໕໑. ຕສ຺ສ

ນນຸ ຈ ສງ຺ຂ຺ຍາສທ຺ໂທ ສງ຺ຂ຺ຍາເນ ສງ຺ຂ຺ເຍຍ຺ເຍ ຈ ວຕ຺ຕເຕ, ກຖເມຕ຺ຖ ສງ຺ຂ຺ຍາເນວສິຕາ ວຸຕ຺ຕິ ເຍເນວໍ ວິວຣຓໍ ກຕມິຈ຺ຈາຫ- ‘ຍທິປິ’ຈ຺ຈາທິ, ປຈ຺ຈາສນ຺ນໍ ສງ຺ຂ຺ຍາສທ຺ທສ຺ສາຕິ ອຘິປ຺ປາໂຍ. ອິມິນາ ຈ ກຣຓສາຘໂນ-ຍໍ ປູຣຓສທ຺ໂທຕິ ວິຎ຺ຎາເປຕິ. ຍໂຕຕິ ວຸຕ຺ຕຍໍ ສທ຺ທສມ຺ພນ຺ຘິນາ ຕໍສທ຺ເທນ ເສຕິ ອຸລ຺ລິງ຺ຄິຕສ຺ສ ສງ຺ຂ຺ຍາຕິອຕ຺ຖມຸປທສ຺ສິຍ ສາເຍວ ປູຣີຍເຕຕີມສ຺ສ ກມ຺ມຠາເວນ ຕິຏ຺ຐຕີຕິ ທສ຺ເສຕຸໍ ເຕນ ປູຣເຓນ ປູຣີຍເຕ’ຕິ ອາຫ.

ສມ຺ປຊ຺ຊເຕຕິ ປູຣີຍເຕຕ຺ຍສ຺ສຕ຺ຖມາຈິກ຺ຂຕິ. ອເນເນຕໍ ທສ຺ເສຕິ ‘‘(ນ) ຆຏິກາທີນມິວ ທພ຺ພານໍ ທພ຺ພນ຺ຕເຣ ນາຕິຣິຕ຺ຕີກຣຓໍ ສງ຺ຂ຺ຍາຍ ປູຣຓໍ ກິຎ຺ຈຣຫິ ຕສ຺ສ ສມປ຺ປຕ຺ຕິເຍວາ’’ຕິ. ອຖ ກາຍໍ ວໂຈຍຸຕ຺ຕິ ‘ສາສງ຺ຂ຺ຍາ ປູຣີຍເຕ ເຍເນ’ຕິ, ຍາວຕາ ສາຕິ ຍສ຺ມາ ປຈ຺ຈໂຍ ວິຫິໂຕ ຕສ຺ສ ສງ຺ຂ຺ຍາສທ຺ທສ຺ສ ປຣາມາໂສ ຕສ຺ສ ຈ ປູຣເຓນ ອເຠໂທຈ຺ຈາສງ຺ກິຍາຫ- ‘ອເຠເທໂນຈ຺ຈເຕ ສງ຺ຂ຺ຍາ ປູຣີຍເຕ ເຍເນຕີ’ຕິ ອຠິຘານາຠິເຘຍ຺ຍານມເຠໂທປຈາເຣນ ວຸຈ຺ຈຕີຕ຺ຍຕ຺ໂຖ, ສງ຺ຂ຺ເຍຍ຺ຍປູຣເຓ ໂຑ ນ ໂຫຕີຕິ ວຕ຺ວາ ຕທຕ຺ຖໍ ວິຠາເວຕຸມາຫ- ‘ທ຺ວາທສນ຺ນ’ມິຈ຺ຈາທິ. ໂສ ຆໂຏ ຕາສໍ ຆຏິການໍ ປູຣໂຓ ທພ຺ພານໍ ທພ຺ພນ຺ຕເຣ ນາຕິ ຣິຕ຺ຕີກຣຓວເສນ. ວີສຕິຍາ ປູຣໂຓຕິອາທິນາ ວິຄ຺ຄໂຫ.