໘. ພລສຸຕ຺ຕໍ

໗໒. ‘‘ຉຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠິກ຺ຂຸ ອຠພ຺ໂພ ສມາຘິສ຺ມິໍ [ສມາຘິມ຺ຫິ (ກ.)] ພລຕໍ ປາປຸຓິຕຸໍ. ກຕເມຫິ ຉຫິ? ອິຘ, ຠິກ຺ຂເວ, ຠິກ຺ຂຸ ນ ສມາຘິສ຺ສ ສມາປຕ຺ຕິກຸສໂລ ໂຫຕິ, ນ ສມາຘິສ຺ສ ຐິຕິກຸສໂລ ໂຫຕິ, ນ ສມາຘິສ຺ສ [ນ ສມາຘິມ຺ຫາ (ກ.) ອຸປຣິສຕ຺ຕກນິປາເຕ ເທວຕາວຄ຺ເຄ ປນ ສພ຺ພຕ຺ຖປິ ‘‘ສມາຘິສ຺ສ’’ອິຕ຺ເວວ ທິສ຺ສຕິ] ວຸຏ຺ຐານກຸສໂລ ໂຫຕິ, ອສກ຺ກຈ຺ຈກາຣີ ຈ ໂຫຕິ, ອສາຕຈ຺ຈກາຣີ ຈ, ອສປ຺ປາຍກາຣີ ຈ. ອິເມຫິ ໂຂ, ຠິກ຺ຂເວ, ຉຫິ ຘມ຺ເມຫິ ສມນ຺ນາຄໂຕ ຠິກ຺ຂຸ ອຠພ຺ໂພ ສມາຘິສ຺ມິໍ ພລຕໍ ປາປຸຓິຕຸໍ.

‘‘ຉຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ຠິກ຺ຂຸ ຠພ຺ໂພ ສມາຘິສ຺ມິໍ ພລຕໍ ປາປຸຓິຕຸໍ. ກຕເມຫິ ຉຫິ? ອິຘ, ຠິກ຺ຂເວ, ຠິກ຺ຂຸ ສມາຘິສ຺ສ ສມາປຕ຺ຕິກຸສໂລ ໂຫຕິ, ສມາຘິສ຺ສ ຐິຕິກຸສໂລ ໂຫຕິ, ສມາຘິສ຺ສ ວຸຏ຺ຐານກຸສໂລ ໂຫຕິ, ສກ຺ກຈ຺ຈກາຣີ ຈ ໂຫຕິ, ສາຕຈ຺ຈກາຣີ ຈ, ສປ຺ປາຍກາຣີ ຈ. ອິເມຫິ ໂຂ, ຠິກ຺ຂເວ, ຉຫິ ຘມ຺ເມຫິ ສມນ຺ນາຄໂຕ ຠິກ຺ຂຸ ຠພ຺ໂພ ສມາຘິສ຺ມິໍ ພລຕໍ ປາປຸຓິຕຸ’’ນ຺ຕິ. ອຏ຺ຐມໍ.