໕. ອຘິຄມສຸຕ຺ຕໍ

໗໙. ‘‘ຉຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠິກ຺ຂຸ ອຠພ຺ໂພ ອນຘິຄຕໍ ວາ ກຸສລໍ ຘມ຺ມໍ ອຘິຄນ຺ຕຸໍ, ອຘິຄຕໍ ວາ ກຸສລໍ ຘມ຺ມໍ ຜາຕິໍ ກາຕຸໍ [ຜາຕິກຕ຺ຕຸໍ (ສີ.), ຜາຕິກາຕຸໍ (ສ຺ຍາ. ກໍ. ປີ.)]. ກຕເມຫິ ຉຫິ? ອິຘ, ຠິກ຺ຂເວ, ຠິກ຺ຂຸ ນ ອາຍກຸສໂລ ຈ ໂຫຕິ, ນ ອປາຍກຸສໂລ ຈ ໂຫຕິ, ນ ອຸປາຍກຸສໂລ ຈ ໂຫຕິ, ອນຘິຄຕານໍ ກຸສລານໍ ຘມ຺ມານໍ ອຘິຄມາຍ ນ ຉນ຺ທໍ ຊເນຕິ, ອຘິຄເຕ ກຸສເລ ຘມ຺ເມ ນ ອາຣກ຺ຂຕິ [ສາຣກ຺ຂຕິ (ສີ. ສ຺ຍາ. ກໍ. ປີ)], ສາຕຈ຺ຈກິຣິຍາຍ ນ ສມ຺ປາເທຕິ. ອິເມຫິ ໂຂ, ຠິກ຺ຂເວ, ຉຫິ ຘມ຺ເມຫິ ສມນ຺ນາຄໂຕ ຠິກ຺ຂຸ ອຠພ຺ໂພ ອນຘິຄຕໍ ວາ ກຸສລໍ ຘມ຺ມໍ ອຘິຄນ຺ຕຸໍ, ອຘິຄຕໍ ວາ ກຸສລໍ ຘມ຺ມໍ ຜາຕິໍ ກາຕຸໍ.

‘‘ຉຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠິກ຺ຂຸ ຠພ຺ໂພ ອນຘິຄຕໍ ວາ ກຸສລໍ ຘມ຺ມໍ ອຘິຄນ຺ຕຸໍ, ອຘິຄຕໍ ວາ ກຸສລໍ ຘມ຺ມໍ ຜາຕິໍ ກາຕຸໍ. ກຕເມຫິ ຉຫິ? ອິຘ, ຠິກ຺ຂເວ, ຠິກ຺ຂຸ ອາຍກຸສໂລ ຈ ໂຫຕິ, ອປາຍກຸສໂລ ຈ ໂຫຕິ, ອຸປາຍກຸສໂລ ຈ ໂຫຕິ, ອນຘິຄຕານໍ ກຸສລານໍ ຘມ຺ມານໍ ອຘິຄມາຍ ຉນ຺ທໍ ຊເນຕິ, ອຘິຄເຕ ກຸສເລ ຘມ຺ເມ ອາຣກ຺ຂຕິ, ສາຕຈ຺ຈກິຣິຍາຍ ສມ຺ປາເທຕິ. ອິເມຫິ ໂຂ, ຠິກ຺ຂເວ, ຉຫິ ຘມ຺ເມຫິ ສມນ຺ນາຄໂຕ ຠິກ຺ຂຸ ຠພ຺ໂພ ອນຘິຄຕໍ ວາ ກຸສລໍ ຘມ຺ມໍ ອຘິຄນ຺ຕຸໍ, ອຘິຄຕໍ ວາ ກຸສລໍ ຘມ຺ມໍ ຜາຕິໍ ກາຕຸ’’ນ຺ຕິ. ປຎ຺ຈມໍ.