໖໙. ຂຉ

ຂຉສານນ຺ຕິ ວຸຕ຺ເຕ ຕທນ຺ຕຄ຺ຄຫຓໍ ກຖມິຈ຺ຈາຫ- ‘ປຈ຺ຈຍຄ຺ຄຫເຓ’ຈ຺ຈາທິ. ພ຺ຍາຂ຺ຍາຕຕ຺ຖໍ, ນນຸ ສຸຕ຺ເຕ ເອກສ຺ສໂຣຕິ ປຸລ຺ລິງ຺ເຄນ ນິທ຺ເທໂສ, ອາທີຕິ ຈ ຕພ຺ພິເສສນໍ, ເອວໍ ສຕິ ນປຸໍສເກນ ວິວຣຓໍ ກຖໍ ຍຸຊ຺ຊຕີຕິ ອາຫ- ‘ສທ຺ເທ’ຈ຺ຈາທິ, ອຖ ຊາຄເຣຈ຺ຈາໂທ ປຸຖຄວຍເວກສ຺ສຣສ຺ສ ຊາຄຣສທ຺ທສ຺ສ ຈ ປຈ຺ເຈກໍ ກສ຺ມາ ນ ທ຺ວິຠາໂວຈ຺ຈາຫ- ‘ເຕເນເວ’ຈ຺ຈາທິ.

ເຕເນວາຕິອາທີຕິ ເອກສ຺ສໂຣຈ຺ຈສ຺ສ ວິເສສນຕ຺ຕເຫຕຸນາວ. ອວຍເວກສ຺ສຣສ຺ສາຕິ ວິເສສນສມາໂສ ‘ອວຍໂວ ຈ ໂສ ເອກສ຺ສໂຣ ເຈ’ຕິ. ອຖາທີຫິ ເອກສ຺ສຣວິເສສນຕ຺ເຕປ຺ຍວຍເວກສ຺ສຣສ຺ສ ກສ຺ມາ ນ ທ຺ວິຠາໂວຈ຺ຈາຫ- ‘ເອກສ຺ເສວາທິຕ຺ຕາ’ຕິ.

ອິຕຣສ຺ສາຕິ ປຐເມກສ຺ສຣໂຕ-ຎາສ຺ສາວຍເວກສ຺ສສຣສ຺ສ. ໂທສທຸຏ຺ຐຕ຺ຕາ ເນຕ຺ຖ ວິເສສນສມາໂສຕິ ວຕ຺ຕຸມາຫ- ‘ເອກສ຺ສໂຣຕິ’ຈ຺ຈາທິ. ຕຖາ ສຕິ ໂກ ໂທໂສຕິ ອາຫ- ‘ເອໂກ ເຈ’ຈ຺ຈາທິ. ສໂຣທີຕິ ຈ ວຸຕ຺ເຕ ‘ອີຫ-ຆຏເນ’ຈ຺ຈາທີນເມວ ສິຍາ.

ນນຸ ຈ ປຈຕິມ຺ຫິ ເຍເນວາກາເຣນ ປຈສທ຺ໂທ ເອກສ຺ສໂຣ ເຕເນວ ຕທວຍວາປິ ອຈ຺ສທ຺ໂທ ປສທ຺ໂທ ຈ ເອກສ຺ສໂຣ, ຕໂຕວາວຍວານມ຺ປິ ປຈ຺ເຈກໍ ທ຺ວິພ຺ພຈນໍ ປປ຺ໂປຕິ… ທ຺ວິພ຺ພຈນກາຣິຍິໂນ ອາທິສ຺ສ ເອກສ຺ສຣສ຺ສ ສາມຎ຺ເຎນ ນິທ຺ເທສາ, ເອວຎ຺ຈ ສມຸທາຍສ຺ສ ຕທວຍວານຎ຺ເຈກສ຺ສຣານໍ ວິສຸໍ ທ຺ວິພ຺ພຈເນ ກເຕ ອນິຏ຺ຐມ຺ປປ຺ໂປຕີຕີທມປາກຕ຺ຕຸມາຫ- ‘ສກິໍສຕ຺ຖປ຺ປວຕ຺ຕິຍາ ສາວຍວສ຺ສ ສມຸທາຍສ຺ສ ຄຫຓ’ນ຺ຕິ. ສກິໍ ສຕ຺ຖປ຺ປວຕ຺ຕິຍາ ເອກວາຣໍ ທ຺ວິພ຺ພຈນສຸຕ຺ຕສ຺ສ ປວຕ຺ຕິຍາ ທ຺ວິພ຺ພຈນກຣເຓນາຕິ ວຸຕ຺ຕໍ ໂຫຕິ.

ສາວຍວສ຺ສາຕິ ຍຖາວຸຕ຺ຕາວຍເວຫິ ສຫ ວຕ຺ຕມານສ຺ສ ນ ວິນາ ເຕຫິ. ເອວໍ ມຎ຺ຎເຕ ‘‘ຍສ຺ສ ທ຺ວິພ຺ພຈເນ ກຣີຍມາເນ ສພ຺ເພສມວຍວານໍ ຄຫຓໍ ຠວຕິ, ຕສ຺ເສວ ສມຸທາຍສ຺ສ ທ຺ວິພ຺ພຈນໍ ຍຸຕ຺ຕໍ ນາວຍວານໍ, ເຕສຎ຺ຫິ ທ຺ວິພ຺ພຈເນ ເອກາຍ ທ຺ວິພ຺ພຈນສ຺ສຸປ຺ປຕ຺ຕິຍາ ນ ສພ຺ເພສໍ ຄຫຓໍ ກຕໍ ໂຫຕິ ນາວຍວນ຺ຕສ຺ສ ສມຸທາຍສ຺ສ ຈ ກຕນ຺ຕິ ປຸນ ເຕສໍ ທ຺ວິພ຺ພຈນາຍ ສຕ຺ຖປ຺ປວຕ຺ຕິຍາ ຠວິຕພ຺ພ’’ນ຺ຕິ. ອຸປປຕ຺ຕນ຺ຕຣມາຫ- ‘ອຖເວ’ຈ຺ຈາທິ. ອິຫ ຐາເນ ທ຺ວິພ຺ພຈນໍ ທ຺ວິປ຺ປໂຍໂຄ ທ຺ວິພ຺ພຈນນ຺ຕິ ທ຺ເວ ປກ຺ຂາ. ຕຕ຺ຣ ຐາເນ ທ຺ວິພ຺ພຈນປກ຺ເຂ ໂທສທສ຺ສນໂຕ ທ຺ວິປ຺ປໂຍໂຄ ທ຺ວິພ຺ພຈນນ຺ຕ຺ຍຍເມວ ປກ຺ໂຂພ຺ຠຸປຄໂຕຕິ ທສ຺ເສນ຺ໂຕ ປຐມນ຺ຕາວ ຐາເນ ທ຺ວິພ຺ພຈນປກ຺ເຂ ຠາວິນໍ ໂທສມາຫ- ‘ປຐມສ຺ເສກສ຺ສຣສ຺ສິ’ຈ຺ຈາທິ. ທ຺ວິສທ຺ໂທ ສງ຺ຂ຺ເຍຍ຺ເຍ ວຕ຺ຕເຕ.

ສງ຺ຂ຺ເຍຍ຺ຍຎ຺ເຈຕ຺ຖ ສທ຺ທຣູປມຸຈ຺ຈາຣຓໍ ວາ, ຕຕ຺ຖ ອຸຈ຺ຈາຣເຓ ສງ຺ຂ຺ເຍຍ຺ເຍ ຐາເນ ທ຺ວິພ຺ພຈນໍ ນ ສມ຺ຠວຕິ… ອຸຈ຺ຈາຣຓສ຺ສ ສທ຺ທາ(ນຸຄຕ) ຘມ຺ມຕ຺ຕາ. ສທ຺ທຣູເປ ສງ຺ຂ຺ເຍຍ຺ເຍ ຐາເນ ທ຺ວິພ຺ພຈນໍ, ຕຕ຺ຖ [ຕຎ຺ຈ (ໂປຕ຺ຖເກ)] ໂທໂສ. ຕຖາ ຈາຫ- ‘ຣູປທ຺ວເຍ ວິຘີຍມາເນ’ຕິ. ຕຖາ ສຕິ ນິວຸຕ຺ຕິຘມ຺ເມ ຐານີ ຠວຕີຕິ ຐານິໂນ ນິວຸຕ຺ຕິຍາ ຠວິຕພ຺ພໍ, ນິວຸຕ຺ຕິຍາ ຈ ຘາຕຸຕ຺ຕາ ນິວຸຕ຺ຕິ, ເຕນາຫ- ‘ປກຕິປ຺ປຈ຺ຈຍວິຠາຄາຠາວໂຕ’ຕິ. ເຕນ ປ຺ປຈ຺ຈເຍ ປເຣ ປກຕິຍາ ວິຘີຍມານໍ ກາຣິຍໍ ນ ສິຍາ, ເຕນ ວຸຕ຺ຕໍ- ‘ອສ຺ສ ອິຕ຺ຕໍ ນ ສິຍາ’ຕິ. ປິປາສຕິ ‘ປາ=ປາເນ’. ອິຈ຺ຉາຍໍ ປາຕຸນ຺ຕິຕຸມນ຺ຕາ ‘‘ຕຸໍສ຺ມາ’’ຈ຺ຈາທິນາ (໕-໖໑) ໂສ. ‘ປາສ ປາສ’ ອິຕິ ທ຺ວິຕ຺ເຕ ປຸພ຺ພໂຕ-ຎ຺ຎສ຺ສ ໂລໂປ, ‘‘ຣສ຺ໂສ ປຸພ຺ພສ຺ສ’’ (໕-໗໔) ‘ຂ ຉ ເສສ຺ວສ຺ສິ. ທ຺ວິປ຺ປໂຍເຄ ຕຸ ທ຺ວິພ຺ພຈເນ ນາຍໍ ໂທໂສ ສມາວິສຕີຕິ ອາຫ- ‘ອາວຸຕ຺ຕິຍໍ ຕິ’ຈ຺ຈາທິ. ທ຺ວິຘາ ຠູຕສ຺ສາ ຕິຘິນາ ຘາຕຸສ຺ເສວ ທ຺ວິຘາຠູຕຕ຺ຕໍ ທີເປຕິ.