໒. ອຠິຘມ຺ມຠາຊນີຍໍ

໑. ຣູປາວຈຣກຸສລໍ

໖໒໓. ຈຕ຺ຕາຣິ ຌານານິ – ປຐມໍ ຌານໍ, ທຸຕິຍໍ ຌານໍ, ຕຕິຍໍ ຌານໍ, ຈຕຸຕ຺ຖໍ ຌານໍ.

໖໒໔. ຕຕ຺ຖ ກຕມໍ ປຐມໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ທຸຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ຕິວງ຺ຄິກໍ ຌານໍ ໂຫຕິ – ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ທຸຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ຕຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ປີຕິຍາ ຈ ວິຣາຄາ…ເປ… ຕຕິຍໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຕຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ຈຕຸຕ຺ຖໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຈຕຸກ຺ກໍ.

໖໒໕. ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິວິຈ຺ເຈວ ກາເມຫິ ວິວິຈ຺ຈ ອກຸສເລຫິ ຘມ຺ເມຫິ ອວິຕກ຺ກໍ ວິຈາຣມຕ຺ຕໍ ວິເວກຊໍ ປີຕິສຸຂໍ ທຸຕິຍໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ຈຕຸຣງ຺ຄິກໍ ຌານໍ ໂຫຕິ – ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ທຸຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິຕກ຺ກວິຈາຣານໍ ວູປສມາ…ເປ… ຕຕິຍໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ຕິວງ຺ຄິກໍ ຌານໍ ໂຫຕິ – ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຕຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ປີຕິຍາ ຈ ວິຣາຄາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ສຸຂສ຺ສ ຈ ປຫານາ…ເປ… ປຎ຺ຈມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຎ຺ຈມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ປຎ຺ຈກໍ.

໒. ອຣູປາວຈຣກຸສລໍ

໖໒໖. ອິຘ ຠິກ຺ຂຸ ຍສ຺ມິໍ ສມເຍ ອຣູປູປປຕ຺ຕິຍາ ມຄ຺ຄໍ ຠາເວຕິ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

໓. ໂລກຸຕ຺ຕຣກຸສລໍ

໖໒໗. ຈຕ຺ຕາຣິ ຌານານິ – ປຐມໍ ຌານໍ, ທຸຕິຍໍ ຌານໍ, ຕຕິຍໍ ຌານໍ, ຈຕຸຕ຺ຖໍ ຌານໍ.

໖໒໘. ຕຕ຺ຖ ກຕມໍ ປຐມໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ທຸຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຕິວງ຺ຄິກໍ ຌານໍ ໂຫຕິ – ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ທຸຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ຕຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ປີຕິຍາ ຈ ວິຣາຄາ…ເປ… ຕຕິຍໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຕຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ຈຕຸຕ຺ຖໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ສຸຂສ຺ສ ຈ ປຫານາ …ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຈຕຸກ຺ກໍ.

໖໒໙. ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິວິຈ຺ເຈວ ກາເມຫິ ວິວິຈ຺ຈ ອກຸສເລຫິ ຘມ຺ເມຫິ ອວິຕກ຺ກໍ ວິຈາຣມຕ຺ຕໍ ວິເວກຊໍ ປີຕິສຸຂໍ ທຸຕິຍໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຈຕຸຣງ຺ຄິກໍ ຌານໍ ໂຫຕິ ວິຈາໂຣ ປີຕິ ສຸຂໍ ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ທຸຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິຕກ຺ກວິຈາຣານໍ ວູປສມາ…ເປ… ຕຕິຍໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຕິວງ຺ຄິກໍ ຌານໍ ໂຫຕິ – ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຕຕິຍໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ປີຕິຍາ ຈ ວິຣາຄາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ສຸຂສ຺ສ ຈ ປຫານາ…ເປ… ປຎ຺ຈມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຎ຺ຈມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ປຎ຺ຈກໍ.

໔. ຣູປາວຈຣວິປາກາ

໖໓໐. ຈຕ຺ຕາຣິ ຌານານິ – ປຐມໍ ຌານໍ, ທຸຕິຍໍ ຌານໍ, ຕຕິຍໍ ຌານໍ, ຈຕຸຕ຺ຖໍ ຌານໍ.

໖໓໑. ຕຕ຺ຖ ກຕມໍ ປຐມໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ກຸສລາ. ຕສ຺ເສວ ຣູປາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ທຸຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ກຸສລາ. ຕສ຺ເສວ ຣູປາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ…ເປ… ຕຕິຍໍ ຌານໍ…ເປ… ຈຕຸຕ຺ຖໍ ຌານໍ…ເປ… ປຐມໍ ຌານໍ…ເປ… ປຎ຺ຈມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຎ຺ຈມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ…ເປ….

໕. ອຣູປາວຈຣວິປາກາ

໖໓໒. ອິຘ ຠິກ຺ຂຸ ຍສ຺ມິໍ ສມເຍ ອຣູປູປປຕ຺ຕິຍາ ມຄ຺ຄໍ ຠາເວຕິ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ກຸສລາ. ຕສ຺ເສວ ອຣູປາວຈຣສ຺ສ ກຸສລສ຺ສ ກມ຺ມສ຺ສ ກຕຕ຺ຕາ ອຸປຈິຕຕ຺ຕາ ວິປາກໍ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

໖. ໂລກຸຕ຺ຕຣວິປາກາ

໖໓໓. ຈຕ຺ຕາຣິ ຌານານິ – ປຐມໍ ຌານໍ, ທຸຕິຍໍ ຌານໍ, ຕຕິຍໍ ຌານໍ, ຈຕຸຕ຺ຖໍ ຌານໍ.

໖໓໔. ຕຕ຺ຖ ກຕມໍ ປຐມໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ກຸສລາ. ຕສ຺ເສວ ໂລກຸຕ຺ຕຣສ຺ສ ກຸສລສ຺ສ ຌານສ຺ສ ກຕຕ຺ຕາ ຠາວິຕຕ຺ຕາ ວິປາກໍ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ ສຸຎ຺ຎຕໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ທຸຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ກຸສລາ. ຕສ຺ເສວ ໂລກຸຕ຺ຕຣສ຺ສ ກຸສລສ຺ສ ຌານສ຺ສ ກຕຕ຺ຕາ ຠາວິຕຕ຺ຕາ ວິປາກໍ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ …ເປ… ຕຕິຍໍ ຌານໍ…ເປ… ຈຕຸຕ຺ຖໍ ຌານໍ…ເປ… ປຐມໍ ຌານໍ…ເປ… ປຎ຺ຈມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ ສຸຎ຺ຎຕໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຎ຺ຈມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

໗. ຣູປາຣູປາວຈຣກິຣິຍາ

໖໓໕. ຈຕ຺ຕາຣິ ຌານານິ – ປຐມໍ ຌານໍ, ທຸຕິຍໍ ຌານໍ, ຕຕິຍໍ ຌານໍ, ຈຕຸຕ຺ຖໍ ຌານໍ.

໖໓໖. ຕຕ຺ຖ ກຕມໍ ປຐມໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປາວຈຣໍ ຌານໍ ຠາເວຕິ ກິຣິຍໍ ເນວ ກຸສລໍ ນາກຸສລໍ ນ ຈ ກມ຺ມວິປາກໍ ທິຏ຺ຐຘມ຺ມສຸຂວິຫາຣໍ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ປຎ຺ຈງ຺ຄິກໍ ຌານໍ ໂຫຕິ – ວິຕກ຺ໂກ, ວິຈາໂຣ, ປີຕິ, ສຸຂໍ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຐມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

ຕຕ຺ຖ ກຕມໍ ທຸຕິຍໍ ຌານໍ? ອິຘ ຠິກ຺ຂຸ ຍສ຺ມິໍ ສມເຍ ຣູປາວຈຣໍ ຌານໍ ຠາເວຕິ ກິຣິຍໍ ເນວ ກຸສລໍ ນາກຸສລໍ ນ ຈ ກມ຺ມວິປາກໍ ທິຏ຺ຐຘມ຺ມສຸຂວິຫາຣໍ ວິຕກ຺ກວິຈາຣານໍ ວູປສມາ…ເປ… ທຸຕິຍໍ ຌານໍ…ເປ… ຕຕິຍໍ ຌານໍ…ເປ… ຈຕຸຕ຺ຖໍ ຌານໍ…ເປ… ປຐມໍ ຌານໍ…ເປ… ປຎ຺ຈມໍ ຌານໍ ອຸປສມ຺ປຊ຺ຊ ວິຫຣຕິ ປຖວີກສິຓໍ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ປຎ຺ຈມໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາ.

໖໓໗. ອິຘ ຠິກ຺ຂຸ ຍສ຺ມິໍ ສມເຍ ອຣູປາວຈຣໍ ຌານໍ ຠາເວຕິ ກິຣິຍໍ ເນວ ກຸສລໍ ນາກຸສລໍ ນ ຈ ກມ຺ມວິປາກໍ ທິຏ຺ຐຘມ຺ມສຸຂວິຫາຣໍ ສພ຺ພໂສ ອາກິຎ຺ຈຎ຺ຎາຍຕນໍ ສມຕິກ຺ກມ຺ມ ເນວສຎ຺ຎານາສຎ຺ຎາຍຕນສຎ຺ຎາສຫຄຕໍ ສຸຂສ຺ສ ຈ ປຫານາ…ເປ… ຈຕຸຕ຺ຖໍ ຌານໍ ອຸປສມ຺ປຊ຺ຊ ວິຫຣຕິ, ຕສ຺ມິໍ ສມເຍ ທຸວງ຺ຄິກໍ ຌານໍ ໂຫຕິ – ອຸເປກ຺ຂາ, ຈິຕ຺ຕສ຺ເສກຄ຺ຄຕາ. ອິທໍ ວຸຈ຺ຈຕິ ‘‘ຈຕຸຕ຺ຖໍ ຌານໍ’’. ອວເສສາ ຘມ຺ມາ ຌານສມ຺ປຍຸຕ຺ຕາຕິ.

ອຠິຘມ຺ມຠາຊນີຍໍ.