໕໕. ກຕ຺ຕ

ຠູຕສທ຺ເທເນຕ຺ຖາຘິປ຺ເປຕຕ຺ຖມຸປທສ຺ເສຕຸມາຫ- ‘ຠູຕມຕີຕ’ມິຈ຺ຈາທິ. ອຎ຺ຎຖາຕິ ຍທ຺ຍຕິກ຺ກນ຺ຕວຈໂນ ນ ສິຍາຕິ ອຕ຺ໂຖ.

ນນຸຈາຕ຺ເຣຕເຣຕຣນິສ຺ສຍໂທໂສ ປສຊ຺ຊເຕ, ສຕີ ຫິ ຠູຕາຘິກາເຣຕ຺ໂຕ ວິຘີຍເຕ, ສຕິ ຈ ຕ຺ເຕ ຠູຕສທ຺ທສ຺ສ ນິປ຺ຜຕ຺ຕີຕິ ຜຸໂຏ ເຍວິຕເຣຕຣນິສ຺ສຍໂທໂສຕິ. ເນສໂທໂສ, ສງ຺ເກຕາຕິ ພ຺ຍຕ຺ໂຕ ສທ຺ທຕ຺ຖສມ຺ພນ຺ໂຘ ຈິຣກາລປ຺ປວຕ຺ໂຕ, ນາສ຺ສ ກິຎ຺ຈິ ອສາຘຸຕ຺ຕໍ, ອຕິກ຺ກນ຺ເຕ ຈາສ຺ສ ວຸຕ຺ຕິ ສທ຺ທສຕ຺ຕິສຠາວໂຕ ເວທິຕພ຺ພາ. ກ຺ຕວນ຺ຕາ ທໂຍປິ ຈຣຫິ ສທ຺ທສຕ຺ຕິສຠາວໂຕ ຠູເຕເອວ ຠວິສ຺ສນ຺ຕີຕິ ນ ວຕ຺ຕພ຺ພໍ. ຠູຕສທ຺ໂທ-ຍມຕິກ຺ກນ຺ຕຕ຺ເຖ ປສິທ຺ໂຘ ກ຺ຕວນ຺ຕາທໂຍຕ຺ວປ຺ປສິທ຺ຘາ, ອໂຕ ເຕນ ປສິທ຺ຘຕ຺ເຖນາປ຺ປສິທ຺ຘານມນ຺ວາຂ຺ຍານໍ ກຣີຍຕີຕິ. ຠູເຕຕິ ຈາຍໍ ປກຕິວິເສສນໍ ວາ ສິຍາ ‘ຠູຕຕ຺ເຖ ວຕ຺ຕມານາ’ຕິ, ປຈ຺ຈຍຕ຺ຖ ວິເສສນໍ ວາ’ຠູເຕ ກຕ຺ຕຣີ’ຕິ, ຕຕ຺ຣ ກສ຺ສິທໍ ວິເສສນນ຺ຕິ ອາຫຠູເຕຕິ ປກຕິວິເສສນ’ນ຺ຕິ. ກຸໂຕຈ຺ຈາຫ- ‘ສມ຺ພນ຺ຘສ຺ສ ເຈ’ຕ຺ຍາທິ. ອຖ ປຈ຺ຈຍຕ຺ຖວິເສສເນ ໂກ ໂທໂສຈ຺ຈາຫ- ‘ປຈ຺ຈຍຕ຺ຖວິເສສເນ ຫິ’ຈ຺ຈາທິ. ປຈ຺ຈຍຕ຺ຖສ຺ສ ກຕ຺ຕຸໂນ ອນຠິກ຺ກນ຺ຕຕ຺ຕາ ອຍນ຺ຕິ ປໂຍໂຄ ໂນປປຊ຺ຊເຕຕິ ຠາໂວ. ອຠິເຘຍ຺ເຍຕິ ອິມິນາ ປໂຍຊນາທິໍ ພ຺ຍວຈ຺ຉິນ຺ທຕິ.