໔໔. ຠາວ

ກາຣກໍ ສາຘກໍ ນິພ຺ພຕ຺ຕກນ຺ຕິ ອນຕ຺ຖນ຺ຕຣໍ. ກໂຣຕິ ກິຣິຍໍ ນິພ຺ພຕ຺ເຕຕິ ນິມິຕ຺ຕຠາເວນາຕິ ກາຣກໍ. ກຕ຺ຕາທີນໍ ກິຣິຍານິມິຕ຺ຕຕ຺ຕນ຺ຕຸ ສຍເມວ ‘ຕຕ຺ຖ ກຕ຺ຕາ’ຕິອາທິນາ ເຠເທນ ປກາສຍິສ຺ສຕິ. ກິຣິຍານິມິຕ຺ຕໍ… ນິພ຺ພຕ຺ຕເກສຸ ກຕ຺ຕາທີສຸ ຉສຸປິ ຣຸຬ຺ຫຕ຺ຕາ ເຕເນຕ຺ຖ ກຕ຺ຕາວາຕ຺ຕປ຺ປຘາໂນ, ກຣຓາທໂຍປ຺ຍປ຺ປຘານາ ກາຣກພ຺ຍປເທໂສ ລພ຺ຠນ຺ເຕ… ອຎ຺ຎຖາ ກາຣກສທ຺ເທນ ເຕສໍ ຄຫຓໍ ນ ສິຍາຕິ. ກິມິທໍ ກາຣກນ຺ຕ຺ຍາຫ- ‘ສຕ຺ຕິກາຣກ’ນ຺ຕິ. ເອວໍ ຈຣຫິ ທພ຺ພາທີນໍ ກຖໍ ກາຣກຕ຺ຕມິຈ຺ຈາຫ- ‘ຕທຘິກຣຓາ’ຕິອາທິ. ຕສ຺ສາ ສຕ຺ຕິຍາ ອາຘາຣາ ນິສ຺ສຍາຕິ ອຕ຺ໂຖ, ປຸໍ ນປຸໍສເກ ອຘິກຣຓສທ຺ໂທ. ເຕສຸ ທພ຺ພາ ທີສຸ ຕິຏ຺ຐຕີຕິ ຕຕ຺ຣຏ຺ຐາ, ສຕ຺ຕິ. ຕສ຺ສາ ຠາໂວ ຕຕ຺ຣຏ຺ຐຕາ, ຕາຍ. ອຖ ທພ຺ພາທີນໍ ມຸຂ຺ຍໂຕ ກາຣກຕ຺ເຕ ສຕິ ກິມາຍາຕນ຺ຕ຺ຍາຫ ‘ຍທິ’ຈ຺ຈາທິ.

ເຕສນ຺ຕິ ກຕ຺ຕາທິກາຣການໍ. ອຎ຺ຎມຎ຺ຎພ຺ຍາວຸຕ຺ຕຣູປຕ຺ຕາຕິ ອຎ຺ຎມຎ຺ຎໂຕ ພ຺ຍາວຸຕ຺ຕໍ ນິວຕ຺ຕໍ ຣູປໍ ກຣຓາທິສຠາໂວ ເຍສໍ ກຕ຺ຕາທິ ກາຣການໍ ເຕ ຕຖາ ວຸຕ຺ຕາ, ເຕສໍ ຠາໂວ ຕຕ຺ຕໍ ຕສ຺ມາ. ກຣຓ ຣູປນ຺ຕິ ກຣຓໍ ຣູປໍ ສຠາໂວ ຍສ຺ສ ອຘິກຣຓສ຺ສ ຕໍ ຕຖາ ວຸຕ຺ຕໍ. ເອວຎ຺ຈສຕິໂກ ໂທໂສຈ຺ຈາຫ ‘ຕຖາ ເຈ’ຈ຺ຈາທິ. ເກນຈິ ສຸກຣຕ຺ເຕນ ສປ຺ປຘານຕ຺ຕວຈນິຈ຺ຉາຍໍ ‘ຖາລີ ປຈຕີ’ຕິ ຠວຕິ. ຕຕ຺ເຣວຸກ຺ກໍສວຈ ນິຈ຺ຉາຍໍ ‘ຖາລິຍາ ປຈຕີ’ຕິ.

ເອວຎ຺ຈກຕ຺ວາຕິ ນິປາຕສມຸທາໂຍ-ຍໍ ເຫຕ຺ວຕ຺ໂຖ. ຕສ຺ມາຕິ ອຕ຺ໂຖ. ກຕ຺ຕາ ນິມິຕ຺ຕນ຺ຕິ ສມ຺ພນ຺ໂຘ. ກຕ຺ຕຸຏ຺ຐກິຣິຍານິມິຕ຺ຕສ຺ສ ກຕ຺ຕຸໂນ ອຸທາຫຣຓໍ ‘ຫສຕິ ນຈ຺ຈຕີ’ຕິ. ຕທຕ຺ເຖຕິ ຕາຍ ກມ຺ມສມວາຍິນິຍາ ປຈນາທິກິຣິຍາຍ ອຕ຺ເຖ ອຘິສ຺ສຍນາທໂຍ ປວຕ຺ເຕນ຺ໂຕ ກິຣິຍາຍ ນິມິຕ຺ຕນ຺ຕິ ສມ຺ພນ຺ໂຘ. ເອວມຸປຣິປິ.

ໂອທນໍ ປຈຕິ ເທວທຕ຺ໂຕຕິ ກມ຺ມຏ຺ຐກິຣິຍາຍ ນິມິຕ຺ຕຠູຕສ຺ສ ກຕ຺ຕຸໂນ ອຸທາຫຣຓໍ. ຠາຊນສງ຺ຂຣຓມຘິສ຺ສຍນໍ. ອາທິສທ຺ເທນ ຕຓ຺ຑຸລວປນອິນ຺ຘນາປຫຣຓາທໂຍ ຄຍ຺ຫນ຺ຕິ. ທ຺ວິຘາປຕ຺ຕິຍນ຺ຕິ ຣຸກ຺ຂາທີນໍ ທ຺ວິຘາ ປວຕ຺ຕິຍໍ.

ພ຺ຍາປເນຕິ ສມ຺ພນ຺ເຘ. ຄິຣຘາຕຸໂຕ ອປ຺ປຈ຺ຈເຍ- ‘‘ເອໂອນມ ວຓ຺ເຓ’’ຕິ (໑໓໗) ສຸຕ຺ເຕ ‘ອວຓ຺ເຓຕິ ໂຍຄວິຠາຄໂຕ ຄກາເຣ ອິກາຣສ຺ສ ອຕ຺ຕໍ ໂຫຕີຕິ ທສ຺ເສຕຸມາຫ- ‘ອວຓ຺ເຓຕິ ໂຍຄວິຠາຄາ ອຕ຺ຕໍ ອິສ຺ສາ’ຕິ. ອຎ຺ຎຖາປິ ປຏິປາເທຕຸມາຫ- ‘ເອສ຺ສ ວາ’ຕິອາທິ. ເອສ຺ສາຕິ ‘‘ລຫຸສ຺ສຸປນ຺ຖສ຺ສາ’’ຕິ (໕-໘໗) ກຕເອສ຺ສ. ສກເລນາຕິ ‘ເອໂອນມ ວຓ຺ເຓ’’ຕິ ສກເລນ ສຸຕ຺ເຕນ. ປຸຣີຕິ ນິປາໂຕ.

ອີສກ຺ກໂຣຕິ ພິນ຺ທຸໂລໂປ, ທ຺ວິຕ຺ຕໍ, ສາມຎ຺ເຎນ ວິຘານໂຕຕິ ປເຣສໍ ວິເສສວິຘານສພ຺ຠາວມາຫ. ຄຓິກາລຍໍ ຄຓິການໍ ເຄຫໍ. ເນປຖ຺ຍມາກປ຺ໂປ. ທຕ຺ໂຕລທ຺ໂຘຕິ ປຈ຺ຈຍສ຺ສ ກມ຺ມສາຘນຕ຺ຕໍ ທີເປຕຸໍວຸຕ຺ຕໍ. ວິນາລິງ຺ຄວຈເນຫິ ປາຏິປທິກຕ຺ຖໍ ນິທ຺ທິສິຕຸໍ ນ ສກ຺ກາຕິ ຠາເວຕິ ສພ຺ພລິງ຺ຄສງ຺ຂ຺ຍາສມ຺ພນ຺ຘໂຍຄ຺ຄປາຏິປທິກຕ຺ຖສາມຎ຺ເຎ ປຈ຺ຈຍນິມິຕ຺ຕຕ຺ເຕນ ຄຫິເຕປິ ສາມຎ຺ເຎ ຈຣິຕຕ຺ຖຕ຺ຕາ ລິງ຺ຄວຈນໍ ນປ຺ປຘານນ຺ຕິ ອິຏ຺ຐິອາວຸຘນ຺ຕີ ອິຕ຺ຖິ ນປຸໍສເກຠາເວ, ປາກາຕິ ພຫຸວຈເນປິ ຠາເວ ຠວຕິ ເອວ.