໙໔. ກ຺ວິມ຺ຫິ

ນນຸ ກິມຕ຺ຖມນ຺ຕຄ຺ຄຫຓໍ ຍໂຕ ‘‘ກ຺ວິມ຺ຫິ ໂລໂປ-ນ຺ຕພ຺ຍຎ຺ຊນສ຺ສາ’’ຕິ ວຸຕ຺ຕໍ, ‘‘ຉຏ຺ຐິຍນ຺ຕສ຺ສາ’’ຕິ (໑-໑໗) ອນ຺ຕສ຺ເສວ ໂລໂປ ສິຍາຕິ ໂຈທນໍ ມນສິ ນິຘາຍ ຕຄ຺ຄຫເຓ ປໂຍຊນໍ ທສ຺ເສນ຺ໂຕ ອາຫ- ‘ອນ຺ຕຄ຺ຄຫຓ’ມິຈ຺ຈາທິ. ໂລປວິຘີສູຕິ (ວີອາທິໂລປວິຘີສຸ, ຉຏ຺ຐີ ນິທ຺ທິຏ຺ຐນ຺ຕິ) ‘‘ວີມນ຺ຕຸ ວນ຺ຕູ’’ນ຺ຕິ (໔-໑໓໘) ຉຏ຺ຐີນິທ຺ທິຏ຺ຐໍ. ຠທນ຺ຕວິຘິຈຣິຕຕ຺ຕພ຺ຍາປາຣໍ [ຕທນ຺ຕວິຘິຈິຣເຠທນາຈ຺ຈນພ຺ຍາປາຣໍ (ໂປຕ຺ຖເກ)] ນິສ຺ສາຍາຫ- ‘ຉຏ຺ຐິຍນ຺ຕສ຺ສາ’’ຕີ ພ຺ຍາປາຣາ’ຕິ. ອນ຺ຕສ຺ສາຕິ ວີອາທີນມີກາຣາທິໂນ. ອຎ຺ຎຖາຕິ ສພ຺ພາປຫາຣິໂລປຎ຺ຎາປນາຠາເວ. ອນຕ຺ຖກໍ ສິຍາ ‘‘ຉຏ຺ຐິຍນ຺ຕສ຺ສາ’’ຕິມສ຺ສ ພ຺ຍາປາຣສມ຺ຠາວາ. ອິທານິ ຉຏ຺ຐີນິທ຺ທິຏ຺ຐານໍ ວິເສເສນ ວຕ຺ຕຸມິຈ຺ຉິຕ຺ຕໍ ອນ຺ຕສ຺ເສວ ໂລປປຕ຺ຕິໂທສໍ ທສ຺ເສຕຸມາຫ- ‘ຕທນ຺ເຕ’ຈ຺ຈາທິ.