໖໙. ສພ຺ພາທໂຍ ວຸຕ຺ຕິມຕ຺ເຕຕິ

ອິຕ຺ຖິວາຈກາ ສພ຺ພາທໂຍ ວຸຕ຺ຕິມຕ຺ເຕ ປຸເມວ ໂຫນ຺ຕິ. ເອວໍ ປຸພ຺ພຸຕ຺ຕຣາ, ອປຣທກ຺ຂິຓາ, ປຈ຺ຉິມຸຕ຺ຕຣາ. ປຸພ຺ພາ ຈ ສາ ທກ຺ຂິຓາ ເຈຕິ ວາ.

໙. ພ຺ຍຕິຫາຣລກ຺ຂໂຓ ຍຖາ – ‘‘ຕຕ຺ຖ ຄເຫຕ຺ວາ ເຕນ ປຫຣິຕ຺ວາ ຍຸທ຺ເຘ ສຣູປໍ’’ຕິ ສຸຕ຺ເຕນ ສມາເສ ກເຕ ເກເສສຸ ຈ ເກເສສຸ ຈ ຄເຫຕ຺ວາ ຍຸທ຺ຘໍ ປວຕ຺ຕໍ ເກສາເກສີ, ທຓ຺ເຑຫິ ຈ ທຓ຺ເຑຫິ ຈ ປຫຣິຕ຺ວາ ຍຸທ຺ຘໍ ປວຕ຺ຕໍ ທຓ຺ຑາທຓ຺ຑີຕິ ໂຫຕິ. ເອຕ຺ຖ ຈ ‘‘ຈີ ວີຕິຫາເຣ’’ຕິ ຈີປຈ຺ຈເຍ ‘‘ຈິສ຺ມິໍ’’ຕິ ອາກາໂຣ, ເອວໍ ມຸຏ຺ຐາມຸຏ຺ຐີ.

ໂສຠໂຓ ຄນ຺ໂຘ ສຸຄນ຺ໂຘ, ໂສ ອສ຺ສ ອຕ຺ຖີຕິ ສຸຄນ຺ຘີຫິ ອຕ຺ຖິອຕ຺ເຖ ອີປຈ຺ຈເຍນ ສິທ຺ຘໍ. ຍສ຺ມາ ຈ ຠທ຺ທາຍ ກາປິລານິຍາ ອປທາເນ ‘‘ປຸໂນ ປຕ຺ຕໍ ຄເຫຕ຺ວານ, ໂສຘຍິຕ຺ວາ ສຸຄນ຺ຘິນາ’’ຕິ ວຸຕ຺ຕໍ, ຕສ຺ມາ ວຸຕ຺ຕິຍໍ ອິກາຣນ຺ຕສ຺ສ ອຠາວທີປນຕ຺ຖໍ ‘‘ສຸຄນ຺ຘິ ທຸຄ຺ຄນ຺ຘີຕິ ປໂຍຄາ ນ ທິສ຺ສຕີ’’ຕິ ວຸຕ຺ຕໍ. ສຸຄນ຺ຘິນາຕິ ເອກວຈເນ ຣສ຺ໂສ.