໕,໑໗໓. ຄມ ຍມິ+ສາ+ສ ທິສານໍ ວາ ຈ຺ຉງ

ເອເຕສໍ ວາ ຈ຺ຉງ ໂຫຕິນ຺ຕ+ມານ+ຕ຺ຍາທີສຸ. ໂສ ສຄ຺ຄໍ ຄຈ຺ຉຕິ ຄເມຕິ, ຄຈ຺ຉນ຺ຕິ ອິຈ຺ຈາທິ. ກມ຺ເມ-ຄຈ຺ຉີຍຕິ ຄມີຍຕິ ອິຈ຺ຈາທິ. ຍມ=ອຸປຣເມ, ປໂຣກ຺ຂາອນຊ຺ຊຕນຣູປານິ ສພ຺ພຕ຺ຖ ປໂຍຄ+ມນຸຄມ຺ມ ໂຍເຊຕພ຺ພານິ. ນິປຸພ຺ໂພ, ນິຍຈ຺ຉຕິ ນິຍມຕິ, ນິຍຈ຺ຉນ຺ຕິ ນິຍມນ຺ຕິ. ສໍປຸພ຺ໂພ, ‘‘ເຍ ສໍສ຺ສາ’’ຕິ ຎ຺ຎຕ຺ຕໍ, ສຎ຺ຎມຕິ, ສຎ຺ຎມນ຺ຕິ. ກມ຺ເມ-ນິຍຈ຺ຉີຍຕິ ນິຍມີຍຕິ ນິຍມ຺ມຕິ, ສຎ຺ຎມີຍຕິ ວາ. ຕຖາ ນິຍຈ຺ຉິສ຺ສຕິ, ສຎ຺ຎມິສ຺ສຕິ. ນິຍຈ຺ຉິ, ສໍຍມິ. ນິຍຈ຺ຉິສ຺ສ, ສໍຍມິສ຺ສ. ນິຍຈ຺ເຉຍ຺ຍ, ສໍຍເມຍ຺ຍ. ນິຍຈ຺ຉຕຸ, ສຎ຺ຎມຕຸ. ອິສ+ສິໍສ=ອິຈ຺ຉາຍໍ, ໂສ ສຄ຺ຄໍ ອິຈ຺ຉຕິ, ອິຈ຺ຉນ຺ຕິ ອິຈ຺ຈາທິ. ‘‘ລຫຸສ຺ສຸປນ຺ຕສ຺ສາ’’ຕິ ວຸທ຺ຘິມ຺ຫິ ເອສຕິ, ເອສນ຺ຕິ ອິຈ຺ຈາທິ. ກມ຺ເມ-ອິຈ຺ຉີຍຕິ, ‘‘ວາ ກ຺ວຈີ’’ຕິ ວຸທ຺ຘິມ຺ຫິ ເອສີຍຕິ. ປຸພ຺ພຣູເປ ອິສ຺ສຕິ ອິສ຺ສເຕ ອິຈ຺ຈາທິ. ອິຈ຺ຉິສ຺ສຕິ ເອສິສ຺ສຕິ ອິຈ຺ຈາທິ. ອິຈ຺ຉິ ເອສິ. ອິຈ຺ຉິສ຺ສ ເອສິສ຺ສ. ອິຈ຺ເຉຍ຺ຍ ເອເສຍ຺ຍ. ອິຈ຺ຉຕຸ ເອສຕຸ ອິຈ຺ຈາທິ. ອາສ=ອຸປເວສເນ, ໂສ ອາສເນ ອຈ຺ຉຕິ ອິຈ຺ຈາທິ. ‘‘ພ຺ຍຎ຺ຊເນ ທີຆຣສ຺ສາ’’ຕິ ຣສ຺ໂສ, ອຸປປຸພ຺ໂພ, ຕຖາ ອຸປາສຕິ. ອຈ຺ຉິສ຺ສຕິ ອຸປາສິສ຺ສຕິ. ອຈ຺ຉິ ອຸປາສິ. ອຈ຺ຉິສ຺ສ ອຸປາສິສ຺ສ. ອຈ຺ເຉຍ຺ຍ ອຸປາເສຍ຺ຍ. ອຈ຺ຉຕຸ ອຸປາສຕຸ ອິຈ຺ຈາທິ. ທິສ=ເປກ຺ຂເນ, ທິຈ຺ຉຕິ ທິຈ຺ຉນ຺ຕິ ອິຈ຺ຈາທິ ສພ຺ພໍ ປຸຣິມສມໍ. ລຠ=ລາເຠ, ອິໂຕ ປຣໍ ວິເສສຏ຺ຐານເມວວກ຺ຂາມ, ສພ຺ພວາໂຣ ວຸຕ຺ຕານຸສາເຣນ ຄເຫຕພ຺ໂພ. ລຠຕິ, ລຠນ຺ຕິ ອິຈ຺ຈາທິ. ກມ຺ເມ-ກ຺ຍສ຺ສ ປຸພ຺ພຣູປາທິມ຺ຫິ ກເຕ ລພ຺ຠຕິ ອິຈ຺ຈາທິ.