໔໙. ອິຕ຺ຖິ

ກ຺ລິກຍກິຈ຺ຈຕ຺ຣ ກກາຣພຫຸຕ຺ຕາ ກກາຣາຕິ ພຫຸວຈນໍ. ຕິຕິກ຺ຂາ ອິຈ຺ຈາໂທ ຕິຕິກ຺ຂນມິຈ຺ຈາທິນາ ວິຄ຺ຄໂຫ ‘‘ອິຕ຺ຖິຍມຕ຺ວາ’’ (໓-໒໖). ອປຣິ ປຐິໂຕຕິ ຘາຕຸປາເຐ ອປຣິປຐິໂຕ. ປາຓິວິເສໂສຕິ ສຕ຺ຕວິເສໂສ. ອິມິນາ ຈ ‘‘ຍຖາກຖຎ຺ຈິ ນິປ຺ຜຕ຺ຕິ, ຣຸຬ຺ຫິຍາ ອຕ຺ຖນິຈ຺ຉໂຍ’’ຕິ ທສ຺ເສຕິ.

ອາສິໍ ສາຍໍ ຄມ຺ມມານາຍໍ ສຎ຺ຎາວິສເຍ ຘາຕູຫິ ຕິປ຺ປຈ຺ຈໂຍ ກິຈ຺ຈປ຺ປຈ຺ຈໂຍ ຈ ຍຖາ ສິຍາຕິ ‘‘ຕິກິຈ຺ຈາສິຏ຺ເຐ’’ຕິ (໗-໒-໓) ສຸຕ຺ຕິຕໍ ກຈ຺ຈາຍເນນ. ຕມິຫ ສາມຎ຺ເຎນ ວິຘານາວ ສິທ຺ຘນ຺ຕິ ນິຣູປຍິຕຸມາຫ- ‘ກຈ຺ຈາຍເນນ ປເນ’ຈ຺ຈາທິ. ຕພ຺ພ ອນີຍຓ຺ຍ ເຕຍ຺ຍ ຣິຈ຺ຈປ຺ປຈ຺ຈຍານໍ ‘‘ເຕ ກິຈ຺ຈາ’’ຕິ (໗-໑-໒໒) ກິຈ຺ຈສຎ຺ຎໍ ວິຘາຍ ເສສານໍ ‘‘ອຎ຺ເຎກິຕີ’’ຕິ (໗-໑-໒໓) ກິຕ຺ສຎ຺ຎາ ກຕາ ກຈ຺ຈາຍເນນ. ເຕນາຫ- ‘ກິຕ ສຎ຺ໂຎ’ຕິ.

ຕພ຺ພາທິປ຺ປຈ຺ຈໂຍ ຈ ວິຫິໂຕຕິ ສກິຍໂວຫາເຣນາຫ. ສກິຍ ສຕ຺ເຖ ອວຸຕ຺ຕໂທສໍ [ສຸຕ຺ຕໂທສໍ] ປຣິຫຣິຕ຺ວາ ວກ຺ຂມານນເຍນ ຍຸຕ຺ຍຠາວາ ຕຖາ ວິຘາເນ ອຍຸຕ຺ຕຕໍ ທສ຺ເສນ຺ໂຕ ‘ນຈາສິໍ ສາຍ’ມິຈ຺ຈາທິມາຫ. ຄຸຫນໍ, ຣຸຊນໍ, ໂມທນນ຺ຕິ ວິຄ຺ຄໂຫ. ສຍນໍ ວາ ເສຍ຺ຍາ. ວຊຘາຕຸໂນ ວສ຺ສ ພກາເຣນ ຠວິຕພ຺ພໍ, ໂສ ກຖໍ ຍກາເຣ ປຣຠູເຕ ອສຕີຕິ ອາຫ- ‘ຈວຄ຺ຄພຍຎາຕິໂຍຄວິຠາຄາ ວສ຺ສ ໂພ’ຕິ.