೪. ನಿಸ್ಸಯವಾರವಣ್ಣನಾ

೩೨೯-೩೩೭. ನಿಸ್ಸಯಪಚ್ಚಯಭಾವನ್ತಿ ನಿಸ್ಸಯವಾರೇ ವುತ್ತಸ್ಸ ಸಹಜಾತಪುರೇಜಾತಸ್ಸ ಚ ನಿಸ್ಸಯಟ್ಠಸ್ಸ ಧಮ್ಮಸ್ಸ ಪಚ್ಚಯಭಾವಂ ಪಚ್ಚಯವಾರೇನ ನಿಯಮೇತುನ್ತಿ ಯೋಜನಾ. ತಥಾ ಪಚ್ಚಯವಾರೇ ‘‘ಪಚ್ಚಯಾ’’ತಿ ವುತ್ತಸ್ಸ ಪಚ್ಚಯಧಮ್ಮಸ್ಸ ಸಹಜಾತಪುರೇಜಾತಭಾವಂ ನಿಸ್ಸಯವಾರೇನ ನಿಯಮೇತುನ್ತಿ ಯೋಜನಾ. ನಿಯಮನಞ್ಚೇತ್ಥ ಪಚ್ಚಯಟ್ಠನಿಸ್ಸಯಟ್ಠಾನಂ ಪರಿಯಾಯನ್ತರೇನ ಪಕಾಸಿತತ್ತಾ ಅತ್ಥತೋ ಭೇದಾಭಾವದಸ್ಸನನ್ತಿ ವೇದಿತಬ್ಬೋ. ತೇನ ವುತ್ತಂ ‘‘ಪಚ್ಚಯತ್ತಂ ನಾಮ ನಿಸ್ಸಯತ್ತಂ, ನಿಸ್ಸಯತ್ತಂ ನಾಮ ಪಚ್ಚಯತ್ತ’’ನ್ತಿ.

ನಿಸ್ಸಯವಾರವಣ್ಣನಾ ನಿಟ್ಠಿತಾ.