໖. ປຕ຺ຕປິຓ຺ຑິກງ຺ຄກຖາວຓ຺ຓນາ

໒໙. ອປ຺ປຏິກູລໍ ກຕ຺ວາ ຠຸຎ຺ຊິຕຸໍ ວຏ຺ຏຕິ ປຏິກູລສ຺ສ ຠຸຕ຺ຕສ຺ສ ອຄຓ຺ຫນມ຺ປິ ສິຍາຕິ ອຘິປ຺ປາໂຍ. ປມາຓຍຸຕ຺ຕເມວ ຄຓ຺ຫິຕພ຺ພນ຺ຕິ ‘‘ເອກຠາຊນເມວ ຄຓ຺ຫາມີ’’ຕິ ພຫຸໍ ຄເຫຕ຺ວາ ນ ຉຑ຺ເຑຕພ຺ພໍ. ນານາຣສຕຓ຺ຫາວິໂນທນນ຺ຕິ ນານາຣສໂຠຊເນ ຕຓ຺ຫາຍ ວິໂນທນໍ. ອຕ຺ຣ ອຕ຺ຣ ນານາຠາຊເນ ຐິເຕ ນານາຣເສ ອິຈ຺ຉາ ເອຕສ຺ສາຕິ ອຕ຺ຣິຈ຺ໂຉ, ຕສ຺ສ ຠາໂວ ອຕ຺ຣິຈ຺ຉຕາ, ຕສ຺ສາ ອຕ຺ຣິຈ຺ຉຕາຍ ປຫານໍ. ອາຫາເຣ ປໂຍຊນມຕ຺ຕທສ຺ສິຕາຕິ ອສມ຺ຠິນ຺ນນານາຣເສ ເຄຘໍ ອກຕ຺ວາ ອາຫາເຣ ສຕ຺ຖາຣາ ອນຸຎ຺ຎາຕປໂຍຊນມຕ຺ຕທສ຺ສິຕາ. ວິສຸໍ ວິສຸໍ ຠາຊເນສຸ ຐິຕານິ ພ຺ຍຎ຺ຊນານິ ຄຓ຺ຫໂຕ ຕຕ຺ຖ ຕຕ຺ຖ ສາໂຠຄຕາຍ ສິຍາ ວິກ຺ຂິຕ຺ຕໂຠຊິຕາ, ນ ຕຖາ ອິມສ຺ສ ເອກປຕ຺ຕຄຕສຎ຺ຎິໂນຕິ ວຸຕ຺ຕໍ ‘‘ອວິກ຺ຂິຕ຺ຕໂຠຊິຕາ’’ຕິ. ໂອກ຺ຂິຕ຺ຕໂລຈໂນຕິ ປຕ຺ຕສຎ຺ຎິຕາຍ ເຫຏ຺ຐາຂິຕ຺ຕຈກ຺ຂຸ. ປຣິຠຸຎ຺ເຊຍ຺ຍາຕິ ປຣິຠຸຎ຺ຊິຕຸໍ ສກ຺ກຸເຓຍ຺ຍ.

ອິຕິ ປຕ຺ຕປິຓ຺ຑິກງ຺ຄກຖາວຓ຺ຓນາ.