໓໖. ຍໂຕ

ວິສຸໍ ກຣຓໍ ນິທ຺ຘາຣຓໍ, ຊິນິນ຺ທພຸທ຺ຘາຈຣິເຍນ ‘‘ກິມຕ຺ຖມ຺ປຸນຣິທໍ ວຈນໍ ຍາວຕາ ນິທ຺ຘາຣິຍມາໂນ-ວຍໂວ ສມຸທາຍພ຺ຠນ຺ຕໂຣ, ຕຕ຺ຖ ຍທາ ສມຸທາຍສ຺ສາ-ຘິກຣຓຕ຺ຕໍ ວຕ຺ຕຸມິຈ຺ຉີຍເຕ, ຕທາ ສຕ຺ຕມີ ສິທ຺ຘາວ, ຍຖາ ຣຸກ຺ເຂ ສາຂາຕິ, ຍທາ ຕ຺ວວຍວສມ຺ພນ຺ໂຘ ຕທາ ຉຏ຺ຐີ, ຍຖາ ຣຸກ຺ຂສ຺ສ ສາຂາຕິ ສຈ຺ຈເມຕໍ ປປຎ຺ຈຕ຺ຖນ຺ຕຸ ວຈນ’’ນ຺ຕິ ວຸຕ຺ຕໍ, ຕຎ຺ເຈຕ ມຍຸຕ຺ຕນ຺ຕິທສ຺ເສນ຺ໂຕ ອາຫ-‘ນ ສາລໂຍ’ຈ຺ຈາທິສູກຍຸຕ຺ຕານິຘຎ຺ຎານິ ສູກຘຎ຺ຎານິ, ອາຫິຕາ ອວຏ຺ຐິຕາ, ອາເຘຍ຺ຍ ຠູຕາຕິ ວຸຕ຺ຕໍ ໂຫຕິ. ຍໂຕຕິ ອາຫິຕຕ຺ຕກາຣຓາ, ຕໂຕຕິ ຍໂຕ ຊິນິນ຺ທພຸທ຺ຘິວຈນເມວມຍຸຕ຺ຕໍ, ຕສ຺ມາ ກາຣຓາ. ‘ປຎ຺ຈມີ ວິຠຕ຺ເຕ’’ຕິ (໒-໓-໔໒) ປາຓິນີຍ ສຸຕ຺ຕໍ, ຕທາຫ-‘ສມຸທາຍໂຕ’ຈ຺ຈາທິ, ສຸຕໂຕ ສກາສາ ສີລໍ ອຕິສເຍນ ເສຍ຺ໂຍຕິ ສມ຺ພນ຺ໂຘ, ‘‘ນິທ຺ຘາຣເຓ ຉຏ຺ຐີ ສຕ຺ຕມີສຸ ປຕ຺ເຕສຸ ຕທປວາໂທ, ຍໍ ໂຍໂຄ’’ຕິ ປເຣຫາຂ຺ຍາຍເຕ, ຕຕ຺ຖ ຕາວ ນິທ຺ຘາຣຓເມເວຕ຺ຖ ນຕ຺ຖິ ກຸໂຕ ຉຏ຺ຐີສຕ຺ຕມີນໍ ຕຕ຺ຖປ຺ປວຕ຺ຕິ, ຍໂຕ ຕາສໍ ພາຘນຕ຺ຖມິທມາຣພ຺ຠເຕຕິ ທສ຺ສຍມາຫ-‘ນາຕ຺ຣ ຊາຕ຺ຍາທີຫິ’ຈ຺ຈາທິ, ນຫິຈ຺ຈາທິນາ ຊາຕ຺ຍາທີຫິ ນິທ຺ຘາຣຓາຠາວໍ ທສ຺ເສຕິ, ຊຈ຺ຈາທີນນ຺ຕິ ນິທ຺ຘາຣເຓ ຉຏ຺ຐີ, ກຸໂຕ ນ ຠວຕິຈ຺ຈາຫ-‘ຊຈ຺ຈາທິສມ຺ພນ຺ເຘເນ’ຈ຺ຈາທິ, ອຕໍ ພ຺ຍປເທສໂຕຕິ ສີລຕ຺ຕາທິພ຺ຍປເທສາຠາວໂຕ, ປຸນ ນິທ຺ຘາຣຓາຠາເວ ເຫຕ຺ວນ຺ຕຣມາຫ-‘ຕຸລ຺ຍານຎ຺ເຈ’’ຈ຺ຈາທິ. ສາຘຸນິປຸເຓຫິ ໂຍເຄ ປູຊາຍໍ ຄມ຺ມມານາຍໍ ສຕ຺ຕມີ, ຕຖາ ອສາຘຸໂຍເຄ, ຕຖາ ປສິຕອຸສ຺ສຸກ຺ເກຫິ ໂຍເຄ ຕຕິຍາສຕ຺ຕມິໂຍ, ຕຖາ ໂລປນ຺ຕນກ຺ຂຕ຺ຕສທ຺ທາ ຈ ເຕນ ເຕນ ວຈນນ຺ຕເຣນ ປາຓິນິເຍຫິ ວິຫິຕາ, ຕໍ ສພ຺ພໍ ຕໍຕໍກາຣກວຈນິຈ຺ຉາຍເມວ ສາເຘຕຸໍ ‘ມາຕຣິ ສາຘຸ’ ອິຈ຺ຈາທໂຍ ອຸທາຫຏາ ເກເສສຸ ປສິໂຕ ປສຕ຺ໂຕ, ອວພທ຺ໂຘຕິ ອຕ຺ໂຖ, ເກເສຫິ ກຣຓຠູເຕຫິ ປສິໂຕ ຠວຕິ, ກຕ຺ຕຸຠູເຕຫິ ວາ ປສິໂຕ ກໂຕຕິ ອຕ຺ໂຖ, ຜຸສ຺ເສນິນ຺ທຸຍຸຕ຺ເຕນ ລກ຺ຂິໂຕ ກາໂລ ໂສຍມິຕ຺ຍເຠເທນ ສມ຺ພນ຺ຘາ ຜຸສ຺ເສ, ເຕນ ກຣຓຠູເຕນ.