໓. ຕຕິຍສມ຺ມຕ຺ຕນິຍາມສຸຕ຺ຕໍ

໑໕໓. ‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ສຸຓນ຺ໂຕປິ ສທ຺ຘມ຺ມໍ ອຠພ຺ໂພ ນິຍາມໍ ໂອກ຺ກມິຕຸໍ ກຸສເລສຸ ຘມ຺ເມສຸ ສມ຺ມຕ຺ຕໍ. ກຕເມຫິ ປຎ຺ຈຫິ? ມກ຺ຂີ ຘມ຺ມໍ ສຸຓາຕິ ມກ຺ຂປຣິຍຸຏ຺ຐິໂຕ, ອຸປາຣມ຺ຠຈິຕ຺ໂຕ [ສອຸປາຣມ຺ຠຈິຕ຺ໂຕ (ສ຺ຍາ. ກໍ.)] ຘມ຺ມໍ ສຸຓາຕິ ຣນ຺ຘຄເວສີ, ຘມ຺ມເທສເກ ອາຫຕຈິຕ຺ໂຕ ໂຫຕິ ຂີລຊາໂຕ [ຂິລຊາໂຕ (ສ຺ຍາ. ປີ.)], ທຸປ຺ປຎ຺ໂຎ ໂຫຕິ ຊໂຬ ເອຬມູໂຄ, ອນຎ຺ຎາເຕ ອຎ຺ຎາຕມານີ ໂຫຕິ. ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄໂຕ ສຸຓນ຺ໂຕປິ ສທ຺ຘມ຺ມໍ ອຠພ຺ໂພ ນິຍາມໍ ໂອກ຺ກມິຕຸໍ ກຸສເລສຸ ຘມ຺ເມສຸ ສມ຺ມຕ຺ຕໍ.

‘‘ປຎ຺ຈຫິ, ຠິກ຺ຂເວ, ຘມ຺ເມຫິ ສມນ຺ນາຄໂຕ ສຸຓນ຺ໂຕ ສທ຺ຘມ຺ມໍ ຠພ຺ໂພ ນິຍາມໍ ໂອກ຺ກມິຕຸໍ ກຸສເລສຸ ຘມ຺ເມສຸ ສມ຺ມຕ຺ຕໍ. ກຕເມຫິ ປຎ຺ຈຫິ? ອມກ຺ຂີ ຘມ຺ມໍ ສຸຓາຕິ ນ ມກ຺ຂປຣິຍຸຏ຺ຐິໂຕ, ອນຸປາຣມ຺ຠຈິຕ຺ໂຕ ຘມ຺ມໍ ສຸຓາຕິ ນ ຣນ຺ຘຄເວສີ, ຘມ຺ມເທສເກ ອນາຫຕຈິຕ຺ໂຕ ໂຫຕິ ອຂີລຊາໂຕ, ປຎ຺ຎວາ ໂຫຕິ ອຊໂຬ ອເນຬມູໂຄ, ນ ອນຎ຺ຎາເຕ ອຎ຺ຎາຕມານີ ໂຫຕິ. ອິເມຫິ ໂຂ, ຠິກ຺ຂເວ, ປຎ຺ຈຫິ ຘມ຺ເມຫິ ສມນ຺ນາຄໂຕ ສຸຓນ຺ໂຕ ສທ຺ຘມ຺ມໍ ຠພ຺ໂພ ນິຍາມໍ ໂອກ຺ກມິຕຸໍ ກຸສເລສຸ ຘມ຺ເມສຸ ສມ຺ມຕ຺ຕ’’ນ຺ຕິ. ຕຕິຍໍ.