໘໕. ນເຕ

ປຸຈ຺ຉີຍິຕ຺ຖາຕິ ວິຄ຺ຄຍ຺ຫ ຕ຺ໂຕ, ຕສ຺ສ ‘‘ປຸຈ຺ຉາທິໂຕ’’ຕິ (໕-໑໔໓) ໂຐ. ເສສໍ ວຸຕ຺ຕນຍເມວ. ເອ ໂອນມ຺ປຏິເສຘມຸເຂນາຕິ ເອໂອນມ຺ປຏິເສຘສ຺ສ ປກຕຕ຺ຕາ ວຸຕ຺ຕໍ. ຈິນິຕພ຺ພນ຺ຕິອາທີສຸ ຈີຍິຕ຺ຖ ຈີຍຕິ ວາຕິອາທິນາ ວິຄ຺ຄໂຫ. ຈິນິຕຸນ຺ຕິອາທີສຸ ຈິນນາ ຍາຕິ(ອາທິນາ). ນນຸ ຈ (ຎິອາຄ)ໂມ, ນ ປຈ຺ຈໂຍຕິ ກຖມ຺ປຈ຺ຈເຍ ‘‘ລຫຸສ຺ສຸປນ຺ຕສ຺ສາ’’ຕິ (໕-໘໓) ເອໂອ ປປ຺ໂປນ຺ຕິ ກຖຎ຺ເຈ ສມ຺ປຏິເສໂຘຈ຺ຈາສງ຺ກິຍາຫ- ‘ຎິສ຺ເສ’ຈ຺ຈາທິ. ນນຸຈາທິມ຺ຫິ ນ ຍຸວຓ຺ຓາຠິ ກຖເມຕ຺ຖປ຺ປສງ຺ໂຄຕິ ອາຫ- ‘ສກາປານໍ ກຸກ຺ກູເຓຕິ’ຈ຺ຈາທິ.

ປຕ຺ໂຕກາຣສ຺ສາຕິ ຘຸສທ຺ເທ ອຸກາຣສ຺ສ ປຕ຺ໂຕກາຣສ຺ສ. ຍຸວຓ຺ເຓຈ຺ຈາທິນາປຕ຺ຕສ຺ສາຕິ (ຕພ຺ພ) ຕຸໍ ປຈ຺ຈເຍສຸ ຈ ຓິໂນ ປຕ຺ຕສ຺ສ. ວາ ວິຘານາ ນ ຎິ. ຘຸນາເປຕພ຺ພນ຺ຕິອາທິປາເຐ ຎິມ຺ຫິ ອກເຕ ‘‘ອຎ຺ຎຕ຺ຣາປີ’’ຕິ (໕-໘໗) ປຏິເສຘາຠາໂວ. ຘຸນາເປຕີຕິ ປາເຐຕິມ຺ຫິ ເລ ຈ ‘‘ກ຺ວຈິ ວິກຣຓານ’’ນ຺ຕິ (໕-໑໖໑) ວິກຣຓໂລເປ ຈ ເອກາໂຣ. ອສຕິ ນາຄເມ ‘‘ຍຸວຓ຺ເຓ’’ຈ຺ຈາທິນາ ເອຕ຺ຕໍ ສິຍາ ຕມ຺ປິນາຄເມ ອຸປນ຺ຕຕ຺ຕາ ເນຕ຺ຍຘິປ຺ປາເຍນາຫ- ‘ຕຖາປິ’ຈ຺ຈາທິ. ປກ຺ຂນ຺ຕຣມາຫ- ‘ນາຄເມ’ຈ຺ຈາທິ.