, ອປາຫໍ ອິຕ຺ຖໍ ສິຍນ຺ຕິ ໂຫຕິ, ອປາຫໍ ເອວໍ ສິຍນ຺ຕິ ໂຫຕິ, ອປາຫໍ ອຎ຺ຎຖາ ສິຍນ຺ຕິ ໂຫຕິ.

໙໗໔. ກຖຎ຺ຈ ອສ຺ມີຕິ ໂຫຕິ? ກຎ຺ຈິ ຘມ຺ມໍ ອນວກາຣິໍ [ອນວກາຣີ (ສີ. ກ.)] ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອສ຺ມີຕິ ຉນ຺ທໍ ປຏິລຠຕິ, ອສ຺ມີຕິ ມານໍ ປຏິລຠຕິ, ອສ຺ມີຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິຕ຺ຖສ຺ມີຕິ ວາ ເອວສ຺ມີຕິ ວາ ອຎ຺ຎຖາສ຺ມີຕິ ວາ.

(໒) ກຖຎ຺ຈ ອິຕ຺ຖສ຺ມີຕິ ໂຫຕິ? ຂຕ຺ຕິໂຍສ຺ມີຕິ ວາ, ພ຺ຣາຫ຺ມໂຓສ຺ມີຕິ ວາ, ເວສ຺ໂສສ຺ມີຕິ ວາ, ສຸທ຺ໂທສ຺ມີຕິ ວາ, ຄຫຏ຺ໂຐສ຺ມີຕິ ວາ, ປພ຺ພຊິໂຕສ຺ມີຕິ ວາ, ເທໂວສ຺ມີຕິ ວາ, ມນຸສ຺ໂສສ຺ມີຕິ ວາ, ຣູປີສ຺ມີຕິ ວາ, ອຣູປີສ຺ມີຕິ ວາ, ສຎ຺ຎີສ຺ມີຕິ ວາ, ອສຎ຺ຎີສ຺ມີຕິ ວາ, ເນວສຎ຺ຎີນາສຎ຺ຎີສ຺ມີຕິ ວາ – ເອວໍ ອິຕ຺ຖສ຺ມີຕິ ໂຫຕິ.

(໓) ກຖຎ຺ຈ ເອວສ຺ມີຕິ ໂຫຕິ? ປຣປຸຄ຺ຄລໍ [ປຣໍ ປຸຄ຺ຄລໍ (ສ຺ຍາ.)] ອຸປນິຘາຍ ຍຖາ ໂສ ຂຕ຺ຕິໂຍ ຕຖາຫໍ ຂຕ຺ຕິໂຍສ຺ມີຕິ ວາ, ຍຖາ ໂສ ພ຺ຣາຫ຺ມໂຓ ຕຖາຫໍ ພ຺ຣາຫ຺ມໂຓສ຺ມີຕິ ວາ, ຍຖາ ໂສ ເວສ຺ໂສ ຕຖາຫໍ ເວສ຺ໂສສ຺ມີຕິ ວາ ຍຖາ ໂສ ສຸທ຺ໂທ ຕຖາຫໍ ສຸທ຺ໂທສ຺ມີຕິ ວາ, ຍຖາ ໂສ ຄຫຏ຺ໂຐ ຕຖາຫໍ ຄຫຏ຺ໂຐສ຺ມີຕິ ວາ, ຍຖາ ໂສ ປພ຺ພຊິໂຕ ຕຖາຫໍ ປພ຺ພຊິໂຕສ຺ມີຕິ ວາ, ຍຖາ ໂສ ເທໂວ ຕຖາຫໍ ເທໂວສ຺ມີຕິ ວາ, ຍຖາ ໂສ ມນຸສ຺ໂສ ຕຖາຫໍ ມນຸສ຺ໂສສ຺ມີຕິ ວາ, ຍຖາ ໂສ ຣູປີ ຕຖາຫໍ ຣູປີສ຺ມີຕິ ວາ, ຍຖາ ໂສ ອຣູປີ ຕຖາຫໍ ອຣູປີສ຺ມີຕິ ວາ, ຍຖາ ໂສ ສຎ຺ຎີ ຕຖາຫໍ ສຎ຺ຎີສ຺ມີຕິ ວາ, ຍຖາ ໂສ ອສຎ຺ຎີ ຕຖາຫໍ ອສຎ຺ຎີສ຺ມີຕິ ວາ, ຍຖາ ໂສ ເນວສຎ຺ຎີນາສຎ຺ຎີ ຕຖາຫໍ ເນວສຎ຺ຎີນາສຎ຺ຎີສ຺ມີຕິ ວາ – ເອວໍ ເອວສ຺ມີຕິ ໂຫຕິ.

(໔) ກຖຎ຺ຈ ອຎ຺ຎຖາສ຺ມີຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ນາຫໍ ຕຖາ ຂຕ຺ຕິໂຍສ຺ມີຕິ ວາ ຍຖາ ໂສ ພ຺ຣາຫ຺ມໂຓ ນາຫໍ ຕຖາ ພ຺ຣາຫ຺ມໂຓສ຺ມີຕິ ວາ, ຍຖາ ໂສ ເວສ຺ໂສ ນາຫໍ ຕຖາ ເວສ຺ໂສສ຺ມີຕິ ວາ, ຍຖາ ໂສ ສຸທ຺ໂທ ນາຫໍ ຕຖາ ສຸທ຺ໂທສ຺ມີຕິ ວາ, ຍຖາ ໂສ ຄຫຏ຺ໂຐ ນາຫໍ ຕຖາ ຄຫຏ຺ໂຐສ຺ມີຕິ ວາ, ຍຖາ ໂສ ປພ຺ພຊິໂຕ ນາຫໍ ຕຖາ ປພ຺ພຊິໂຕສ຺ມີຕິ ວາ, ຍຖາ ໂສ ເທໂວ ນາຫໍ ຕຖາ ເທໂວສ຺ມີຕິ ວາ, ຍຖາ ໂສ ມນຸສ຺ໂສ ນາຫໍ ຕຖາ ມນຸສ຺ໂສສ຺ມີຕິ ວາ, ຍຖາ ໂສ ຣູປີ ນາຫໍ ຕຖາ ຣູປີສ຺ມີຕິ ວາ, ຍຖາ ໂສ ອຣູປີ ນາຫໍ ຕຖາ ອຣູປີສ຺ມີຕິ ວາ, ຍຖາ ໂສ ສຎ຺ຎີ ນາຫໍ ຕຖາ ສຎ຺ຎີສ຺ມີຕິ ວາ, ຍຖາ ໂສ ອສຎ຺ຎີ ນາຫໍ ຕຖາ ອສຎ຺ຎີສ຺ມີຕິ ວາ, ຍຖາ ໂສ ເນວສຎ຺ຎີນາສຎ຺ຎີ ນາຫໍ ຕຖາ ເນວສຎ຺ຎີນາສຎ຺ຎີສ຺ມີຕິ ວາ – ເອວໍ ອຎ຺ຎຖາສ຺ມີຕິ ໂຫຕິ.

(໕) ກຖຎ຺ຈ ຠວິສ຺ສນ຺ຕິ ໂຫຕິ? ກຎ຺ຈິ ຘມ຺ມໍ ອນວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ຠວິສ຺ສນ຺ຕິ ຉນ຺ທໍ ປຏິລຠຕິ, ຠວິສ຺ສນ຺ຕິ ມານໍ ປຏິລຠຕິ, ຠວິສ຺ສນ຺ຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິຕ຺ຖໍ ຠວິສ຺ສນ຺ຕິ ວາ, ເອວໍ ຠວິສ຺ສນ຺ຕິ ວາ, ອຎ຺ຎຖາ ຠວິສ຺ສນ຺ຕິ ວາ.

(໖) ກຖຎ຺ຈ ອິຕ຺ຖໍ ຠວິສ຺ສນ຺ຕິ ໂຫຕິ? ຂຕ຺ຕິໂຍ ຠວິສ຺ສນ຺ຕິ ວາ, ພ຺ຣາຫ຺ມໂຓ ຠວິສ຺ສນ຺ຕິ ວາ, ເວສ຺ໂສ ຠວິສ຺ສນ຺ຕິ ວາ, ສຸທ຺ໂທ ຠວິສ຺ສນ຺ຕິ ວາ, ຄຫຏ຺ໂຐ ຠວິສ຺ສນ຺ຕິ ວາ, ປພ຺ພຊິໂຕ ຠວິສ຺ສນ຺ຕິ ວາ, ເທໂວ ຠວິສ຺ສນ຺ຕິ ວາ, ມນຸສ຺ໂສ ຠວິສ຺ສນ຺ຕິ ວາ, ຣູປີ ຠວິສ຺ສນ຺ຕິ ວາ, ອຣູປີ ຠວິສ຺ສນ຺ຕິ ວາ, ສຎ຺ຎີ ຠວິສ຺ສນ຺ຕິ ວາ, ອສຎ຺ຎີ ຠວິສ຺ສນ຺ຕິ ວາ, ເນວສຎ຺ຎີນາສຎ຺ຎີ ຠວິສ຺ສນ຺ຕິ ວາ – ເອວໍ ອິຕ຺ຖໍ ຠວິສ຺ສນ຺ຕິ ໂຫຕິ.

(໗) ກຖຎ຺ຈ ເອວໍ ຠວິສ຺ສນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ຕຖາຫໍ ຂຕ຺ຕິໂຍ ຠວິສ຺ສນ຺ຕິ ວາ, ຍຖາ ໂສ ພ຺ຣາຫ຺ມໂຓ ຕຖາຫໍ ພ຺ຣາຫ຺ມໂຓ ຠວິສ຺ສນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ຕຖາຫໍ ເນວສຎ຺ຎີນາສຎ຺ຎີ ຠວິສ຺ສນ຺ຕິ ວາ – ເອວໍ ຠວິສ຺ສນ຺ຕິ ໂຫຕິ.

(໘) ກຖຎ຺ຈ ອຎ຺ຎຖາ ຠວິສ຺ສນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ນາຫໍ ຕຖາ ຂຕ຺ຕິໂຍ ຠວິສ຺ສນ຺ຕິ ວາ, ຍຖາ ໂສ ພ຺ຣາຫ຺ມໂຓ ນາຫໍ ຕຖາ ພ຺ຣາຫ຺ມໂຓ ຠວິສ຺ສນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ນາຫໍ ຕຖາ ເນວສຎ຺ຎີນາສຎ຺ຎີ ຠວິສ຺ສນ຺ຕິ ວາ – ເອວໍ ອຎ຺ຎຖາ ຠວິສ຺ສນ຺ຕິ ໂຫຕິ.

(໙) ກຖຎ຺ຈ ອສສ຺ມີຕິ ໂຫຕິ? ກຎ຺ຈິ ຘມ຺ມໍ ອນວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ນິຈ຺ໂຈສ຺ມິ ຘຸໂວສ຺ມິ ສສ຺ສໂຕສ຺ມິ ອວິປຣິຓາມຘມ຺ໂມສ຺ມີຕິ – ເອວໍ ອສສ຺ມີຕິ ໂຫຕິ.

(໑໐) ກຖຎ຺ຈ ສາຕສ຺ມີຕິ ໂຫຕິ? ກຎ຺ຈິ ຘມ຺ມໍ ອນວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອຸຈ຺ຉິຊ຺ຊິສ຺ສາມິ ວິນສ຺ສິສ຺ສາມິ ນ ຠວິສ຺ສາມີຕິ – ເອວໍ ສາຕສ຺ມີຕິ ໂຫຕິ.

(໑໑) ກຖຎ຺ຈ ສິຍນ຺ຕິ ໂຫຕິ? ກຎ຺ຈິ ຘມ຺ມໍ ອນວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ສິຍນ຺ຕິ ຉນ຺ທໍ ປຏິລຠຕິ, ສິຍນ຺ຕິ ມານໍ ປຏິລຠຕິ, ສິຍນ຺ຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິຕ຺ຖໍ ສິຍນ຺ຕິ ວາ, ເອວໍ ສິຍນ຺ຕິ ວາ, ອຎ຺ຎຖາ ສິຍນ຺ຕິ ວາ.

(໑໒) ກຖຎ຺ຈ ອິຕ຺ຖໍ ສິຍນ຺ຕິ ໂຫຕິ? ຂຕ຺ຕິໂຍ ສິຍນ຺ຕິ ວາ, ພ຺ຣາຫ຺ມໂຓ ສິຍນ຺ຕິ ວາ, ເວສ຺ໂສ ສິຍນ຺ຕິ ວາ, ສຸທ຺ໂທ ສິຍນ຺ຕິ ວາ, ຄຫຏ຺ໂຐ ສິຍນ຺ຕິ ວາ, ປພ຺ພຊິໂຕ ສິຍນ຺ຕິ ວາ, ເທໂວ ສິຍນ຺ຕິ ວາ, ມນຸສ຺ໂສ ສິຍນ຺ຕິ ວາ, ຣູປີ ສິຍນ຺ຕິ ວາ, ອຣູປີ ສິຍນ຺ຕິ ວາ, ສຎ຺ຎີ ສິຍນ຺ຕິ ວາ, ອສຎ຺ຎີ ສິຍນ຺ຕິ ວາ, ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິຕ຺ຖໍ ສິຍນ຺ຕິ ໂຫຕິ.

(໑໓) ກຖຎ຺ຈ ເອວໍ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ຕຖາຫໍ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ຕຖາຫໍ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ຕຖາຫໍ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ເອວໍ ສິຍນ຺ຕິ ໂຫຕິ.

(໑໔) ກຖຎ຺ຈ ອຎ຺ຎຖາ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ນາຫໍ ຕຖາ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ນາຫໍ ຕຖາ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ນາຫໍ ຕຖາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອຎ຺ຎຖາ ສິຍນ຺ຕິ ໂຫຕິ.

(໑໕) ກຖຎ຺ຈ ອປາຫໍ ສິຍນ຺ຕິ ໂຫຕິ? ກຎ຺ຈິ ຘມ຺ມໍ ອນວກາຣິໍ ກຣິຕ຺ວາ ຣູປໍ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອປາຫໍ ສິຍນ຺ຕິ ຉນ຺ທໍ ປຏິລຠຕິ, ອປາຫໍ ສິຍນ຺ຕິ ມານໍ ປຏິລຠຕິ, ອປາຫໍ ສິຍນ຺ຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອປາຫໍ ອິຕ຺ຖໍ ສິຍນ຺ຕິ ວາ, ອປາຫໍ ເອວໍ ສິຍນ຺ຕິ ວາ, ອປາຫໍ ອຎ຺ຎຖາ ສິຍນ຺ຕິ ວາ.

(໑໖) ກຖຎ຺ຈ ອປາຫໍ ອິຕ຺ຖໍ ສິຍນ຺ຕິ ໂຫຕິ? ອປາຫໍ ຂຕ຺ຕິໂຍ ສິຍນ຺ຕິ ວາ, ອປາຫໍ ພ຺ຣາຫ຺ມໂຓ ສິຍນ຺ຕິ ວາ, ອປາຫໍ ເວສ຺ໂສ ສິຍນ຺ຕິ ວາ, ອປາຫໍ ສຸທ຺ໂທ ສິຍນ຺ຕິ ວາ, ອປາຫໍ ຄຫຏ຺ໂຐ ສິຍນ຺ຕິ ວາ, ອປາຫໍ ປພ຺ພຊິໂຕ ສິຍນ຺ຕິ ວາ, ອປາຫໍ ເທໂວ ສິຍນ຺ຕິ ວາ, ອປາຫໍ ມນຸສ຺ໂສ ສິຍນ຺ຕິ ວາ, ອປາຫໍ ຣູປີ ສິຍນ຺ຕິ ວາ, ອປາຫໍ ອຣູປີ ສິຍນ຺ຕິ ວາ, ອປາຫໍ ສຎ຺ຎີ ສິຍນ຺ຕິ ວາ, ອປາຫໍ ອສຎ຺ຎີ ສິຍນ຺ຕິ ວາ, ອປາຫໍ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອປາຫໍ ອິຕ຺ຖໍ ສິຍນ຺ຕິ ໂຫຕິ. (໑໗) ກຖຎ຺ຈ ອປາຫໍ ເອວໍ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອປາຫໍ ຕຖາ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ອປາຫໍ ຕຖາ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອປາຫໍ ຕຖາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອປາຫໍ ເອວໍ ສິຍນ຺ຕິ ໂຫຕິ.

(໑໘) ກຖຎ຺ຈ ອປາຫໍ ອຎ຺ຎຖາ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອປາຫໍ ນ ຕຖາ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ອປາຫໍ ນ ຕຖາ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອປາຫໍ ນ ຕຖາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອປາຫໍ ອຎ຺ຎຖາ ສິຍນ຺ຕິ ໂຫຕິ.

ອິມານິ ອຏ຺ຐາຣສ ຕຓ຺ຫາວິຈຣິຕານິ ອຊ຺ຌຕ຺ຕິກສ຺ສ ອຸປາທາຍ.

(໒) ພາຫິຣສ຺ສ ອຸປາທາຍ

໙໗໕. ຕຕ຺ຖ ກຕມານິ ອຏ຺ຐາຣສ ຕຓ຺ຫາວິຈຣິຕານິ ພາຫິຣສ຺ສ ອຸປາທາຍ? ອິມິນາ ອສ຺ມີຕິ ໂຫຕິ, ອິມິນາ ອິຕ຺ຖສ຺ມີຕິ ໂຫຕິ, ອິມິນາ ເອວສ຺ມີຕິ ໂຫຕິ, ອິມິນາ ອຎ຺ຎຖາສ຺ມີຕິ ໂຫຕິ, ອິມິນາ ຠວິສ຺ສນ຺ຕິ ໂຫຕິ, ອິມິນາ ອິຕ຺ຖໍ ຠວິສ຺ສນ຺ຕິ ໂຫຕິ, ອິມິນາ ເອວໍ ຠວິສ຺ສນ຺ຕິ ໂຫຕິ, ອິມິນາ ອຎ຺ຎຖາ ຠວິສ຺ສນ຺ຕິ ໂຫຕິ, ອິມິນາ ອສສ຺ມີຕິ ໂຫຕິ, ອິມິນາ ສາຕສ຺ມີຕິ ໂຫຕິ, ອິມິນາ ສິຍນ຺ຕິ ໂຫຕິ, ອິມິນາ ອິຕ຺ຖໍ ສິຍນ຺ຕິ ໂຫຕິ, ອິມິນາ ເອວໍ ສິຍນ຺ຕິ ໂຫຕິ, ອິມິນາ ອຎ຺ຎຖາ ສິຍນ຺ຕິ ໂຫຕິ, ອິມິນາ ອປາຫໍ ສິຍນ຺ຕິ ໂຫຕິ, ອິມິນາ ອປາຫໍ ອິຕ຺ຖໍ ສິຍນ຺ຕິ ໂຫຕິ, ອິມິນາ ອປາຫໍ ເອວໍ ສິຍນ຺ຕິ ໂຫຕິ, ອິມິນາ ອປາຫໍ ອຎ຺ຎຖາ ສິຍນ຺ຕິ ໂຫຕິ.

໙໗໖. (໑) ກຖຎ຺ຈ ອິມິນາ ອສ຺ມີຕິ ໂຫຕິ? ກຎ຺ຈິ ຘມ຺ມໍ ອວກາຣິໍ ກຣິຕ຺ວາ ຣູປໍ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອິມິນາ ອສ຺ມີຕິ ຉນ຺ທໍ ປຏິລຠຕິ, ອິມິນາ ອສ຺ມີຕິ ມານໍ ປຏິລຠຕິ, ອິມິນາ ອສ຺ມີຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິມິນາ ອິຕ຺ຖສ຺ມີຕິ ວາ, ອິມິນາ ເອວສ຺ມີຕິ ວາ, ອິມິນາ ອຎ຺ຎຖາສ຺ມີຕິ ວາ.

(໒) ກຖຎ຺ຈ ອິມິນາ ອິຕ຺ຖສ຺ມີຕິ ໂຫຕິ? ອິມິນາ ຂຕ຺ຕິໂຍສ຺ມີຕິ ວາ, ອິມິນາ ພ຺ຣາຫ຺ມໂຓສ຺ມີຕິ ວາ, ອິມິນາ ເວສ຺ໂສສ຺ມີຕິ ວາ, ອິມິນາ ສຸທ຺ໂທສ຺ມີຕິ ວາ, ອິມິນາ ຄຫຏ຺ໂຐສ຺ມີຕິ ວາ, ອິມິນາ ປພ຺ພຊິໂຕສ຺ມີຕິ ວາ, ອິມິນາ ເທໂວສ຺ມີຕິ ວາ, ອິມິນາ ມນຸສ຺ໂສສ຺ມີຕິ ວາ, ອິມິນາ ຣູປີສ຺ມີຕິ ວາ, ອິມິນາ ອຣູປີສ຺ມີຕິ ວາ, ອິມິນາ ສຎ຺ຎີສ຺ມີຕິ ວາ, ອິມິນາ ອສຎ຺ຎີສ຺ມີຕິ ວາ, ອິມິນາ ເນວສຎ຺ຎີນາສຎ຺ຎີສ຺ມີຕິ ວາ – ເອວໍ ອິມິນາ ອິຕ຺ຖສ຺ມີຕິ ໂຫຕິ.

(໓) ກຖຎ຺ຈ ອິມິນາ ເອວສ຺ມີຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ຕຖາຫໍ ຂຕ຺ຕິໂຍສ຺ມີຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ຕຖາຫໍ ພ຺ຣາຫ຺ມໂຓສ຺ມີຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ຕຖາຫໍ ເນວສຎ຺ຎີນາສຎ຺ຎີສ຺ມີຕິ ວາ – ເອວໍ ອິມິນາ ເອວສ຺ມີຕິ ໂຫຕິ.

(໔) ກຖຎ຺ຈ ອິມິນາ ອຎ຺ຎຖາສ຺ມີຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ນາຫໍ ຕຖາ ຂຕ຺ຕິໂຍສ຺ມີຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ນາຫໍ ຕຖາ ພ຺ຣາຫ຺ມໂຓສ຺ມີຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ນາຫໍ ຕຖາ ເນວສຎ຺ຎີນາສຎ຺ຎີສ຺ມີຕິ ວາ – ເອວໍ ອິມິນາ ອຎ຺ຎຖາສ຺ມີຕິ ໂຫຕິ.

(໕) ກຖຎ຺ຈ ອິມິນາ ຠວິສ຺ສນ຺ຕິ ໂຫຕິ? ກຎ຺ຈິ ຘມ຺ມໍ ອວກາຣິໍ ກຣິຕ຺ວາ ຣູປໍ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອິມິນາ ຠວິສ຺ສນ຺ຕິ ຉນ຺ທໍ ປຏິລຠຕິ, ອິມິນາ ຠວິສ຺ສນ຺ຕິ ມານໍ ປຏິລຠຕິ, ອິມິນາ ຠວິສ຺ສນ຺ຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິມິນາ ອິຕ຺ຖໍ ຠວິສ຺ສນ຺ຕິ ວາ, ອິມິນາ ເອວໍ ຠວິສ຺ສນ຺ຕິ ວາ, ອິມິນາ ອຎ຺ຎຖາ ຠວິສ຺ສນ຺ຕິ ວາ.

(໖) ກຖຎ຺ຈ ອິມິນາ ອິຕ຺ຖໍ ຠວິສ຺ສນ຺ຕິ ໂຫຕິ? ອິມິນາ ຂຕ຺ຕິໂຍ ຠວິສ຺ສນ຺ຕິ ວາ…ເປ… ອິມິນາ ອຣູປີ ຠວິສ຺ສນ຺ຕິ ວາ, ອິມິນາ ສຎ຺ຎີ ຠວິສ຺ສນ຺ຕິ ວາ, ອິມິນາ ອສຎ຺ຎີ ຠວິສ຺ສນ຺ຕິ ວາ, ອິມິນາ ເນວສຎ຺ຎີນາສຎ຺ຎີ ຠວິສ຺ສນ຺ຕິ ວາ – ເອວໍ ອິມິນາ ອິຕ຺ຖໍ ຠວິສ຺ສນ຺ຕິ ໂຫຕິ.

(໗) ກຖຎ຺ຈ ອິມິນາ ເອວໍ ຠວິສ຺ສນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ຕຖາຫໍ ຂຕ຺ຕິໂຍ ຠວິສ຺ສນ຺ຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ຕຖາຫໍ ພ຺ຣາຫ຺ມໂຓ ຠວິສ຺ສນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ຕຖາຫໍ ເນວສຎ຺ຎີນາສຎ຺ຎີ ຠວິສ຺ສນ຺ຕິ ວາ – ເອວໍ ອິມິນາ ເອວໍ ຠວິສ຺ສນ຺ຕິ ໂຫຕິ.

(໘) ກຖຎ຺ຈ ອິມິນາ ອຎ຺ຎຖາ ຠວິສ຺ສນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ນາຫໍ ຕຖາ ຂຕ຺ຕິໂຍ ຠວິສ຺ສນ຺ຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ນາຫໍ ຕຖາ ພ຺ຣາຫ຺ມໂຓ ຠວິສ຺ສນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ນາຫໍ ຕຖາ ເນວສຎ຺ຎີນາສຎ຺ຎີ ຠວິສ຺ສນ຺ຕິ ວາ – ເອວໍ ອິມິນາ ອຎ຺ຎຖາ ຠວິສ຺ສນ຺ຕິ ໂຫຕິ.

(໙) ກຖຎ຺ຈ ອິມິນາ ອສສ຺ມີຕິ ໂຫຕິ? ກຎ຺ຈິ ຘມ຺ມໍ ອວກາຣິໍ [ອວກາຣີ (ສີ.)] ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອິມິນາ ນິຈ຺ໂຈສ຺ມິ ຘຸໂວສ຺ມິ ສສ຺ສໂຕສ຺ມິ ອວິປຣິຓາມຘມ຺ໂມສ຺ມີຕິ – ເອວໍ ອິມິນາ ອສສ຺ມີຕິ ໂຫຕິ.

(໑໐) ກຖຎ຺ຈ ອິມິນາ ສາຕສ຺ມີຕິ ໂຫຕິ? ກຎ຺ຈິ ຘມ຺ມໍ ອວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອິມິນາ ອຸຈ຺ຉິຊ຺ຊິສ຺ສາມິ ວິນສ຺ສິສ຺ສາມິ ນ ຠວິສ຺ສາມີຕິ – ເອວໍ ອິມິນາ ສາຕສ຺ມີຕິ ໂຫຕິ.

(໑໑) ກຖຎ຺ຈ ອິມິນາ ສິຍນ຺ຕິ ໂຫຕິ? ກຎ຺ຈິ ຘມ຺ມໍ ອວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອິມິນາ ສິຍນ຺ຕິ ຉນ຺ທໍ ປຏິລຠຕິ, ອິມິນາ ສິຍນ຺ຕິ ມານໍ ປຏິລຠຕິ, ອິມິນາ ສິຍນ຺ຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິມິນາ ອິຕ຺ຖໍ ສິຍນ຺ຕິ ວາ, ອິມິນາ ເອວໍ ສິຍນ຺ຕິ ວາ, ອິມິນາ ອຎ຺ຎຖາ ສິຍນ຺ຕິ ວາ.

(໑໒) ກຖຎ຺ຈ ອິມິນາ ອິຕ຺ຖໍ ສິຍນ຺ຕິ ໂຫຕິ? ອິມິນາ ຂຕ຺ຕິໂຍ ສິຍນ຺ຕິ ວາ, ອິມິນາ ພ຺ຣາຫ຺ມໂຓ ສິຍນ຺ຕິ ວາ, ອິມິນາ ເວສ຺ໂສ ສິຍນ຺ຕິ ວາ, ອິມິນາ ສຸທ຺ໂທ ສິຍນ຺ຕິ ວາ, ອິມິນາ ຄຫຏ຺ໂຐ ສິຍນ຺ຕິ ວາ, ອິມິນາ ປພ຺ພຊິໂຕ ສິຍນ຺ຕິ ວາ, ອິມິນາ ເທໂວ ສິຍນ຺ຕິ ວາ, ອິມິນາ ມນຸສ຺ໂສ ສິຍນ຺ຕິ ວາ, ອິມິນາ ຣູປີ ສິຍນ຺ຕິ ວາ, ອິມິນາ ອຣູປີ ສິຍນ຺ຕິ ວາ, ອິມິນາ ສຎ຺ຎີ ສິຍນ຺ຕິ ວາ, ອິມິນາ ອສຎ຺ຎີ ສິຍນ຺ຕິ ວາ, ອິມິນາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິມິນາ ອິຕ຺ຖໍ ສິຍນ຺ຕິ ໂຫຕິ.

(໑໓) ກຖຎ຺ຈ ອິມິນາ ເອວໍ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ຕຖາຫໍ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ຕຖາຫໍ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ຕຖາຫໍ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິມິນາ ເອວໍ ສິຍນ຺ຕິ ໂຫຕິ.

(໑໔) ກຖຎ຺ຈ ອິມິນາ ອຎ຺ຎຖາ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ນາຫໍ ຕຖາ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ນາຫໍ ຕຖາ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ນາຫໍ ຕຖາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິມິນາ ອຎ຺ຎຖາ ສິຍນ຺ຕິ ໂຫຕິ.

(໑໕) ກຖຎ຺ຈ ອິມິນາ ອປາຫໍ ສິຍນ຺ຕິ ໂຫຕິ? ກຎ຺ຈິ ຘມ຺ມໍ ອວກາຣິໍ ກຣິຕ຺ວາ ຣູປໍ…ເປ… ເວທນໍ… ສຎ຺ຎໍ… ສງ຺ຂາເຣ… ວິຎ຺ຎາຓໍ ອິມິນາ ອປາຫໍ ສິຍນ຺ຕິ ຉນ຺ທໍ ປຏິລຠຕິ, ອິມິນາ ອປາຫໍ ສິຍນ຺ຕິ ມານໍ ປຏິລຠຕິ, ອິມິນາ ອປາຫໍ ສິຍນ຺ຕິ ທິຏ຺ຐິໍ ປຏິລຠຕິ. ຕສ຺ມິໍ ສຕິ ອິມານິ ປປຎ຺ຈິຕານິ ໂຫນ຺ຕິ – ອິມິນາ ອປາຫໍ ອິຕ຺ຖໍ ສິຍນ຺ຕິ ວາ, ອິມິນາ ອປາຫໍ ເອວໍ ສິຍນ຺ຕິ ວາ, ອິມິນາ ອປາຫໍ ອຎ຺ຎຖາ ສິຍນ຺ຕິ ວາ.

(໑໖) ກຖຎ຺ຈ ອິມິນາ ອປາຫໍ ອິຕ຺ຖໍ ສິຍນ຺ຕິ ໂຫຕິ? ອິມິນາ ອປາຫໍ ຂຕ຺ຕິໂຍ ສິຍນ຺ຕິ ວາ, ອິມິນາ ອປາຫໍ ພ຺ຣາຫ຺ມໂຓ ສິຍນ຺ຕິ ວາ, ອິມິນາ ອປາຫໍ ເວສ຺ໂສ ສິຍນ຺ຕິ ວາ, ອິມິນາ ອປາຫໍ ສຸທ຺ໂທ ສິຍນ຺ຕິ ວາ, ອິມິນາ ອປາຫໍ ຄຫຏ຺ໂຐ ສິຍນ຺ຕິ ວາ, ອິມິນາ ອປາຫໍ ປພ຺ພຊິໂຕ ສິຍນ຺ຕິ ວາ, ອິມິນາ ອປາຫໍ ເທໂວ ສິຍນ຺ຕິ ວາ, ອິມິນາ ອປາຫໍ ມນຸສ຺ໂສ ສິຍນ຺ຕິ ວາ, ອິມິນາ ອປາຫໍ ຣູປີ ສິຍນ຺ຕິ ວາ, ອິມິນາ ອປາຫໍ ອຣູປີ ສິຍນ຺ຕິ ວາ, ອິມິນາ ອປາຫໍ ສຎ຺ຎີ ສິຍນ຺ຕິ ວາ, ອິມິນາ ອປາຫໍ ອສຎ຺ຎີ ສິຍນ຺ຕິ ວາ, ອິມິນາ ອປາຫໍ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິມິນາ ອປາຫໍ ອິຕ຺ຖໍ ສິຍນ຺ຕິ ໂຫຕິ.

(໑໗) ກຖຎ຺ຈ ອິມິນາ ອປາຫໍ ເອວໍ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ອປາຫໍ ຕຖາ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ອປາຫໍ ຕຖາ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ອປາຫໍ ຕຖາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິມິນາ ອປາຫໍ ເອວໍ ສິຍນ຺ຕິ ໂຫຕິ.

(໑໘) ກຖຎ຺ຈ ອິມິນາ ອປາຫໍ ອຎ຺ຎຖາ ສິຍນ຺ຕິ ໂຫຕິ? ປຣປຸຄ຺ຄລໍ ອຸປນິຘາຍ ຍຖາ ໂສ ຂຕ຺ຕິໂຍ ອິມິນາ ອປາຫໍ ນ ຕຖາ ຂຕ຺ຕິໂຍ ສິຍນ຺ຕິ ວາ, ຍຖາ ໂສ ພ຺ຣາຫ຺ມໂຓ ອິມິນາ ອປາຫໍ ນ ຕຖາ ພ຺ຣາຫ຺ມໂຓ ສິຍນ຺ຕິ ວາ…ເປ… ຍຖາ ໂສ ເນວສຎ຺ຎີນາສຎ຺ຎີ ອິມິນາ ອປາຫໍ ນ ຕຖາ ເນວສຎ຺ຎີນາສຎ຺ຎີ ສິຍນ຺ຕິ ວາ – ເອວໍ ອິມິນາ ອປາຫໍ ອຎ຺ຎຖາ ສິຍນ຺ຕິ ໂຫຕິ.

ອິມານິ ອຏ຺ຐາຣສ ຕຓ຺ຫາວິຈຣິຕານິ ພາຫິຣສ຺ສ ອຸປາທາຍ.

ອິຕິ ອິມານິ ອຏ຺ຐາຣສ ຕຓ຺ຫາວິຈຣິຕານິ ອຊ຺ຌຕ຺ຕິກສ຺ສ ອຸປາທາຍ, ອິມານິ ອຏ຺ຐາຣສ ຕຓ຺ຫາວິຈຣິຕານິ ພາຫິຣສ຺ສ ອຸປາທາຍ, ຕເທກຊ຺ຌໍ ອຠິສຎ຺ຎູຫິຕ຺ວາ ອຠິສງ຺ຂິປິຕ຺ວາ ຉຕ຺ຕິໍສ ຕຓ຺ຫາວິຈຣິຕານິ ໂຫນ຺ຕິ. ອິຕິ ເອວຣູປານິ ອຕີຕານິ ຉຕ຺ຕິໍສ ຕຓ຺ຫາວິຈຣິຕານິ, ອນາຄຕານິ ຉຕ຺ຕິໍສ ຕຓ຺ຫາວິຈຣິຕານິ, ປຈ຺ຈຸປ຺ປນ຺ນານິ ຉຕ຺ຕິໍສ ຕຓ຺ຫາວິຈຣິຕານິ, ຕເທກຊ຺ຌໍ ອຠິສຎ຺ຎູຫິຕ຺ວາ ອຠິສງ຺ຂິປິຕ຺ວາ ອຏ຺ຐຕຓ຺ຫາວິຈຣິຕສຕໍ ໂຫຕິ.

໙໗໗. ຕຕ຺ຖ ກຕມານິ ທ຺ວາສຏ຺ຐິ ທິຏ຺ຐິຄຕານິ ພ຺ຣຫ຺ມຊາເລ ເວຍ຺ຍາກຣເຓ ວຸຕ຺ຕານິ ຠຄວຕາ? ຈຕ຺ຕາໂຣ ສສ຺ສຕວາທາ, ຈຕ຺ຕາໂຣ ເອກຈ຺ຈສສ຺ສຕິກາ, ຈຕ຺ຕາໂຣ ອນ຺ຕານນ຺ຕິກາ, ຈຕ຺ຕາໂຣ ອມຣາວິກ຺ເຂປິກາ, ທ຺ເວ ອຘິຈ຺ຈສມຸປ຺ປນ຺ນິກາ, ໂສຬສ ສຎ຺ຎີວາທາ, ອຏ຺ຐ ອສຎ຺ຎີວາທາ, ອຏ຺ຐ ເນວສຎ຺ຎີນາສຎ຺ຎີວາທາ, ສຕ຺ຕ ອຸຈ຺ເຉທວາທາ, ປຎ຺ຈ ທິຏ຺ຐຘມ຺ມນິພ຺ພານວາທາ – ອິມານິ ທ຺ວາສຏ຺ຐິ ທິຏ຺ຐິຄຕານິ ພ຺ຣຫ຺ມຊາເລ ເວຍ຺ຍາກຣເຓ ວຸຕ຺ຕານິ ຠຄວຕາຕິ.

ຂຸທ຺ທກວຕ຺ຖຸວິຠງ຺ໂຄ ນິຏ຺ຐິໂຕ.