໔໘. ຫິສ຺ສ+ໂຕ ໂລໂປ

ອໂຕ ປຣສ຺ສ ຫິສ຺ສ ວາ ໂລໂປ ໂຫຕິ. ຕ຺ວໍ ສຸຂີ ຠວ ຠວາຫິ, ຫິມ຺ຫິ ທີໂຆ. ‘‘ເອຍ຺ຍາຖາ’’ທິນາ ວ຺ໂຫກ, ຕຸມ຺ເຫ ສຸຂິຕາ ຠວຖວ຺ໂຫ ຠວຖ. ອຫໍ ສຸຂີ ຠວາມິ, ມຍໍ ສຸຂິໂນ ຠວາມ. ປຣຈ຺ຉກ຺ເກ-ຕຖາ ຠວຕໍ, ຠວນ຺ຕໍ. ຠວສ຺ສຸ, ຠວວ຺ໂຫ. ຠເວ ຠວາມເສ. ກມ຺ເມ-ຕຍາ ອນຸຠູຍຕຸ, ອນຸຠູຍນ຺ຕຸ ອິຈ຺ຈາທິ. ຠາເວ-ຠູຍຕຸ, ຠູຍຕໍ.

ອາຓຕ຺ຕິຍໍ-ເທວທຕ຺ໂຕ ທານິ ໂອທນໍ ປຈຕຸ, ປຈນ຺ຕຸ ອິຈ຺ຈາທິ. ກມ຺ເມ-ເຕນ ໂອທໂນ ປຈ຺ຈຕຸ ອິຈ຺ຈາທິ. ຕຖາ ໂສ ຄາມໍ ຄຈ຺ຉຕຸ ອິຈ຺ຈາທິ. ‘‘ອູ ລສ຺ເສ’’ຕິ ລສ຺ເສ+ກາເຣ ຄເມຕຸ, ຄເມນ຺ຕຸ ອິຈ຺ຈາທິ. ຆມ຺ມາເທເສ ຆມ຺ມຕຸ, ຆມ຺ມນ຺ຕຸ ອິຈ຺ຈາທິ. ກມ຺ເມ-ຄຈ຺ຉີຍຕຸ ອິຈ຺ຈາທິ. ຕຖາ ຄມີຍຕຸ ອິຈ຺ຈາທິ.

ວິຘິມ຺ຫິ-ລສ຺ສ ໂລເປ ລຸຕ຺ເຕ ວຸທ຺ຘິ, ອິຘ ປພ຺ພໂຕ ໂຫຕຸ.

ນິມນ຺ຕເນ-ອຘິວາເສຖ ຕຸມ຺ເຫ ຠນ຺ເຕ ຠຄວາ ໂຠຊນໍ, ວສຕິສ຺ສ ‘‘ຈຸຣາທິໂຕ ຓີ’’ຕິ ຓິມ຺ຫິ ‘‘ອສ຺ສາ ຓານຸພນ຺ເຘ’’ຕິ ອາ, ‘‘ຍຸວຓ຺ຓານ+ເມໂອ ປຈ຺ຈເຍ’’ຕິ ເອ ຈ ໂຫຕິ. ອິຘ ນິສ຺ສີທຕຸ ຠວໍ, ສທສ຺ສ ‘‘ຊຣ+ສທານ+ມີມ ວາ’’ຕິ ອີມ, ມນຸພນ຺ຘຕ຺ຕາ ອນ຺ຕສຣໂຕ ອີມ.

ອຊ຺ເຌສເນ-ເທເສຕຸ ຠນ຺ເຕ ຠຄວາ ຘມ຺ມໍ, ເອຕ຺ຖ ຈຸຣາທິຕ຺ຕາ ປຸຣິມສມໍ.

ອນຸມຕິຍໍ-ປຸຈ຺ຉ ວາສວ ມໍ ປຎ຺ຫໍ, ປວິສຕຸ ຠວໍ. ເອຕ຺ຖ ປຸຈ຺ຉໂຕ ຫິສ຺ສ ໂລໂປ. ເອວໍ ນິສີທ.

ປຕ຺ຖນາ=ຍາຈນາ, ຕຕ຺ຣ-ທທ=ທາເນ, ທທາຫິ ເມ ຄາມວຣານິ ປຎ຺ຈ, ທາໂຕ ລສ຺ສ ເອກາເຣ ຈ ເອກໍ ເມ ນຍນໍ ເທຫິ.

ປຕ຺ຕກາເລ-ສມ຺ປຕ຺ໂຕ ເຕ ກາໂລ ກຏກຣເຓ, ກຏໍ ກໂຣຕຸ ຠວໍ. ເອຕ຺ຖ ‘‘ຕນາທິຕ຺ໂວ’’ຕິ ໂອ.

ຕ຺ວາທີ ເອຍ຺ຍາທໂຍ ວຕ຺ຕ-ມານາ ສມ຺ປຕິ,+ນາຄເຕ;

ຠວິສ຺ສຕິ, ປໂຣກ຺ຂາທິ-ຈຕ຺ຕາໂຣ+ຕີຕກາລິກາ.