໑. ຕິຊ

ຂມາວີມໍສາສູຕິ ປກຕິວິເສສນເມວ ກຖມິຈ຺ຉິຕນ຺ຕິ ອາຫ- ‘ສມ຺ພນ຺ຘສ຺ສິ’ຈ຺ຈາທິ, ປທານມຎ຺ຎມຎ຺ຎສມ຺ພນ຺ຘສ຺ສ ປຸຣິສາຘີນຕ຺ຕາຕິ ອຕ຺ໂຖ, ປກຕິ ວິເສສນນ຺ຕິ ຕິຊມາຫ ສທ຺ທານໍ ວິເສສນໍ, ກິມ຺ປນ ປກຕິວິເສສເນ ຜລ ມິຈ຺ຈາຫ- ‘ປກຕິວິເສສໂນປາທານ’ມິຈ຺ຈາທິ. ຍຊ຺ຊຕ຺ຣ ‘ຂມາວີມໍສາສູ’ຕິ ປກຕິວິເສສນໍ, ກສ຺ມິໍ ອຕ຺ເຖ ຈຣຕິ ຂສາ ວິຘີຍນ຺ຕິຈ຺ຈາຫ- ‘ອຕ຺ຖນ຺ຕຣສ຺ສາ ນິທ຺ເທສາ’ອິຈ຺ຈາທິ. ອຕ຺ຖນ຺ຕຣສ຺ສາຕິ ນິສານາທິອຕ຺ຖນ຺ຕຣສ຺ສ. ‘‘ສຸຕານຸມິເຕສຸ ສຸຕສມ຺ພນ຺ໂຘວ ພລວາ’’ຕິ ປຣິຠາສມຸປລກ຺ເຂຕິ ‘ສຸຕານຸມິຕານ’ມິຈ຺ຈາທິນາ. ເຕເນວາຕິ ກິຣິຍາຣູປາສຸ ຂມາວີມໍສຸ ຂສານໍ ວີຘາເນເນວ, ສກຕ຺ເຖ ວິຘາເນເນຕິ ວຸຕ຺ຕໍ ໂຫຕິ. ຕິຕິກ຺ຂກິຣິຍຕ຺ຕາຕິ ອິມິນາ ປເຣສໍ ວິຍ ຂາທ຺ຍນ຺ຕານໍ ຘາຕຸສຎ຺ຎາວິຘານ ມນຕ຺ຖກນ຺ຕິ ທສ຺ເສຕິ.

ຕິຕິກ຺ຂາ ຂມາ, ຕິຕິກ຺ຂຕິ ຂມຕິ, ວີມໍສາ ອຸປປຣິກ຺ຂາ, ວີມໍສຕິ ອຸປປຣິກ຺ຂຕີຕິ ອຕ຺ໂຖ. ສຸຕ຺ເຕ ຕິຊອິຕິ ນິທ຺ເທສາ ຠູວາທິກສ຺ສ ຄຫຓໍ. ນິຈ຺ຈຓ຺ຍນ຺ຕສ຺ສ ຈຸຣາທິກສ຺ສ ຫິ ຕາທິເສ ປໂຍຊເນ ສຕິ ພຫຸລໍ ວິຘີຍມາເນປິ ນິຈ຺ຈຕ຺ຕມຕ຺ຕໂນ ນາຕິວຕ຺ຕຕິ. ອຖວາ ຈຸຣາທິມາເນນາພ຺ຍຠິຈາຣິນາ ສາຫຈຣິຍາ ຕິໂຊປິ ຈຸຣາທິໂກວ, ຕໍ ຍຖາ ‘ຄາວສ຺ສ ທຸຕິເຍນາຕ຺ໂຖ’ຕິ. ວຸຕ຺ເຕໂຄເຍໂວປາທີຍເຕ, ນາສ຺ໂສ, ນ ຄທ຺ຣໂຠ. ກທາຈິ ປນ ອສ຺ສາທິໂນປິ ທຸຕິຍສ຺ສ ຄຫຓໍ ສິຍາ ອຕ຺ຖປ຺ປກຣຓາ ທິປ຺ປຠາວໂຕ.

ນນຸ ຈ ວີມໍສາຍໍ ສປ຺ປຈ຺ຈຍວິຘານ ມນຸປປນ຺ນມິຕເຣຕຣນິສ຺ສຍໂທສ ທຸຏ຺ຐຕ຺ຕາ, ຕຖາຫິ ສິທ຺ເຘ ວີມໍສາສທ຺ເທ ສປ຺ປຈ຺ຈໂຍ ອຸປ຺ປຊ຺ຊເຕ, ສຕິ ຈ ຕສ຺ມິໍ ວີມໍສາຕິ ຣູປໍ ສມ຺ປຊ຺ຊຕີຕິ ອິຕເຣຕຣນິສ຺ສໂຍ, ອິຕເຣຕຣ ນິສ຺ສຍານິ ຈ ກາຣິຍານີ ໂນປກປ຺ປນ຺ຕີຕິ ເຕນາຫ- ‘ອນຸວາທຣູປານ’ມິຈ຺ຈາທິ. ອນາທິກາລສໍສິທ຺ຘສທ຺ທານຸວາໂຕ ນຕ຺ຖິ ອິຕເຣຕຣນິສ຺ສໂຍ ໂທໂສຕິ ຠາໂວ. ປໂຍຊກພ຺ຍາປາຣຓິປ຺ປຈ຺ຈຍາຠາເວ ເຕຊເຕຕິ ຣູປໍ.